鄰居爭大耳窿錢，好似都追咗幾年數，之前個鄰居喺出邊住，得返個老人家住，大耳窿追唔到數就冇嚟呢度再追。
之後個老人家過咗身，個鄰居又搬返嚟住，大耳窿又追數，仲寫信警告我哋幾家，話行動會升級。
跟住嚟咗淋火水，點算？會唔會放火？有老有細，好驚！
除左報警及搬走好似無乜可以做，再唔係裝個cam係門口等佢地唔敢太過份
3個讚
警告你地幾家做咩？
提醒你地幾家？
報警有冇用？私樓定公屋？
報房屋處有冇用？
有冇留意鄰居幾點會出門？打比大耳窿通風….
唔知啊，啲信放信箱，話見字即電佢哋，將行動升級。其實個鄰居神出鬼沒，只係間中見人送外賣先知有人住
公屋，搬唔走。
我都唔知寄信俾我哋做咩，要我哋打電話俾佢哋
同房署講調單位，
我之前有個同事都係咁佢成功調走左。
1個讚
大耳窿好似係報警就OK, 不過要係佢真係刑毀先。
照計就唔會真係搞鄰居嘅, 買紅油, 就算真係火水都好, 都要錢嘅。寫幾張紙仔成本低又嚇到人, 應該唔會咁得閒淋隔離紅油掛…
3個讚
你估仲係30年前咩？仲淋火水，幾多年無聽過，你驚就買支二氧化碳滅火器係屋企旁身。
仲有千祈唔好打俾佢地，否則我驚佢地成日煩你就真
6個讚
咁可以攞埋啲信去房屋處投訴啊應該？
我係你就真係留意下隔離屋出沒時間即刻通知大耳窿
一見到有人送外賣就即刻打電話！
好似好衰？唔會囉，借大耳窿唔還仲累街坊仲衰啊！
咪做25, 你玩野，人地都識玩，貼兩句口號係你門口，就報狗，你估下邊個麻煩d ?
現在既大耳窿, 唔會淋火水唔會淋紅油.
最多大聲騷擾下其他人, 你地都只能報警了事. 報多幾次, 果D人都會黎少D.
再同房署投訴/攪調遷之類.
而家公屋唔係都有大閘… 都放到佢地入黎?
咁又係擔心既
借得大耳窿都唔方好人
真係麻煩，累人累物
真係火水味，同埋佢門口濕濕地。
另外幾家都冇反應，唔敢有行動住。
樓下看更？咩人都放入嚟，後門跟人入又得。
2個讚
追咗好多年，之前老人家未死，都有人上嚟追下，中間好多年冇再追，我以為還咗。
果陣我試過等𨋢，俾大耳窿問果家人有冇人出入，我話得個老人家住，佢家人極少返。
其實又唔駛太擔心，又唔係你爭人錢。而且收數佬都係收錢做野，刑事嘅佢地都唔敢，收幾千人工換黎案底，佢地都唔會博。
佢地最叻咪言語嚇下你，大聲拍門（我講緊欠債個間屋）。
我亦都相信房署係唔會俾你咁易調遷，因為唔係你本人。佢最多幫你寫封信叫你貼門口，同叫看更加強巡邏。
我都有鄰居之前比人追債，大聲嘈响lift口貼街招，報警差佬上左黎，之後好似黎少左，最多突然黎問阿邊個响唔响度，個鄰居又兇佢會報警。所以我估都係靠嚇多
都唔想搬，其他鄰居正常，而且搬屋都要錢。
希望冇事啦，始終日頭得老幼係度，都會驚
投訴埋佢.
1個讚