我理得佢死呀，我唔做垃圾回收的
唔理你係放唔得佢又好
放唔得段婚姻又好
覺得輸左比同佢過夜果個男仔又好
覺得輸左唔係你講離婚先又好
Or Even覺得浪費左你寶貴既時間都好
你冇盡力去挽回呢段婚姻係事實
係你自己講
由佢瞞住你出去同第二個男人過夜開始就已經接受唔到 一定要離婚
咁你都講到咁
宜家又話放唔低離婚
其實你即係想點? 你有冇諗清楚
拿唔好怪我講野直
我睇到既就係你想上黎搵志同道合既人認同你然後一齊數你前妻不是
從而得到一絲安慰
愛情係盲目
如果你係非常愛對方
無論佢做錯咩事都好 你第一時間一定係諗點先原諒佢
嘈過鬧過傾過都接受唔到 先至會選擇分開
而唔係好似你咁
3個讚
呢個我唔否認，佢知道我成長背景，連父母對我都係可有可無
由細到大咩都要自己解決，自己搵錢養自己，供自己讀書
我冇可以依賴的對象
我開始有興趣想聽下女方個version 
我深信好有可能會係另一個故事哈哈
不過點都好，大家結婚前真係諗清楚，結咗婚就唔可以出去玩。身邊太多cases
2個讚
其實你地之間係咪無愛, 只係生活上為咗有個伴侶而結婚
1個讚
Qp10 呢個我唔否認，佢知道我成長背景，連父母對我都係可有可無
由細到大咩都要自己解決，自己搵錢養自己，供自己讀書
我冇可以依賴的對象
咁其實已經可以Close file
你咁叻
拿拿聲搵過第二個啦
你啱，我只係唔中意輸，特別係因為咁樣的原因而分開
我冇盡力去挽回呢段關係，接受唔到中間有條刺
我諗我知道自己的問題，我最愛的係自己
唔依賴人就唔會出事，但呢個諗法就係出事的源頭
2個讚
我覺得唔依賴人係好，如果太依賴，咁情緒咪好易比人牽動？
愛自己無唔岩呀，活得比佢好係最好既報復～
明白自己問題，都叫有所成長，日後如果有新感情，你真係要諗點解決呢個問題。。。
否則一係單身，一係好難有一段長久嘅感情。
但現代容易結婚離婚呢個心態都係一個問題嚟。。。
點解要一段長久嘅感情? 你似乎好清楚自已係適合單身。我係女人就話怕俾人笑嫁唔出，怕做高齡產婦。你80歲都可以搵個廿歲呀
婚姻係一門好高深既學問，修行唔夠真係會遇到樓主既情況，有時我會諗拍拖時遇到呢個情況就易解決，分手痛一排就過，但結左婚就難啲，因為當初結婚時既承諾，我好相信承諾；但我職業生涯都接觸唔少離婚家暴人士，令我相信如果選擇左離婚，會係更好既選擇，俾個機會自己重生，唔洗再痛苦，同時擁抱自己所有既，做自己想做既，緣份到左相信一定會再搵到個岩自己既人生伴侶
加油啊，你值得對自己更好！
因為認真過、付出過才會不能釋懷，
悲傷的過程可長可短，
一諗唔開就上來放下負，圍下爐，
陪你齊上齊落啦
1個讚
我只係想要一個簡單的小家庭
但開始下一段關係前，我諗要改變自我中心的問題先
係，我嗰時如果冇人傾訴，真係唔知會變成點。。。當然唔會有家暴，但可能壓到自己抑鬱。。。
我何嘗唔係想要一個簡單嘅家庭生活，最後咪又變成咁，對方唔係完全冇責任嘅都。。。
好欣賞你肯反省，似乎你的成長對你有好大影響，到依家你因為怕出事繼續做強人，所有事都靠自己同只愛自己，太太只是你的『工作』之一，盡全力愛護同照顧佢都只係做好呢份工，以工作心態去建立你的家庭，你追求的是效率而不是一同成長、互相建立，使大家成為更好的人，所以佢係你心目中只是一個辦事不力，連養貓都輸俾你的人。當然，你太太都有責任，即使佢覺得自己冇價值，佢點解唔向你表達佢既唔開心？佢可能都係逃避咗正視問題，轉移視線去搵另一段關係滿足自己，冇做到結婚的承諾：無論。。。。
2個讚
咩都追求效率呢樣，你屌得好中，佢曾經話過呢樣
咩都係工作心態呢樣，我唔肯定
因為我未打過FT工，一黎就自己開檔打自己工
唔一定要打過FT工先識Working mode，香港人一向重視快、成效，Doing 大過Being，但人之所以為人，同機器唔同既係人有情感、有靈魂，心靈素質是推動人離開自我中心、自私自利、恐懼退縮的重要基礎。
人類有時就係犯賤，不論男女
我有個朋友，男朋友一對佢好就會想分手，然後換一個賤到仆街，寄住喺佢屋企唔走又食軟飯嘅
就係會有啲人係咁嘅心態
Well就係男人比女人多選擇既問題
我係我老公被我發現有同前度有極度曖昧
仲呃住我見面
但詳情唔知架啦梗係
佢好似好認真知錯 (好似only)
但我幾唔接受依樣野都唯有嘗試多次接受
唉～
你令人羨慕呀
咪覺得自己輸啦
呀媽生你係男人你就贏左
3個讚