信唔信生肖定睇五行八字？
其實係咪有一個協調者就會解決到問題
有聽過父母同仔女生肖相衝係常見情況
因為相衝嗰年，父母流年都多數會有大變化，所以嗰年生仔係好common
利申：一年先研究生肖一次（農曆新年）
信
唔信，我覺得睇完會疑神疑鬼同倒轉左因果。我有朋友陀b睇呢d 就話同個仔唔夾，跟住少少事就提住真係好準真係唔夾etc. 但其實好多小朋友細個都係唔聽話，唔關夾唔夾事。
反而係佢形住形住，影響左親子關係。
9個讚
睇返身邊朋友
父母子女生肖相合又唔似有神奇嘅效果
生肖只係分咗12類，當普通參考下，娛樂下
紫微斗數就分咗26萬種盤，我覺得好準
小朋友假如同父母所謂唔夾，其實一般都係因為父母本身有問題
呢個「因果」要搞清楚
即係老公老婆所謂唔旺自己，都係自己嘅問題
4個讚
好似即使相衝都有時係利衝，唔一定不好的
相衝相害好負面wo, 都會利父母既，但陀個時唔會知，睇出世時間定ga wo.
有仔女可以黎報恩，可以係上世欠今世還。如果緣薄就送出國讀書啦，如果讀唔到書都咪辛苦谷佢地啦，唔好強求。
我睇晒2個仔女d盤，因材施教，風水唔迷信可以好幫手，睇你點用。
1個讚
主要睇父母個盤就已經知道曬
小朋友時辰八字主要focus返係佢哋自己個人成就
如果父母子女宮 + 相應宮麻麻地，其實好建議唔好生（唔好懷孕）
所以結論就係個責任點都係父母度
唔信, 可唔可以唔好咁痴線, 因為咁影響到關係, 唔係化, 如果睇相佬叫你地要分開唔好再見面, 因為你地會相沖, 咁你地就真係分開唔見? 然後就鬧大交, 交惡, 最後你就話個睇相佬好準, 我地同父母真係相沖唔夾, 預言自我實現
同事陀女時，個算命話個女剋住佢。
佢竟然走去落咗個女，個老公超恨有女，仲因為咁攪差d離婚。
之後過住當佢透明嘅生活，個老公有二奶，生埋女。
好極端
剋呀媽都可以利老豆ga wo
又，個算命咁樣deliver message 好嗎？感覺唔太pro
我睇到O左咀！！
真係落左，自己骨肉，我做唔出
1個讚
詳情唔知，都係同事講俾我知。
同事們講，佢係好迷信嘅人，有同事話失眠，佢都可以講成人哋屋企有污糟嘢。
呢個算命師傅好無品，幫凶！
2個讚
直頭無口德+無料
算到個女所謂剋媽咪，算唔到個兩公婆關係會有問題？
你係睇紫微盤？
yes
真係多得個算命唔少，自作孽
有，我媽陀第三胎既時候。
去左算命話第三胎會係仔同會好錫佢。
兩個女將來會無禁錫佢。
依家佢講足二十年，
成日話因為佢全身麻醉開刀生我哋兩個出世嘅時候，佢唔係第一眼見果個，爸爸先係。
所以從細到大我哋都係痴爸爸多啲。
記得細個既時候佢講左好多傷我心既說話。
細個就知道佢重男輕女。
成日話女人係一定要識做家務，
男人係做大事既唔洗做家務。
自細有咩重要既場合，
佢會話：細佬一定要到，你哋唔跟我都無咩所謂。
從我開始出嚟做嘢，每個月都會準時比家用雖然金額唔算多。我人工都唔高。
我家姐自結咗婚開始搬出去住，
嫁到一個好錫佢老公。
呢啲事我哋兩個都知道。