有冇問過，其實佢想要d咩？
唔係懷疑你嘅好，不過從你嘅說話，直覺覺得你認為你係叻過佢，你犧牲左好多喇喎，咁可能事實真係。但愛情係唔可以比較，冇邊個勁啲，邊個輸邊個贏。
只可以話，感覺你其實都未遇到你嘅mrs right, 當你遇到個日就知即係點
好廢話不過係真既哈哈
4個讚
我的愚見：你愛錫對方的做法背後的動機很好，唯一問題是單向，對方長期只是接收者，漸漸形成習慣，沒有責任沒有建樹，容易令人找不到自己的存在價值，或許因此而對關係不上心，不知不覺被別人吸引去。。。
你覺得既好對對方黎講唔一定係好
有可能係一種壓力
當然我唔係你我唔會比你更清楚你前妻諗D咩
但以我咁耐以黎聽咁多人講
通常話自己照顧得無微不至/自己對對方非常好果啲
都係唔知自己其實比左幾多壓力人
咁又唔係話因為咁你前妻出軌係你既問題
出軌就一定係衰架喇
不過就唔好怪晒人囉
如果對你完全冇感覺當初又點會同你結婚呢
1個讚
認同, 感覺樓主比較著重生活上嘅照顧多於心靈上
3個讚
搵唔到自己價值，可能真係死因
我曾經同佢講過，我有能力處理哂所有野
生活上我唔需要任何人，我係情感上係想同佢一齊先一齊，我唔需要佢付出啲咩
其實我係無意中架空緊佢係呢段關係入面的地位，佢睇唔到自己有咩重要
1個讚
“老公有老公的責任，老婆都係
咁佢做唔到佢的責任，就即係唔係老婆，係陌生人
我點解要記住陌生人”
I like this quote… wanna mark it down, very meaningful to me… tks.
付出左不代表有收穫，既然佢決定有個好既都唔要，就祝佢幸福，唔好回頭
你係咪成日Check住對方,
周不時問人係邊做緊咩
人地出街你又管住去到幾點
然後佢覺得你煩你就話 “我都係想知你會去邊姐, 得個知字”
類似呢D情況持續發生過
嘩，咁你前妻當時聽到咩反應？我覺得夫妻係life partner,互相幫助。如果對方咁同我講，我會覺得佢當我係豬隊友，幫唔到手
1個讚
一齊咁多年，我從來唔會check佢任何野
結左婚佢一樣每星期有一兩日返外家過夜，我都唔會管
直到佢差唔多有24hr冇覆過message，我覺得唔妥，開佢電腦睇先知一早約左幾個人去渡假屋玩
佢聲稱之後同人飲醉酒，但冇上床，第二日一齊左，之後已經打比我講離婚
但其實有定冇都唔再關我事，反正瞞住我同人出去玩+過夜，已經決定左離婚
或許你唔係有心，佢語言能力不及你，工作能力不及你，養貓都不及你，感覺就係佢事事不及你，對嗎？
1個讚
咁女方好有問題喎咁。。。不過可能係藉口嚟，瞞住妳同人出去玩同過夜，其實又唔駛話離婚嘅，不過睇落佢應該一早有問題只係你唔察覺。。。
嘩…如果我老公咁同我講, 我諗我都會走…因為我會覺得我係佢心目中可有可無… 
利申返先:我唔係覺得你前妻岩, 點講佢出軌都係錯…
4個讚
我根本唔知佢可以幫到啲咩，做家務我仲快手過佢
頂多係我懶煮，佢肯煮我洗
但我都冇要求過佢每日都要煮比我食
我唔係想傳達咁的意思比佢，但可能結果就係咁
就算養貓，我同佢都係第一次養
最簡單的，無限包容同耐性，佢都做唔到，咁我可以做啲咩
兩隻貓見到佢行埋黎係逃走
咁冇架喎
如果以你口中所講
佢就好似處心積慮想離婚
只係差一個理由
而你就因為佢講大話
一野就同意離婚
冇諗過搵背後既原因令到佢咁做
然後你又要係度話放唔低
覺得自己唔抵
係你當初一野就同意離婚
宜家走黎怨的話真係幫你唔到
1個讚
咁似乎你太自我，令對方覺得自己可有可無。。。
3個讚
其實離婚就一定的，同另一個男人一齊飲醉訓 (就算佢聲稱冇上床)
直到而家，佢對我的態度都係抱歉，佢自己知衰
我唔係放唔低呢個人，係放唔低離婚 (or 叫做輸左) 呢件事
太易得到既野係會唔識珍惜，
到時候出邊玩厭左…
會唔會返黎搵你
唔可以話輸，只係人生中嘅一個遺憾啫，唔好咁執著，人都輕鬆尐。