我係3月嗰陣照超聲波，醫生發現有大卵泡，叫我買排卵試紙睇下幾時排卵
但結果月經來都係驗唔到哈哈笑
我5月再去睇就同醫生講話我基礎體温忽高忽低，又驗唔到哈哈笑係咪荷爾蒙有問題排唔到卵
但話唔係嗰嗰月經一定有卵排，冇排卵係正常叫我唔洗擔心，但我繼續緊張大師上身，佢就開2個月排卵藥比我。奇怪係我食嗰2個月都驗到有淺控，同埋月經勁少
不過我覺得自己食完排卵藥肥咗腫咗，仲搞到排卵遲咗。。。
我唸我呢幾個月都係唔食Lu
其實無事無幹，就唔好食咁多藥，食得越多越衰。
1個讚
加油呀~
我同你既經歷有d 似
但係我係奶奶催
佢係唔會直接催生仔既
但係上年WFH 時就個個星期打黎問我一星期幾多日WFH
咁因為WFH 影響工作進度
之後有d 星期六要番去OT 追番
然後佢進化到個個星期六一早check 我係咪番工OT
一聽到我要OT
又好似唔信我份工咁多野做咁
知道我睇中醫又係咁問個中醫睇左幾耐呀
你半年無bingo 應該要轉啦喎
仲介紹佢睇開個中醫俾我
又係好煩
最後我一次話番佢你可唔可以唔好再問我有無OT呀
之後佢呢幾個月就無再打電話直接搵我 
1個讚
你 奶奶會直接打比你咁煩？！
我奶奶從來唔會打比我，只會打比佢個仔。
下次你奶奶打嚟，唔好聽，叫你老公打比自己阿媽，問佢咩事，慢慢奶奶就唔會再打比你。
因為本身關係OK既
佢通常係打俾老公傾完
然後叫我聽咁
有時又會直接whatsapp 我
我上次話完佢
佢仲反問我做乜咁燥
我心諗唔係之前WFH 我宜家邊使咁多OT 呀
你仲好意思問
之後佢就無再直接搵我, yeah
1個讚
我好彩奶奶冇催我，反而係自己阿媽催
每次打來開場白都係叫我生仔
催到明明同佢講有壓力會陀唔到B都係咁send阿哥嗰B嘅相比我，話叫我快D生返個
我嗰日忍唔住喊喊地覆佢，話你再係咁，你嗰女真係成世都生唔到仔
好慘~
自己阿媽又好難阻止佢打俾你
同埋block 佢whatsapp
我阿媽係D傳統思維，以為講幾講就可以推郁D事發生，又好鍾意拎我同人比較，控制慾又強，以前仲要管埋我戶口拆哂我D信，完全冇私隱。
我結婚後搬咗出來住已經好咗好多，以前係寧願向公司OT都唔想返屋企比佢um
好慘···· 所以我都完全無講，費事任何人比壓力我
因為我本來已經係個好容易緊張嘅人，我覺得要承受自己嘅壓力已經好麻煩 
我同媽媽奶奶講話唔生，要生都移左民先考慮，去塞住佢地把口 
而且我對朋友都係咁講，希望咁就完全無人問我
我可以自己專心少少···
不過都仲係未bingo 
我完全明白，最煩係我D阿嫂嗰嗰生哂
我明佢哋出於好意，但次次都話快D生個真係勁un耳，宜家我同媽咪講，可能BB唔鐘意香港，要到加拿大先會有
我奶奶都係有呢個傾向
佢會做到好似好開通咁
把口就話佢唔心急
但係會同你講你再唔生仔呢
你阿嫂就俾晒d BB 衫俾人喇
上年就開始成日check 住我造人"進度"
eg 一星期番幾多日工呀, 睇左幾耐中醫呀, 又話我份工壓力大乜乜乜, 又問我有無檢查之類
的確係明智
咁樣兩邊都唔會催
咁講都幾好呀～ XD
講真香港咁樣，其實應該好多人少問左
如果無移民嘅意向，生小朋友真係好勇敢 
你可唔可以叫你老公幫手應付 份工已經夠忙，生仔仲要追project進度咁
人都癲，不如你試下話：醫生話緊張得濟BB著床唔到，我做哂檢查醫生都話冇問題子宮又夠厚，你再咁問落去就更加抱唔到孫
我上次講完媽咪收咗口 1個月，然後呢個月再返發
所以有你地係度吹下水分下憂都好
我都只可以上黎呢度圍下爐
有同路人感覺好好，因為就算我真係有同朋友講備孕緊，
可能都無人會明···
老公完全唔覺奶奶好chur
因為奶奶真係無直接催生仔
同埋奶奶好醒
上次上佢度食飯
佢係趁我同阿嫂個仔入左房度玩
先至跟入黎
然後追問我睇中醫果d 野
老公又唔在場
我同小朋友玩緊又走唔到
有時就算自己唔講，身邊啲親朋戚友都好鍾意問
我結婚好幾年都未有小朋友，果時都有努力緊
有日我家姐嘅best fd同我講，你仲唔生仔就蹉跎歲月
嬲到我即時爆炸，我話人生唔一定要生仔，唔生仔月歲都可以多姿多彩
但心底果句係，生得出先得架
係架
有d 人又好易中
甚至婚前已搞大左個肚
完全唔會明白一兩年都食白果係咩滋味
咪係law~
d 人成日覺得想生就即刻有得生咁
好"un"耳
我未結婚前都曾經以為好簡單
真心以為唔帶套就一定中
我都完全無picture過我要出動排卵紙探熱針一大堆野
唉，人生好難