如題。因為我見身邊好多朋友為咗想生BB搞到好大壓力，想知道其實香港人對領養小朋友有咩睇法，同埋係咪好難？
領養好好啊
1個讚
唔難，係難過自己心理關口。
我有聽過「母親的抉擇」啲人講話，好多父母唔願意簽字完全放棄權利，成日覺得自己之後可能有能力接返佢哋，所以可以被領養嘅小朋友唔多。 然後大個咗少少嘅小朋友又難搵領養家庭。 其實都幾無奈。
5個讚
建議你先去保良局睇吓，響香港搵一個健全小朋友領養唔係咁易（另一方面講亦係好事）。而依家等領養嘅小朋友多數係有唔同程度問題，如果你冇準備冇能力照顧佢哋，就唔好領養了。
5個讚
身體健康的要等
領養健康嘅香港小朋友困難非常。有啲身體睇落正常嘅，可能父母吸毒亂倫之類，導致小朋友重則唐氏 (難活得長久，好多病痛)、愛滋、肝炎等等，輕則都有過度活躍、讀寫障礙呢啲問題。
如果只係過度活躍、讀寫，都叫做可以「輕鬆啲」，就算讀唔成書都可以搵到食。如果體弱多病嘅話，醫藥開支唔細。如果係 BB 養起嘅話，就更加擔驚受怕，驚養唔大養唔好。唐氏、自閉呢類雖然體魄相對健康，但礙於智商相對低，獨立生活嘅機會率唔高，100 個可能先得 5 個可以搵到食做執酒店房、洗碗呢啲，容易畀人呃同欺負。最驚係自己行先，就算留左一大筆錢畀佢洗有屋住，都驚冇人肯照顧，噓寒問暖。等宿舍唔容易，唔少父母等到攞得生果金都未輪到，好早輪到嗰啲見到環境唔理想又唔忍心咁早送佢走，結果又再輪。
有啲可能「未完全放棄」，幾年後突然出現要生要死接返小朋友，扯爛面皮上曬報都唔怕。
有啲情況係領養兩個有血緣關係嘅小朋友，一個好健康但另一個有特別照顧需要。呢種可能快啲領養到，但一次過湊兩個都唔容易。
去視察下，攞資料先。領養比生仔有更大勇氣。要慎重考慮下。
14個讚
我有朋友之前做過「母親的抉擇」，佢話去領養既都係外國人多。不過我唔知佢地領養個d bb既父母係咪已經簽字完全放棄權利。
要有父母是但一方全職照顧個小朋友都真係難…
1個讚
想領養既話，我覺得唔好選d太細既小朋友，起碼都要10歲8歲，費時有伏要硬食。
唔難，只要你屋企人都支持你做呢個決定就得。
1個讚
真係好難、就算自己準備好、都要另一半都準備好。
有時自己生嘅、另一半都係有機會借啲e偷懶唔理、更何況領養嘅、有咩頭暈身慶、真係除時要自己搞掂晒。
由小學到青春期、谷氣野數之不盡、自己生出嚟嘅冇得講。唔係自己生嘅、到時自己係咪睇得開。
所以好佩服領養小朋友兼且視如己出嘅人、真係好偉大。
4個讚
可以被領養的小朋友，一般健康都有問題。這不單是香港，連中國都係咁，可想而知健康小朋友幾難找到。
願意領養不健康既小朋友，一般都係白人。唔好話小朋友，連領養狗，亞洲人都傾向領養名種，白人會領養多d唐狗。
1個讚
聽過朋友講要領養健康嘅小朋友唔容易
之前我都問過，門檻好高。減去日常開支，剩下多出來嘅錢，佢會要求至少有2~3萬(實數唔記得啦)。因為通常都係唔健康嘅小朋友
領養果啲會有社工跟小朋友，
定期家訪果啲，
不過真心錫小朋友唔怕。