我跟女朋友拍拖7年 女朋友付首期後想我幫手供樓 層樓無我名 因為她想拿首置優惠不寫我名 她講到好好聽只要相信大家 日後我哋結婚一起住等等說話 因為她睇到係個機會唔想錯失 一定要買決定咗 要我幫手供樓和生活費等等我壓力真好大自己家庭環境都唔好 有時候覺得自己好傻但我真係愛她咩事都順從她 如果唔幫手供樓大家可能會因為這件事分手 我自己是一位好單純男人頭腦超級簡單人 沒有什麼夢想沒有什麼本事 賺錢唔夠女朋友多 我好迷惘 有人可以教我嗎？ 她性格很剛烈 如果日後不愛我遇上第2個男人 一定會找很多借口令我知難而退 感覺她性格絕對做得出 因為這件事很好不開心和失眠壓力很大 不知道要怎麼做但又怕失去她……
1個讚
下？咁層樓寫佢名，佢會為層樓付出甚麼？
佢真係愛你唔會捨得令你咁大壓力。不嬲唔讚成未結婚有太多金錢瓜葛。
同佢講你有定期儲錢結婚同婚後生活，而家無多餘錢拎出嚟。如果佢仲係要委屈你，咁你不如認真考慮你係咪要同呢個女人過人世。
8個讚
又或者咁睇，你有份住當交租？ 如果二人係有共識同居既，如果唔係買，租都係兩份架啦？
第日touch wood真係分手，咁租係拎唔番係正常。
4個讚
如果女朋友講到日後結婚點點點⋯可以問問如果供樓冇多餘錢搞婚禮，就咁簽個紙得唔得，得嘅就即刻book個時間，以老公身份供樓
如果佢答唔得、又再儲錢結婚、到時再算、自己未ready等等，你再上來問。
17個讚
未結婚就唔應該有太多金錢瓜葛，而且講緊唔係幾百幾千，係幾百萬喎
5個讚
唔擺酒都簽左紙先
夫婦在乎坦誠。我覺得直接同佢講你既唔願意.
如果你完全唔捨得放唔到手.咁你供樓條數可否自己入銀行過數。因為他日要追討呢啲就係證據.不過如果你講到你女友咁易可以放棄你。你真係要好好諗諗保護自己.
1個讚
男又好，女又好，未確定結婚唔好咁多金錢瓜葛
完！
9個讚
既然佢賺錢多啲，不如佢自己夾埋屋企人一齊供？
到你哋真係結婚，先再換樓？
都好兩難~
拒絕佢可能會成為第時既導火線。
但係長遠講
呢件事亦都體現你地既價值觀唔係好夾
可能第時一齊生活都會好多問題
你惟有同佢講你宜家真係財政上好難幫到佢供樓
睇佢點講
祝你好運
既然買樓不如簽埋紙結婚，
到疫情後先補擺酒。
睇下佢買覆，再睇下一步點。
2個讚
絕對同意呢一點… 如果女朋友肯簡簡單單簽過字, 就兩公婆一齊供樓無問題… 如果女友唔肯嘅話, 睇女友性格…樓主, 好好諗清楚…
樓主介唔介意講你地幾多歲? 拍左拖幾耐? 有結婚打算嗎?
咁你有份住嗎? 你要夾幾多? 有份住咪當交租, 仲懷有一個可以娶包租婆嘅夢
呢樣你要考慮下點樣幫自己財富增值, 賺錢多少同財富多少未必正比的
你而家已經咁大壓力, 之後每個月仲要比呢筆另類MPF你會更加唔開心, 唯一出路係你諗下呢個人係咪結婚對象, 錢緊要定佢緊要? 係就去馬, 唔係就BYEBYE, 免夜長夢多
2個讚
結婚只是我提出 她從來沒有跟我提過 一起七年時間內我覺得自己一廂情願？ 她覺得我對她好才跟我一起 每年情人節 她生日 新年送禮等等 我都做足了 係我世界不求什麼 我太癡情 是否應該理智一些.我唔識處理感情事 她父母對我可以形容不是太喜歡我的 我生日 情人節 從來沒有送過禮物給我 她朋友生日她就送價值幾千元的禮物 見到這一點後我心理開始不平衡 我是不是水泡騎牛搵馬等等問題
1個讚
一日未結婚一日唔幫對方供樓
樓主可以趁而家諗吓呢個女人係咪真係會一齊落去？
雖然而家分手好似浪費咗7年咁，不過其實係止蝕，男女都係一樣，唔岩就速速散
咁樣聽佢似乎係利用你，騎牛搵馬，唔係想同你建立將來
1個讚
我今年38歲 我父母也是沒有什麼要求的人 年齡也很大兩老都7-80歲 家境不好父母無人照顧 我也不想搬出去擔心父母無人睇住要點算 女友也沒要求要過我同居 七年時間內 特別這3年我們相處時間好少 感覺好像越來越有一點點陌生感覺 每次想約她工作好忙好累 但跟其他朋友約出去玩 食飯 就每一次有去 感覺不知道如何是好 我負面情緒好大
其實你都心知你女朋友都係搵你笨, 只不過你驚你唔俾佢搵你笨就會即刻冇咗個女朋友, 一係俾佢呃住先, 可以 keep 到佢多一陣. 但最後你都係要預咗佢一搵到個好啲嘅就會離開你.
睇返你女朋友條件好唔好同咩年紀啦. 你都預咗佢騎牛搵馬, 只不過如果佢一路年紀越來越大, 又一路搵唔到隻馬, 咁都有可能一直騎住你嘅… 睇你搏唔搏喇…
2個讚