好多女人做左媽媽，復工時都有個想法轉做FTM或半職，想多些時間陪小朋友成長⋯（應該好明）有冇雙職媽做緊份工時長又困身的工，想轉形、為的是魚與熊掌兼得？
人生中場先尼轉？遲唔遲？
自己理想、家庭、小朋友成長、真不能兼容？？
可以兼得架，我見好多媽媽都雙職又湊得好。雙職媽都唔代表會miss左子女成長，因為更注重quality time.
1個讚
我諗真係要同一時間做齊幾樣就有D難度, 我同老公冇乜錢, 一定要兩個一齊做嘢, 一早已經有覺悟會因為工作而忽略小朋友, 只能攝時間相處 (例如: 我返輪班另一半放假, 會帶小朋友嚟同我食LUNCH & DINNER), 小朋友剛剛1歲嗰陣, 係痴工人姐姐多過我, 係有SAD, 但佢地大大吓又個個都痴吓 
自己理想 - 要等小朋友大個成熟D先可以諗喇
家庭 - 同老公或家人思想暫時一致, 一切以小朋友著想為前提, 多溝通, 有咩唔對路就出聲
其實自己做開嗰行，無地方時間好d，壓力細d？
我唔知，但我份工近屋企，人工比出面低 (特別呢年幾，我嗰行搶人搶到癲，我加40% 人工都有公司見我)，但勝在hea，d野我熟哂，行開行埋無人理我，遲到早退絕無問題
有時我都諗：咁生活啱唔啱…
因為，呢排先俾老公吋我，話我無私己錢，我d錢用哂响屋企，好幾年無人工加…
唔係唔得，但我覺得會辛苦。
我之前份工做大公司幾好pay, 但工時長成日ot.每日遲番d bb 都訓哂教，得番星期6日同佢玩。雖然佢地都痴我，但最後變成我好攰，冇休息過。
後尾轉左而家呢份細公司，人工係少左成皮，但係準時收工，番工又hea,我成個人都開心左，每日都有番d 親子時間。
如果轉工可以加咁多錢，我會嘗試去見工，見到再諗轉唔轉，特別係你老公已開到聲覺得你搵得少錢…
我係。
唔係唔做嘢，但心態轉咗，唔再搏上位，工作變咗次要，因為咁轉咗去間冇咁chur嘅公司。keep住做嘢係因為試過幾個月FTM, 覺得做嘢岩自己d.
2個讚
工作唔困身可以多啲照顧頭家，補返爸爸做得不足嘅位置，佢都係得益者，點解咁唔體諒
我當年猶疑好唔好減人工減工時時，我老公就係咁講。
1個讚
唔轉喇，一嚟我仲有大半年就走，當時好想請我嗰間係新公司，責任同工作量會大，仲要官塘、科學園兩邊走，新工又唔易請假，唔係太方便
而且，呢間公司做咗十幾年，好多野係我有份做出嚟嘅，加上老細開到口話我走咗仲會出糧比我…
我當佢沖口而出… 唯有啦…
其實佢一路都知我hea 做係因為佢先係揾錢嗰個