我仔仔2.5歲，今日返第2日學，2日都喊到割豬咁。。。 今早幫佢著校服，佢已經feel到我又帶佢返學，好似覺得我又出賣佢咁，點算好。。。見到佢俾老師夾入課室，佢喊住個樣好似覺得點解媽媽唔理佢咁
請問通常會喊到幾時，佢會唔會有心理陰影架
慢慢習慣咗，和大個啲就無事，我小朋友初初都喊，依家頭也不回咁行入學校。
老師有經驗，媽媽放心比老師安排就得。
1個讚
你係咪全職湊佢？可能有分離感啫，只要比佢覺得返學係好玩嘅，同埋媽媽會接佢放學，有返安全感就會好好多。
2個讚
基本上頭一星期開學，我見k1個d 9成喊到劏豬咁，d 老師好淡定。最緊要家長唔好又偷望又一副唔捨得唔想走既樣，否則佢地只會愈喊愈大聲。
8個讚
同佢講，媽咪買包包，一陣會返來接你
1個讚
咁細個就當然喊。你細個都有喊，咁你有冇陰影 
大家都肯定有試過返幼稚園幼兒園喊。
放心，必經階段。每朝早正向思維洗腦，「好野又返學，可以同朋友老師玩！」、「你去 XX ( 幼稚園) 玩先，媽媽一陣 X 點接返你，再帶你去公園玩！」，去到門口攬一攬然後講句 bye bye 就頭也不回即刻走。
13個讚
對呀, 要相信老師, 佢哋見過同處理過咁多小朋友, 好有經驗, 知道點handle
唔駛太擔心架, 你不如諗吓遲多幾日佢開始fing開你隻手拖住老師同你講byebye仲好喇 
1個讚
嗰陣我小朋友k1 頭一個星期反抗到打甩校長副眼鏡, 過咗一個禮拜, 朝朝早返學同老師say hi, 連byebye都唔想同我講呀
好武功
放手，比老師處理
越唔放手小朋友越唔能夠成長
返學同同學仔唱歌玩遊戲不知幾開心！
佢依家細，未知道返學既快樂姐！
我啲小朋友喊2星期之後，頭也不回「bye bye媽咪」一支箭咁入學校！
喊 - 係一個過程，好快就過架喇
1個讚
我諗起呢條片，呢兩個小朋友都係返學喊，但過左冇幾耐都已經冇咁大反應。
1個讚
喊係好過唔喊，唔喊個d壓抑住之後仲難搞，可以大半學期都唔合作。喊個d1，2星期就適應到。
1個讚
笑死我了
我細女返學喊到要學校安排見專家，都搞唔掂，最後知道原來返學係咁開心，依家放假放耐d 都問幾時返學呀？
1個讚
我兩個都有喊過，其實入到去好快無事，有事既多數係家長，要學下放手，好快佢地會頭都唔擰衝入學校搵老師同學架喇！
1個讚
唔會啦!唔慣啫!我聽你咁講,我仲有心理陰影!你講到似賣自己仔女豬仔咁,好仔細 
我仔K1個時都有喊呀，唔肯入要老師抱佢入學校，佢係老師膊頭呻手喊住，好似賣仔咁 
。喊左幾日佢就冇事啦，依家K2又係頭也不回，bye又唔講直接入學校 
你可以同小朋友講，媽咪係門口等你，你最好放學第一個排或者早d係門口排隊（不過好難，好多工人姐姐快過你 ), 咁佢等放學時知道媽咪好快接自己會好開心。
第二日就又得佢啦
當年係要搭校車，見到個N班小朋友，日日坐私家車黎到轉搭校車 (?!) ，校巴未到都無野，一上校巴就爆喊，喊到下學期先識收聲，喊咁耐就真係要諗計喇
我女喊左半年，喊喊下就好架啦，同埋堅持每日笑住同佢講玩得開心啲
喊喊下就唔會再喊，然後入課室直頭頭也不回，咁就6歲啦
加油呀
1個讚
我姨甥女k1時返學喊，放學都喊，怕阿媽唔黎接佢 全校應該得佢一個放學會喊