想請教各位，其實朋友未滿三個月都唔想太操勞去多人既地方迫，但因為第一胎好似好多野都唔知要唔要買同埋未見過實物，都唔知要唔要去BB展好？ 想問下大家既意見，謝謝
唔會去，一來人多又迫，二來其實唔係平好多，想睇實物可以去荷x之類大鋪睇，之後去樓上鋪買
3個讚
唔會去…想睇實物其實去一田Aeon呢D都得又唔駛咁逼.
而且3個月未夠根本冇需要買野住.
3個讚
唔好去啊！一次要你買3、4包尿片先叫做平DD！放係屋企阻頭阻勢
唔係真係平好多！
有時睇下一田、aeon個啲有啲折扣仲買得舒服！
Bb野，bb唔用過唔知岩唔岩！買一大堆唔岩真係嘔血！
1個讚
傳說去bb展最大目的係掃free sample 然後排係床上影大合照再擺上網等人讚自己r到幾多免費野，有幾咁精明顧家愛bb.
更進一步既係再賣返出去吐返現。
10個讚
我有聽過，啲人會print 定地址，個人資料，到時貼落去唔駛填，超勁。但我就不了，好怕人多
1個讚
係…我而家差唔多38w了, 都冇去過BB展… 
2個讚
我大肚時未去過bb展，拎sample對於我又係垃圾。
有d人無乜定力亂買嘢嘅真係唔好去bb展。
依家上網買咁方便，仲乜要辛苦自己？
2個讚
冇需要去Bb展，aeon is enough.
1個讚
生完到依家個仔一歲都未去過bb展
其實真心冇乜必要去，除非你好想去湊熱鬧
3個讚
個時無咩人注重個人資料，電話，bb出生日期，ID card 頭4no. 都好廉價，一條紗巾就換到，都仲要大排長龍去換。而且仲唔止一個家長，係爸爸媽媽資料都比晒，禮物先可以拎雙份，入場先夠抵，戰利品大合照先夠勁。
到之後有公司變賣個人資料先突然變得剎有介事，亦顯得個時d父母好智障。
3個讚
我跟過朋友去BB展掃samples係堅開心既，但一定要有個老手帶，如果新手咩都唔知掃少好多正嘢。
2個讚
行到攰又無得坐。其實BB展都唔係好平
如果想去就去，好多時人未經歷過只係由其他人講唔好去呀人好多呀，好難會令當事人明白，佢去過，就會明有幾咁辛苦。
肚大大就唔好去行啦。有試過有孕婦暈低左，現場人多又無chair, 好牙煙。
唔會去，太多人，同埋我覺得好多野可以等7個月之後先買，到時去aeon都夠哂
無需要
1）Aeon/一田 bb展有曬你想買的野，仲可以送埋貨，唔使拎
2）出賣個人資料換返嚟的sample其實唔係你想像中咁實用
3）15wk唔使咁早買野住
有免費飛+湊熱鬧的心態去過一次，見到啲8、9個月肚的準媽媽喺度排隊換野，淨係覺得好牙煙
3個讚
未夠3個月，唔使咁急去bb展
一來買咗啲嘢放半年都未用得著
二來個胎都未穩，不如好好哋養胎先啦，而家都仲係疫情中，去咁多人嘅地方都唔係咁好
我生完都未去過唔明做咩要走去迫
其實真係無需要。
第一你唔會訂好多箱奶粉尿片，因為屋企一般無位擺。第二人多,真係好易撞到。第三好多公司平日都有做相同discount。
我記得我當年入去買左張high chair ，後來先知一田做一樣discount