先分享係一位背景好特別既朋友最近開心share佢最近睇左依位師傅既experience：
係旺角街頭冇門牌，好鬼ghetto，佢一開頭覺得佢行過覺得太流就望兩眼走左
第二次，佢既朋友話師傅真係好準，佢隔左兩個月再去，見到任X華睇緊🥲心諗咩料佢會落黎依度睇檔爛身爛勢既命理師傅，就試下睇
果陣師傅話：你第二次黎架喇喎，坐低啦收你$100（平左好多比佢
，第一次帶晒口罩行過一次都認得佢）
佢形容師傅講中左好多background、現時經歷緊既struggles & bottle necks（突破盲腸），教佢點解決而achieve到佢應該去到既高度（教佢做人、幾時大運,etc）
太私人既details唔多講，可以代佢share下師傅提佢財來財去到XX歲，一有錢剩就即刻有問題要佢清袋，所以依幾年有野就買/比父母，因為有錢剩既話洗錢既理由可以係無啦啦入院。
依樣真係好準，因為我同老公都見證住佢依幾年係咁，搵到錢儲果排有幾次好人好姐無啦啦入左院，心、肺 無啦啦有事、有隻手突然郁唔到，但依家完全冇晒事；最有$果期（今年）離婚分身家同巨額贍養費
佢睇左師傅講左好耐幫佢改埋名都淨係收左100
我同老公聽完就覺得要睇～但佢係鬧市開檔街頭開檔又落雨所以冇去
待續
6個讚
呢啲先至勁，神棍通常好多 marketing 嘢，好多裝修好靚嘅門面。
收一百元真係象徵式咁做，我有個玩印度占星嘅朋友，佢話占完之後如果準嘅話，求其搵個寺廟，咩宗教都得，或者捐錢比窮人，少少錢都得，但唔可以係零，因為有緣份指條生路嘅福份唔係免費，要還嘅。
2個讚
係咪近朗豪坊嗰頭呀?
大廈同大廈之間有個隱蔽檔仔，都幾多人去睇
不過我未睇過
真係象徵式都要收返少少野，一杯水都好
試過免費喺IG幫人抽塔羅，當練習又諗住幫下人咁啦，好多人話準之後
好快我嘅運勢變差，又易病
停咗一星期左右就無乜事
我都好想知 
樓上講話旺角近朗豪坊、近獅子銀行，我都大概知邊個位，成日經過會見到有人排隊，但唔知原來係睇相嘅。不過樓主話唔係呢度。
續：
回應某幾位會員，依個師傅個「檔」都唔可以稱為檔，根據朋友指示去搵佢，我真係睇燈柱黎搵
Location係西洋菜南街 gordan努 同百老匯戲院中間條燈柱🥲
琴日老公踢住拖去睇，去到嗰陣咁啱師傅開緊佢張摺枱，心諗係咪就係呢位阿叔？
其實想睇呢個師傅係好奇想fact check某啲嘢
我老公都係踢住拖咁落去，兩公婆一齊睇晒相、掌同八字
整體感覺師傅個vibe好positive，雖然老但係唔係廢老，令人好想繼續同佢傾，一坐就坐左一個鐘
，唔似我以前睇過一位收費偏貴嘅師傅咁趕收工、西面
可能因為師傅有問必答有邀請我哋問多啲問題，時間夠，所以整體講得準，唔係大路野，亦講得夠詳細，個experience我比90分
扣10分係因為喺街度坐摺櫈好熱好嘈🥲
因為問咗好多私人野唔可以分享，揀咗幾樣打出黎：
C fu話：千祈唔好再諗生多兩個喇（我哋真係隔幾日就喺度諗好唔好再生）
其餘同師傅嘅對話FC咗好多我要FC嘅嘢，解咗我嘅心結，呢度會員曾經話過好嘅師傅係平價嘅心理醫生，好同意呀，埋單兩個人total$600，因為傾咗好耐所以俾咗$1000師傅當請佢飲茶
總括而言我覺得適合有好多問題想解決嘅sis去
因為師傅真係好肯傾，個人好正面
待續
10個讚
我想講我真係睇過兩個好多marketing好出名嘅師傅，一個收費睇掌睇相8字流年15分鐘趕收工咁$7000，太蜻蜓點水；另一位買咗命書同流年，哇頂，錯晒，20-30明顯已經唔準
即是話你已經準備左好多問題，有target 咁去問佢？
係，雖然冇寫低
但因為我有睇過其他既師傅sss
等師傅講完時我又一路問返我想知嘅嘢
好random ga