我同事意外有咗結婚，半年前生完就將個囡囡長期俾婆婆湊，一日淨係返去睇15-30分鐘。聽完好心up……….佢唔係18 22 但覺得如果咁 當初就唔好生 好似累咗小朋友
佢同佢媽媽住得仲要好近
真係好慘，不過起碼只少有婆婆錫？
我都聽過舊同事星期六日先會返婆婆到睇下個女（相信佢有時一星期一日or甚至冇睇）
到個女十幾歲先接返黎住
奇怪
4個讚
我一開始都覺得難以置信，但後尾我有朋友都係咁，佢住得遠又遲收工，不過星期6日有周圍同個仔玩。我偏向覺得佢係錫小朋友既，但生活令人無奈。
3個讚
我以前都係咁，收工夜住唔同區唔係每晚返到去，只係可以逢星期五晚開始帶返屋企，星期日夜交返比婆婆….真係會好掛住個小朋友，成日打比阿婆阿公問問問，兩個小朋友同樣過咗咁嘅bb生活，都係一歲多啲就返nursery了
其實真係要感激婆婆公公，要湊bb之餘仲要招呼埋我，冇佢哋我啲小朋友邊有咁肥肥白白，仲開開心心冇乜病痛，而家我哋一家都好正常，感情冇問題喎，逢星期五佢哋仲會去婆婆公公屋企過夜，好好呀！
11個讚
有朋友係咁，生活迫人呢。
兩公婆要返工，請唔到姐姐，只得放假先可以接返屋企。
聽過同事自細公公湊，
去到小學階段爸爸媽媽先接番屋企。
要賺錢無辦法，
大左都好錫佢父母。
冇責任感嘅人都係父母縱落，有人後援執手尾丫嘛，可以繼續擁抱自由why not嘅心態，今日嘅因聽日嘅果，將來唔好怨d細路對自己冇心，生娘不及養娘大就係咁解，痴姐姐多過痴阿媽嘅大把啦
其實都係錢同親子關係嘅取捨，人人追求嘅野唔同，不過小朋友角度就未必理解，任何感情唔花心機花時間落去都幾難想佢好
童年建立嘅連結真係一世，就係嗰幾年，偏偏好多人將「佢仲細大個就明」掛喺口邊，須知道理解同親密感係兩回事，attached唔到冇就係冇
12個讚
如果生活咁迫人 我真係寧願唔生
6個讚
我舊同事，生完bb擺娘家湊，無請姐姐，佢同父母住同區，每晚放工返娘家食晚飯就走（大約一個鐘），星期五晚接bb返屋企，星期日擺返低，有時佢星期六有節目就唔接返屋企，唔想被阻住去玩。
我朋友都類似，但佢係連星期五都唔接返去
我奶奶個鄰居、佢新抱生左四件、係六年抱四。
頭三個、個新抱坐完月就放低喺奶奶度、一星期有兩三日返去食飯嘅、真係上去食飯就走、功課唔會跟涼唔會沖、到大果個五歲、星期六日其中一日、就會接大果個出街、食飯前湊返上奶奶到。
落街玩係一齊住嘅姑姐帶落街、平時一人一部舊電話打機。做功課、姑姐捉住小朋友手寫晒就算。
試個有幾次姑姐燥底鬧個新抱、話佢地兩個點做人父母、成日擺低啲細路自己走去玩、有冇諗過嫲嫲好辛苦、成層都聽到。
冇責任嘅父母、好多時背後都有個縱容佢地嘅老人家。
7個讚
個嫲嫲身體都幾好喎
好多老人家湊一個已經攰到死
我好多朋友都係老人家湊大自己，亦好多初為人父母嘅朋友係老人家幫手湊Bb 湊哂一至五，樓主覺得係會有咩問題？
點解咁講呢？一定要自己阿媽湊個童年先幸福？
就返我宜家講呢個case, 住父母附近，但每日淨係睇15分鐘，……我唔信係一個好嘅、有愛嘅陪伴或者係盡責任嘅表現
1個讚
得罪講句
個新抱唔識(想)教有咩資格生咁多?
個仔又係唔知做咩
生生埋埋難為d 老人家同屋企人幫佢埋單
難為做姑姐既兼埋母職要睇咁多個小朋友
4個讚
咁又係呀~
況且住得咁近
有d 良心既星期六日都應該自己湊番啦
3個讚
但佢有好意思講俾同事聽
佢每日淨係陪15分鐘
佢同我講：幾辛苦都好 點都會睇15分鐘
我唔得囉… 放工幾辛苦都要自己湊返
返緊工果時都成日心掛掛個囡喺度睇相
好難想像
3個讚