我係一個家庭主婦，有個女十歲，同老爺奶奶一齊住，
我先生每個月會比家用我，但我自己無任何儲蓄。
我先生一向有酗酒習慣，最近飲得越黎越顛，每星期有3，4晚都飲到爛醉先返，試過飲醉不停鬧我，有時會鬧奶奶，不停大力關（嘭）門，打牆，試過好大力捏住我隻狗條頸，又成日話要跳樓，又試過發顛扔爛野（所以每次佢飲醉酒返黎時，我奶奶會即刻衝入廚房收埋啲刀）
之前我係唔會出聲不停忍佢，但到最近我已經忍唔到，我試過對住我先生顛左咁咆哮，差少少郁手打佢，奶奶當時好大力禁住我再推開我，我失控到連奶奶都鬧埋，最後我攬住個女入房鎖門喊左成晚。
我個女都知佢爸爸係一個成日飲醉酒既人，佢都成日好驚爸爸，驚佢飲醉酒發顛，有幾次我女都驚到喊。
我曾經有諗過帶埋個女走，但唔知可以走去邊，我娘家亦都無地方比我同個女住，我從來都無同朋友同埋親人講過佢酗酒發顛既事（個個都以為佢係好好先生）
7個讚
本身家用有冇可能慳啲儲到錢？或者你做返野，個女放學叫奶奶睇住？如果係我，我一定會走，酗酒，賭錢，吸毒呢三樣基本上係改唔到，仲會連累家人，因為咁樣都好影響個囡嘅成長，佢咁大個，其實都會明白發生咩事。
6個讚
帶埋個女走，已經影響埋小朋友，佢大個會諗點解唔離婚令佢有陰影。
5個讚
盡慳既話每個月可以大約儲二千蚊左右
老爺奶奶都要返工，無人幫我湊女
我都好想走，但真係唔知走去邊
多謝你比資料我參考，我有同佢傾過好多次，佢係戒唔到酒
1個讚
我都想帶埋個女同隻狗一齊走，但無地方住
你自己仲愛唔愛佢？
有冇可能喺佢唔係飲醉嘅情況下傾到偈？睇下佢嘅諗法，佢其實係咪有d咩心事而飲酒？如果傾過，佢有心想戒，可以嘗試搵機構尋求幫助。
但如果佢都好硬頸地唔想改變，唔肯戒酒，就算喇。
1個讚
飲醉酒鎖門唔好比佢入屋，由佢瞓門口，由佢向門口發癲，由佢癲比街外人睇
千其唔好覺得肉酸唔想比人知，首先就係要佢自己覺得自己肉酸先
如果你收埋個問題唔比其他人知，啲人覺得佢係好好先生，咁佢都唔會覺得呢個係問題，因為全世界都話佢係好人
要佢都明白呢個問題有幾嚴重，要佢知道自己飲醉酒之後係幾醜陋，要人人都向佢背後指指點點，佢先會有羞恥心，或許先會有想改過、戒酒嘅諗法
11個讚
我宜家已經係驚佢憎佢多過愛佢
我有喺佢清醒既時候同佢傾過，但佢唔覺得自己有問題，佢覺得自己返工辛苦飲吓酒係無錯，問返我點解要戒酒。
1個讚
奶奶有冇同佢傾過？以父母身分提醒佢。
如果真係想走，搵定放學託管，搵定工，九月個女返學，你就返工搵錢。
2個讚
我奶奶一定唔會俾我鎖門
佢喺街唔會顛，佢係返到屋企先顛，前一排飲醉每次返黎都鬧自己阿媽，連佢阿媽都怕左佢
奶奶有同佢傾過，但佢唔會理
宜家唯有可以做既就係搵part time做，然後儲錢走佬。
多謝你地聽我呻，我自己有時夜晚無啦啦喊，唔想比人知，自己一直忍
3個讚
為咗小朋友點都要搵出路，佢改變唔到就唯有改變自己，要為小朋友著想吖！
2個讚
知道，多謝你
加油
1個讚
如果佢唔覺得有問題，即係唔會諗住改，咁走人啦，唔知邊日癲起上嚟發生命案就唔好喇。
3個讚
酗酒問題唔係你忍就解決到，離婚可能有好多問題要解決，處理，但都係可以有出路，一個一個做，好難，但為左你自己，幾難都要踏出第一步，加油，祝福你。
離婚你老公比到贍養費嗎？
一個孩子(你老公)既媽媽(你奶奶)都唔出手解決問題，你都做唔到d咩，你忍，維持住呢段婚姻，會辛苦自己，對你自己唔好，情緒都唔好，成日心驚膽跳咁。
1個讚
以前有個best friend同你女同一situation
平時嘻嘻哈哈開心果黎
傾心事都冇乜提
突然有日爆左酗酒老豆一獲就跳樓輕生左
我估壓抑好大
聽聞佢一直軟硬兼施希望老豆戒酒
你女可以去托管班，之後你就可以返全職。
1個讚