決心移民去英國，預計下年6月會去，但今年已經40歲，好想生多個BB（已經有一個，想生多個）⋯⋯決定唔到去英國生，還是香港生完先去？
先講講背景，自己同老公唔係有錢人，預計去到英國2個都要工作，而且想生多個小朋友，要預計生活開支更大：
純粹討論，謝謝大家
我後生你少少，阿仔最近話想要細佬。同你一樣想下年走，思前想後，決定都係唔生，因為去到唔知咩環境+生完又無屋企人睇住。
人生係有啲遺憾。無辦法，唔想生多個出嚟，然後大家一齊捱。
NHS 好似唔洗錢喎, 你再問下其他版友好啲
去英國先決定生唔生第二個
以後一個唔好彩要被困香港要過3年零8個月, 照顧一個細既都已經係十級難度, 何況睇多個再細D既
https://www.shemom.com/motherhood/2020/07/英國移民港人到英國生bb有咩要留意/
NHS (National Health Service) 是英國公共醫療體系，所有英國公民均可以免費使用。如果父母均持有BNO，一天未入籍，也不能免費到公立醫院生育，如要使用的話必須繳交費用。所有申請簽證的人士需要每年繳付£625英鎊的移民保健費用（Immigration Health Surcharge, IHS）直至獲得永久居留權，即需要一次過繳付6年的費用（約港幣36,544元）。至於其他細節就要等英國政府公布了。
假如先生是BC，太太只要成功申請spouse visa便可以免費在英國公立醫院生BB；如果先生BC是otherwise-than-by-descent，那小孩即使小孩在香港出生也可以獲得英籍；但如果只是by descent，那小孩一定要在英國出生才可以獲得英籍。不過，有一點要留意，BNO父母即使在英國生BB，也不等於小孩可以入籍呢。
下俾左ihs就可以免費用nhs，包括生仔
唔係有錢人、去到更加可能要有個留係家中湊仔、外國托兒服務好貴架
你個情況係香港生比較好，至少有工返、坐月都方便d. 但真係生，又要預1-2年走唔到
我老公有一句：你永遠唔會預備好生仔
要生就生，無得計劃咁多，到你plan 好哂就未必生得出
我嘅建議係：隨緣，同步計劃走人
同意呀，
因為小朋友真係唔係你話想生就生。
試左先，同時搵下中醫調理，
同步進行我覺得就好啲～
唔好意思，我想問既然半隻腳預備走難咁款，咩原因仲想生呢？
一係香港生，多啲錢照顧bb
一係去到睇環境先決定，因為就算唔洗錢，佢地唔興好好坐月，你一大一小，又得老公一個做工，可能好抑鬱。你去到睇下，感受下可否handle先。
去到英國再決定啦。去到你大概就唔會想生。
你係香港，都唔係話想生就生，唔知等到幾時。為著你另一個小朋友著想，快d去英國啦。
你黎到呢邊， settle down，了解下你要面對既困難，了解下英國醫療系統，再望下你而家既小朋友，然後就唔會生架啦。
呢度好多職業婦女，無左工人，變左全職主婦，湊著兩個已經大過既小朋友，都大叫辛苦。如果返工又湊兩個小朋友，邊個take care BB呢？
如果你找到托管，你要預左唔理小朋友成績，由得佢日日打機，自由發展；多d食即叮食物，唔好理營養。你話本身有兩個小朋友就話硬食無計，你難得只有一個小朋友，仲走到，做咩自己用石頭壓著自己和家人？
我知你想生多個，我都想香港變返以前，不過有d野係無得想… 唔好因為一個心願連累家人了。
因為真係年紀大，唔生就太遲，應該無乜機會⋯⋯
非常認同
你有心理準備遲走走唔到先，唔係嚇你
香港都一樣，冇分別
其實兩邊都唔好生，因為又未入藉
香港生你又唔知幾時走到
既然咁多uncertain 不如唔生啦，係英國生左搵唔工自己湊有冇問題先？
假設這個理由成立，邏輯上是否會不停生第二，三，四…直至生唔出？
我又覺得生B唔到你話事, 所以如果有就喺香港生左先, 過到去你有幾廿萬樣野要適應, 身邊又無親人幫手, 有經濟壓力又未搵到工, 咁多壓力未必咁易生到，生唔到一世後悔係咪慘過去唔到英國呢? 呢樣你要自己諗