如題,想多啲在家整甜品同麵包
大家覺得邊部會方便同好用?
有電動打蛋器同手提攪拌棒，廚師機覺得太大又無咁常用就無買，如果只做普通蛋糕打蛋器都夠，會做埋加固同濃湯就攪拌器
有位放嘅我會想要個廚師機多啲, 因為可以攪到麵團。咁如果你有麵包機都可以唔洗嘅。
打蛋器同手提攪拌棒比的話手提攪拌棒會好啲, 因為可以碎肉同埋打湯, 用來打蛋白/忌廉完全OK。但係打蛋器嘅用途就比較少。
2個讚
+1
有廚師機可以整多好多野
咁其實有廚師係咪可以唔使買另外嗰兩樣? 
唔係，至少要買打蛋器
其實三樣野不能完全互相取代，如果係新手，不如諗下邊樣係必需，有左最基本既野先，到整落去覺得越整越起勁，先再買多D野
1個讚
同意
個人覺得手提攪拌棒(連打蛋器)幾好用
整麵包無廚師機可以搵手搓麵團
最多係攰d 用多d 十幾分鐘搓
但係整蛋糕打發蛋白同忌廉無打蛋器真係唔知打到幾時 
我覺得係 
你可以睇下唔同牌子的PRODUCT先, 唔同牌子跟啲配件都唔同, 咁做到嘅野都會有分別。
BLENDER都可以打到白蛋霜同埋忌廉, 不過如果火數低, 個摩打唔夠力就好易燒, 用果陣停一停都可以解決到。揀嘅時候都可以比較埋W數。
如果要打蛋白，就用打蛋器，麵粉漿加蛋白攪拌都有技巧，廚師機好似太大力（利申：無試過）
乜都撈埋一齊就得嘅用廚師機。
最初整蛋糕買咗電動打蛋器. 廚師機反而冇買, 因冇位, 另太少份量好難打得起.
1個讚
頭2個都幾常用下
其實3樣野都可以有唔同功效，同時擁有
廚師機：通常拎嚟整麵包、pizza、蛋糕
電動手蛋器：打cream, 曲奇，雪糕
手提攪拌棒：自家醬汁，忌廉湯，奶昔等
我有kitchen aid, 比我手打重慢。
我支持打蛋器先，平，成功感高。令你一步一步入坑～
1個讚
幾年前買咗hand blender，係好用嘅，因為成日整西餐/泰式汁醬，經常會用到，但如果整麵包一定唔夠用。
我仔就快8個月，開始成日整麵包饅頭俾佢食，每整完一batch隻手都會因為搓粉而痛足一兩日，所以好想好想買廚師機…可惜屋企冇位放
感謝各位建議
依家我決定會買廚師機同手提攪拌棒,應該可以handle大部份食材