我同老公結婚差唔多2年，第一年大家太忙又香港發生太多事一切順其自然，漸漸身邊親朋戚友開始有小朋友，今年我哋開始我哋努力去試，由備孕開始每次排卵後成日覺得自己有咗，覺得子宮有感覺又以為係著床，但每次驗完都白板，又呃自己係太早驗所以驗唔到。。。當然冇奈親戚來敲門又知自己今個cycle又衰咗。
有個cycle排卵試紙驗唔到哈哈笑但月經照來，於是去睇婦科。醫生話女人唔係每個cycle都排卵好正常，但我仲係唔放心係咁問長問短，最後應該覺得我太過神經緊張索性開排卵藥比我。
5月曾經驗到淺控3日，以為成功開心咗3日又變返白板。。。由天堂落返凡間實在太大反差，見到有紅嗰朝直程喊咗出來。當然，唔識趣嘅阿媽每個電話都例牌提你夠鐘生仔會令個心情更差… 於是我懷疑係份工令我壓力太大，索性辭職專心養好身體，但其實無野做嗰日冇嘢分心反而仲會唸多咗。
我不嬲來period都好準day28 - 29，但今日已經係day32都未來，day27開始好易眼瞓，day 28驗到極淺控，day 29又白板，D 30, 31索性唔驗但抺有血絲，今日忍唔住拎maxi試紙驗又係極淺控，其實係咪又係假陽性
有冇人都試過咁，不如直接E媽來比個了斷我
1個讚
不如你試試 first response 驗孕棒. 據我所知他既detection limit 眾隻牌子最低, dd-6 已經驗到. 如果 maxi 淺控, first response 可能已經會好深色
btw 應該不會有假陽性, 除非是 幻覺線 or 有食某d藥
clinic 醫生都係用呢d試紙驗
其實向day 28我都係用maxi驗到極淺控，但同時綠D係冇色，照理hcg會每日double如果係中我今日應該係深色少少，結果都嗰日一樣極淺色
不過我都照買定first response看門口🙇♂️
樓主，首先你搵返份工先，你太focus喺懷孕，令自己太大壓力，壓力大會影響懷孕機會。我身邊嘅朋友，都係想懷孕搞到自己太大壓力，反而一直都無，想放棄時就中咗。
用排卵紙驗幾時排卵先做，係正確嘅，但唔使驗得咁密，驗到會排卵嗰個星期就隔日做（唔駛日日做，男人整唔切啲精子，男人都要休息），做完就唔駛驗，有咗你一定會知，因為M唔會嚟，M到就休息吓，下一個cycle再試。
祝好孕
4個讚
唔該你吖 完全贊同！
我都覺得自己太易緊張，決定開始執portfolio去揾工，起碼第時養B需要多D銀彈
建議你唔駛買更多嘢去驗排卵了，因為你就係驗得太密搞到自己神經緊張。
我淨係用過綠d，你有無用紅d？你係點用？
你地雙方有冇檢查過？
我所有野都檢查咗，係未做輸卵管檢查，老公就咩檢查都未做過
我有用紅D，可能今個月好似遲咗3日排卵，所以連月經都一齊遲
但我驗孕冇連紅D一齊驗，因為冇加深廢事哂錢
我係男人, 但係我哋都經歷過. 越大壓力, 荷爾蒙影響反而越困難. 放鬆心情, 隨遇而安. 跟住咁就賴嘢, 我意思係有咗. 身邊好多人都係咁包括我哋自己.
1個讚
你咁樣又驗排卵又驗孕，壓力好大喎
不如改淨係用量體溫計排卵期，每日都係朝早量一次，體溫升就升跌就跌，唔會咁大壓力
我嗰時備孕都冇用排卵紙測排卵期，總之量到體溫升嗰日就係排卵，如果你period準，大概都計到邊日排卵，咁就早兩日交定功課，體溫一升高再交多次
跟住排卵日連續15日都升高，就可以驗孕，我嗰時係第15日體溫都係高，之後一驗就bingo
補充，我係不設防+備孕前前後後6年先生到1個小朋友，自己都經歷過好緊張壓力好大嘅時候，總之真係要放鬆啲，緣份嚟就會嚟
我而家都備緊第2胎，大家一齊加油
1個讚
Jacob
14
叫老公去驗下啦
另外，紅d係你黎完m幾日後就開咗用，見到加深就將近排卵，深粗完轉淺就係排咗，呢幾日要把握時間，然後14日後無黎M就bingo
1個讚
唔該哂你哋
我第1要揾野分散下注意力
第2唔驗都咁密lu。。。唸事自己唸多咗
第3同我先生去檢查下
再下一步會唸人工授孕，因為我哋年紀開始大
緊張，會影響好多嘢
另外地中海貧血係遺傳，係咪都要驗吓呢？
同路人我陪你
試左兩年幾有多都仲試緊。
唔好咁大壓力，同時考慮下睇醫生，驗下冇壞。我本來都好抗拒，但有一排好大壓力終於都去睇，一睇先知自己有好幾粒息肉有礙着床要做個小手術。呢d野唔check唔知。
1個讚
因為怕打針出事，上兩個星期捉咗老公一齊抽血檢查，包括血全像，好彩所有指數都係正常
1個讚
試下食中藥打好個底，
我第一胎試左2個月唔得，睇中醫後個人暖左好多，唔會成日沾寒沾凍，跟住個月就中左
1個讚