本身做緊有同民主派政治團體聯繫嘅NGO工作，主要做文職Admin，都做咗2年。
但因為最近蘋果日報員工、區議員議助、民陣、支聯會等政治團體都遣散職員，令到自己做緊份工有啲危危乎，更可能會因為國安法而負上刑責，所以有心理準備要搵工（maybe預一段時間都未必搵到） 
最近整理緊CV，發現現職工作都有成2年時間，唔知應唔應該照寫落CV度當有全職工作經驗？
會傾向搵返文職為主，再唔係係搵返學校NGO工，或者周圍教下琴、畫畫班走走糴糴咁。
至於考政府工、紀律部隊一定唔駛諗，寫咗唔知會唔會有壞後果。
不過以現時時勢，有朋友建議我唔好寫呢份工，驚惹麻煩，出面啲公司、其他學校或NGO會唔考慮，或者會被篤灰情況。佢哋建議寫做私人補習、Freelance接Job當工作經驗，唔知咁樣會唔會行唔通，當欺騙呢？
唔寫又空白成兩年，如Interview時真係被問起，講呢段時間要照顧屋企人而冇做Full-time加接Job可以接受嗎？
希望大家可以俾啲意見，Thanks!
我覺得admin 好平常
工作範圍寫返日常office嘅嘢啦
我都覺得照寫好啲，同埋你主力講返你日常嘅工作，用到嘅 skills and achievements
呢兩年嘅工作經驗唔好浪費
你就算唔寫都未必好過寫咗，不如照寫。同埋應該未必太多人會知道你做緊間公司嘅背景？
好出名？人怕出名豬怕肥，如果ngo公司個名好出，我唔讚成寫，費事煩。
都算幾出下，所以都幾麻煩
視乎你搵咩工喎，如果之後新工擺明藍到黑底就唔寫啦，平平常常果d咪照寫
兩年空白喎
空咗兩年喺香港職場似乎唔太好。
講話去旅行一直搵工又講唔通，因為疫情都冇得去旅行啦。
咁嘅情況，寫邊照顧屋企人邊做Freelance/私補可行嗎？
我會照寫, admin/operation經驗好過私補教班個啲
如果擔心可以整定兩個版本CV?
唔好老作啦，世界好細
絕對同意… HR問兩嘢仲可能會漏口講錯嘢…
唔好作+1
我唔會理公司黃定藍都會填落CV，始終兩年都係工作經驗。如果當初返黃公司會影響將來搵工其實day1就要遲職。
同意寫freelance/ 照顧家人，怕你寫連in都無得in
有Freelance都唔算白？
最怕有d顏色人唔知點睇，樓主話驚份工危危乎，又驚會因為國安法而負上刑，咁寫落去咪有排驚？
我都認為唔寫好D 。空白兩年唔係一個問題，衰D 咁 求其揾份人工低要求唔高嘅細公司嘅工，做2-3個月過下冷河洗下空白期嘅底，CV 睇落就又無咁覺有空白
寫幫屋企人做生意，好多人都咁寫ga
擔心就唔好寫，始終CV有你個人資料，見工時才睇對方情況應對。
佢唔係freelance
hr 問多幾句，穿煲仲衰
宜家hr多唔多問詳細 