前情提要，我同我老公嫲嫲，阿妹一齊住(omg, 好難頂，計劃搬出去，希望一切順利）。阿嫲嫲係皇太后，阿妹係管家婆（我都唔明成30歲都同嫲嫲同房同床係點做到，所以個人都成日ee哦哦，唔熄燈佢見到就會話你地又唔熄燈，繼續哦，好煩）。前設係我對佢地有太多主觀感受，發生太多野啦，所以有時想知係咪我太唔鍾意佢地先會咁，定係本身件事都有問題，求大家意見。
入正題，我有時候同bb沖完涼，會係佢地房換衫換片，bb會扭扭擰擰唔肯乖乖地，係我眼裡係無問題，但嫲嫲成日係隔離話好啦好啦，話要比佢抱，問題就係度啦，好咩呢，咩都未著好，又抱咩呢，我係想 小朋友學識做好一件事，我用唔同方法同佢著衫，教緊佢穿隻手穿隻腳，真係唔鍾意隔離有人係度嘈住曬，我係堅持唔比抱，阿嫲嫲就會唔高興。可能你會話，最簡單解決就係唔去佢間房換，呢個方法可行，但有時避唔到，例如我老公係度，因為我無同佢講過呢樣野。
第二樣野係阿嫲嫲好需要人地同佢講，嫲嫲食飯啦，但情況係大家食飯時間點完全唔同，通常係佢已經食完或者佢未食唔想食，有時同佢講嫲嫲食飯啦，佢就會晦氣咁話食飽啦，仲要係唔望住你咁講，我感受係唔好，覺得咁好無禮貌，所以對呢件事好反感，唔想講，你可以話係好少事，一句說話，但我仲未識可以點諗點做，求指點。所以有時會無講，又就會被人攞黎做話炳，我老公做左磨心，我唔想令我老公難做，但我又好難做。我知可能老人家都係想人關心多d …
有時我知自己都有d執著，大家就住黎鞭，唔好咁狼咁狠。
打打下變左長文，多謝你睇曬。
1個讚
老人家湊孫只會縱同就哂bb，唔會諗要教好佢。
食飯要人叫係好傳統觀念後輩要尊敬佢既諗法，調返轉佢唔會覺得講野需要顧後輩感受，其實都好正常，真係典型高高在上既老人家。
呢d唯有硬食，冇咩可以做，同老公講，如果佢細細個叫慣聽慣，會覺得小事黎既你忍下算，唔會幫到你手解決問題。所以樓主你都係捱到搬出去算吧啦， 唔同住就一天都光哂 
可能唔係佢哋問題，亦唔係你問題，係同住問題，我都祝你快d 順利搬出，記得唔好俾鎖匙佢哋！
不過我自己唔鐘意老人家持老賣老，佢尊重我我就尊重佢，佢唔尊重我唔會「危」契地咁氹佢出嚟食飯，老公唔需要做磨心叫佢嫲嫲改，但都唔好要個老婆低聲下氣，要氹佢自己氹。
3個讚
我都覺得個中間人係重點。
通常呢d 位就會睇到priority
小事加埋加埋就係大事，本身都有恩怨睇佢唔順眼，仲要見得密見得多，想休息回氣都回唔到
返工見到啲唔鍾意嘅上司同事都話可以返屋企唞下，聽日再戰，但而家連休息嘅空間都要見到佢…
如果真係要插你，都係插點解仲未搬出去，仲係計劃中… 希望你哋快快實行啦，有個終點會易捱好多
1個讚
我老公一直都係同佢地一齊住，不過本來唔係咁計劃，因為一d原因，所以我搬左入黎，所以宜家真係要努力落實我既新計劃
我係諗會唔會係因為自己太執著或者怕咁樣，唔開口講一句說話，令我老公難做同我比人話柄，因為我老公都開過幾次聲。
你都知道要走架喇！盡忍囉！
-講「大家食飯」會唔會解決其中之一？
我禮貌地同在坐各位講，冇指明邊個，你食左同唔食左唔洗話我知！
-換3個到，盡量都唔好比佢見到，去第間房，煩啲都要去！（一係煩自己一係比佢煩，寧願煩自己！）
-管家婆一開口，大聲同啊b講野cover左啲「廢話」唔需要接收呢啲負能量！
少少野阿吱阿咗
唔想聽！
1個讚
問題係大家根本唔係同枱同時間食飯，佢地係房食，我地係飯廳食，我係要專登入去同佢講，仲要有時係見佢食緊飯都仲要講，何必呢？我覺得無謂又無聊
管家婆真係煩到嘔，你講中我心聲，好負能量，少少野自己做左咪得啦，熄左燈咪搞掂囉。
1個讚
皇太后幾千萬身家？有貴族血統㗎？佢以為自己係邊個？佢啲錢比晒你？佢係你貴親？佢養大你？
咁巴閉我睬佢都嘥氣，叫你老公好好侍奉佢
1個讚