知道。我會儲左錢先再部署點樣走，多謝你！
多謝你分享你既故事，我知道要帶住小朋友走佬係一件好難既事，要取捨好多野亦都要講勇氣，我覺得最重要係小朋友體諒同支持媽媽做既決定
是啊，你囡囡都唔係太細個，可能都係同佢傾一傾，了解下佢嘅感受先，祝福你地搵到舒服嘅生活方式，加油呀~~~
1個讚
我無同我奶奶講想走，佢當我地鬧吓交，過幾日下左啖氣就以為當無事發生過咁
我有試過錄起佢，第二日清醒再比佢睇，佢睇都唔睇就刪左條片
鼓勵你開始步處，適合時機就走。
1個讚
咁代表佢唔願面對同正視問題，亦忽略你地感受，咁係愛咩？
1個讚
佢就係覺得佢只係鐘意飲酒，無吸毒，無叫雞，無賭錢，點解要戒酒
其實酗酒同以上三樣程度一樣
3個讚
如果係咁既行為都等於佢無得救，佢都唔認為自己有問題
你儲錢的同時，當女返學就打下電話，問下不同機構可以點樣同女搬出來獨立生活，了解下社會有什麼資源可以申請，當多一點資訊令自己計劃下一步，唔需要俾老公同佢家人知，以下有啲電話，睇下有冇用。
http://webcontent.hkcss.org.hk/hotlines/service.asp?ser_code=6.1
有時未必一下子就找到願意幫你/聽你講的人，不妨打多幾個電話問下意見。
4個讚
同小朋友做錯野諗辦法收埋撕爛野嘅道理一樣，即係知道自己唔啱但係唔想改，想逃避，只係比無賴唔認錯好少少。
同女女問下佢感受。雖然佢仲細但識得少少思考，都知道開心唔開心，例如「如果媽媽帶你去另一個地方住，我地唔洗驚爸爸發脾氣鬧人，但冇得再見到爸爸同嫲嫲，你開唔開心？」、「但如果之後媽媽要出去賺錢，咁只能夠星期六日先可以陪你玩，你開唔開心？」透過佢嘅答案，你都可能對自己下一步更加清晰。
然後再打電話去社福機構幫手開導下自己，同埋睇下有咩資源可以幫自己。
3個讚
你而家先至話開始搵工儲錢，幾時先儲夠？你係晩晩同緊舊計時炸彈一齊瞓喎⋯⋯我建議你搵份工之餘，都要搵埋社工
8個讚
同意應該同步做, 甚至最應該搵咗社工先, 否則問題只會一直拖落去。正如上面另一位版友講, 要打多幾個機構問, 因為個個機構標準唔同, 唔好因為幾個機構reject你就放棄搵社工
3個讚
其實佢咁既態度係唔會戒酒，努力搵part tome 儲錢，搵社工幫手，睇下點樣搞單親申請屋，必要時申請住社會福利先，為母則強，為左個女咬緊牙關啊，加油
1個讚
唔駛驚。
我C6當年因壓力，打我四個月大嘅仔。我睇精神科，精神科transfer左社工比我。我c6有咩一發癲，我會記錄底，見社工時再比社工睇。
2個讚
四個月 BB 點打得落手，聽到 BB 喊都已經心軟 
不過紀錄低係好事，如果社工或者精神科見到次數頻密，而且係危害到小朋友，都會做下野。
1個讚
你嘅經歷令我諗起細個果時！
我老豆又係成日飲酒，飲到醉就會發癲，我哋3姐妹就會係房好驚，因為佢會大吵大鬧，又會郁手
到我哋大個啲果啲，佢郁手我哋就會出去擋
果時我無諗爸媽點解唔離婚，只會覺得有咁嘅老豆好sad，佢一係屋企，成家嘅氛圍好down，抖唔到氣咁
到我18歲果年（我最大）我老豆又飲醉，又同我媽郁手，我大妹阻止佢，而我就報警，當時我都同我老豆阿媽講，叫佢哋離婚（社工幫手）
最後最後，我媽帶住我哋3姐妹走咗，當時我2個妹分別16同14歲（我細妹亦都長期俾我老豆搞到心理壓力大，心理醫生話佢有創傷後遺症）佢哋離婚之後，成個感覺係鬆口氣，而我都係5、6年後先再見我老豆
所以你老公咁樣，我建議同佢離婚，帶埋你女捱！因為咁嘅家庭環境，對你同你女唔係一件好事
13個讚
樓主，俾你好彩搵到份part time，香港搵地方住都唔幫補到好多。
上面有其他人分享資料俾你，搵社工etc，為咗個女，行動啦！
2個讚
我阿公又係背景複雜，日日飲酒發癲打老婆仔女嗰d人，佢地幾兄弟姊妹十幾歲有得出身就走晒，我媽咪都幾十年發惡夢，夢見返細個同條屋邨嘅事，真係會成個人濕晒汗嗰隻
所謂不幸嘅童年要用一生去治癒就係咁解，所以見到呢d一定勸走，我自己都有個女，想像唔到點樣可以要自己個女日日喺度承受心理創傷
好多人成日話咩為咗d細路有完整家庭，但冇唸過呢個家庭一早已經唔完整，苟延殘喘只係因為自己踏唔出去，小朋友就無辜陪葬
實際上快樂嘅單親家庭係有好多，真正不幸嘅係同屋住搭伙關係，小朋友都看在眼內，潛移默化咁蠶食佢地嘅人生觀
14個讚
講得好好、聽過單親嘅朋友講、其他佢地細個冇因為「單親」而唔開心、因為本身都冇、冇「損失」嘅感覺。
2個讚