請問有冇英華嘅家長可以解答一下
想了解一下英華嘅課程結構同學校風氣
佢算係一間關愛學校嗎？功課多嗎？
Snoopy走左後教學方針有冇大改變？
全級都係普教中？有冇粵教中班？
心儀佢地的課外活動好開心好豐富，想了解更多謝謝
你好…我可以分享一下…
- 學校風氣幾好咖…小朋友大多樂於助人同有禮貌讀得又玩得…相對家長亦融合 (只少我地班係)
- 關愛我覺得係既…因為有同學有特別學習需要學校有社工幫手同支援，個社工好好。老師大多都好懂得欣賞學生。功課唔算多…一日4-5樣，星期五可能6-7樣。(高小唔太清楚…不過聽講唔多)
- 我兒係小三…所以一入黎林校長已經走左…不過聽D前輩家長講無咩大轉變。
- 全校都係普教中，無粵教中班
呢間學校真係好多野玩…仲好好玩…D仔好開心好鍾意番學
學術方面比其他津小深…但學校唔會谷你咖…靠你家長自己跟咖
希望以上解答幫到你 
2個讚
我仔下年9月小一，上星期去完英華1st in，你覺得你小朋友有咩特質吸引到學校收你小朋友？
我做過小一面試家長義工，老師會收什麼特質的小朋友我沒資格講，因為是由校長老師決定。
要說失敗例子會容易很多，因為有很多人唔知道，由佢貼上名字一刻開始，面試已經開始咗，操場後面兩個副校喺度睇緊家長有冇出位表現
估唔到~
呢招勁呀
有d 家長好勢利
人前人後兩個樣
即係如果有出位表現，副校會留意下小朋友名稱，mark返落分紙？
有啲好奇想知有咩出位表現？
D同學仔比我既感覺係通常有以下至少一種或者多種特質:
表達能力好 / 理解能力分析能力強 / 好強求知欲同好奇心
正面有自信 / 學術強 / 好勇於嘗試…
最後一種係家長由細谷到大…星期一至日都學緊野
當然都有好靜唔太講野但睇好多書既小朋友
咩類型都會有, 其實係好平均既
所以無人知校長Look for咩 
2個讚
最多係鬧仔
我見個成個闊太行Catwalk咁仲帶住工人姐姐
喔～～
咁我做家長都會知實衰硬。
我都見過有小朋友去面試係幾個大人陪佢出巡，真係唔只父母出席，仲有4大長老，加工人，洗唔洗咁多人呀
學術強唔一定，識人個仔入左英華學術好麻麻，分分鐘幼稚園 K2、K3 都好過佢。派返曬啲考試測驗就知大鑊。兩個家長天真地以為「學校有支援」即係學校會幫佢教 fit 個仔，就算落後都有老師親自教返跟返完全唔洗家長做任何野（呢類服務只會係國際學校先有，本地學校可以慳返），結果今個暑假即刻搵補習。
我會形容主要係 (都識好多英華小朋友)：
- 唔怕生寶就算英普能力唔高都會勇於傾計
- 古靈精怪鬼主意多，簡稱「蠱惑」
- 心水清，呃佢唔到
- 好奇心求知慾好強，就算係唔關佢事、知黎冇用佢都想知
呢啲係與生俱來，唔係想訓練就得。
有一類的確係「谷」出黎嘅文靜小朋友，但唔太多係呢類，就算係文靜少少嘅，都有 3、4。
鬧仔、照顧過份周到飲水抹汗抹嘴都唔係自己做、工人睇曬父母只係玩手機/傾電話、一家人著到登台咁大搖大擺入學校個仔都著到好似要表演咁、怨黎怨去一望就知唔耐煩冇耐性、講粗口。
1個讚
嘩～～呢個都好多人都中晒。 
咁大鑊
我個日留意唔到個email，冇帶到folder 比佢，咁應該玩完 haha
真係要引以為戒！
好彩我係細路面前好少玩手機(頂多係背住）