我現在好矛盾…本身食左幾年避孕藥，6月尾接種疫苗，因有偏頭痛又食特效必理痛，8月初食野葛根（好多雌激素）這個星期仲飲中藥，點知昨天驗左懷孕，按照m期現在係5w幾
因我真係完全唔想再要bb，我6年前生第一胎之後情緒出現問題，所以決心以後唔再生，我知好多人想有都無得有，亦知有小朋友係福氣，所以現在好不安，家計會知我的情況已寫左轉介信去終止懷孕，我真係好困惑，加上我食咁多藥和打疫苗會唔會影響胎兒…醫生都唔會有正面回應的，但呢啲嘢有咩事，生左就要面對一世。
大家可以俾d建議我嗎
1個讚
其實你自己有答案，仲要咩意見
？
你自己心中有數喇！
其實係有2個小朋友一齊成長應該係好
但香港養小朋友壓力真係好大
教育環境又……
總之你記得之後都要照顧身體
4個讚
我都係咁覺得，
你自己諗清楚唔後悔就得。
外人好難比意見。
2個讚
多謝你哋，我明白的，現階段喺香港生小朋友真要諗過度過，唉，我唔點知講好，雖然我明白自己的意願，但我真係有份內疚感，好矛盾
樓主答案已有，只係差決心同佢道別。
1個讚
外人很難俾意見
畢竟太多要考慮的地方，可考慮同家人傾傾。
既然各方已考慮，無論結果如何，都係深思熟慮的決定，最後無怨無悔就好。
其實小朋友無得揀，而你有得揀
如一定要俾建議，我會建議俾個機會小朋友。當然我明白你有你的苦衷同擔憂。
2個讚
我覺得如果你真係下定左決心，你唔會上嚟問。你似係唔捨得，擔心影響到佢。
但物競天擇，咁都中到，佢應該都唔差。如果無，好快就會自己走。
同另一半傾吓。又同屋企人傾吓。唔好自己煩惱。
1個讚
如果你怕可以懷孕中期照左結構先決定。
24週之前唔要係合法，
但有左胎動之後，
你會覺得更難決定.
比多啲時間自己冷靜孝慮清楚。
多謝大家的建議，我同左媽媽講，佢都叫我自己決定，現在最怕就係藥物和疫苗唔知會唔會有副作用，我今晚會同老公傾
5個讚
睇番最基本想唔想要，唔想就落左佢。
我覺得你講個堆嘢都未必影響到個胎，因為真係太初期唔係太多嘢吸收到。應該要諗嘅係無呢堆食咗乜乜物嘅事情下你會唔會想要小朋友，都係唔想的話其實無咩要考慮。養育小朋友責任係好大，無論咩決定，你同老公agree就可以。
2個讚
問多啲醫生意見
樓主又打咗針
食咁多藥
比我都驚
3個讚
認真答你，疫苗同避孕藥唔會對個胎有影響。
如果其他因素唔想要bb就要同屋企人商量清楚。
始終生命黎，唔好做後悔既決定。