我同我老公一家本身關係都唔錯
老爺奶奶都好錫我地 我地都唔係同住
佢地一家本身每個weekend都會一齊食飯 我嫁咗之後都有join
奶奶有幾個孫 每個相差三四年左右
每個星期去到都睇住佢地搶野玩 喊 嗌交 爭媽咪 
就算無D kids drama 佢地都會想我陪佢地玩
有時無煩到我都會覺得好嘈
睇得出佢地父母都湊到好攰
（佢地本身唔係曳嗰啲，我都唔係唔錫佢地 而係真係個個星期都要對住，有啲回唔到氣….)
我自己本身係獨女 喺成長階段都無經歷過呢D野
我開始比呢D情況搞到我怕咗小朋友
好似有D cultural shock咁
但我奶奶好重視一家人食飯
佢對我又好好我又唔想佢唔開心
老公話我約咗人可以唔去
但又怕奶奶諗多咗 同下下搵藉口唔去係無解決過問題
究竟我可以點做 
你未有小朋友？
佢哋可能少見你，太開心太想同你玩！
下次不如帶啲細細本書同佢哋睇，等大家可以靜靜地（因為多數一玩玩具就瘋狂左）
返得疏d, 到您回咗氣先再返。您應該係對d小朋友好照顧、比耐性，佢哋先咁中意您
我未有小朋友呀
我本身都以為自己鐘意架
但近排我覺得其實可能都未必咁鐘意 
佢地有圖書 但有時佢地會慣咗我個個星期都陪玩 我都有D攰….
我覺得玩小朋友野真係有D無聊
又可能由細到大我都冇兄弟姊妹
唔識同佢地玩小朋友遊戲
我係對住佢地係有耐性既
（我諗我都有啲抑壓左自己嘅本性）
我諗緊我係咪應該主動同奶奶請假
話俾佢聽我呢排有啲咁嘅感覺
我怕佢誤會咗唔開心
其實你唔洗真係玩，你坐係到佢哋都會「冤」住你
證明你好受歡迎
可以講好規矩先玩，邊個唔聽話就立即停，等小朋友知道錯，安靜左，再繼續！唔洗鬧，其實一個眼神都知！
可唔可以一齊睇ipad?咁樣應該會最安靜
我之前同阿哥個女玩到我冇電嘅時候都要俾ipad佢睇，等我回下氣 
晏少少到臨食飯先上去，減少陪玩時間得唔得？
你老公教咗你點做 
相信你老公會比較了解你奶奶
有咩事 最好都係由老公去講
呀嫂好少比ipad 所以我又費事
同兩個小朋友各有各鐘意睇既野 又係爭
我呢2個星期都盡量玩少d
抽離啲睇下會唔會好d…… 
我都會既，不過有時怕喺人地呀媽面前「教」人地D仔女佢會唔鐘意 
呢排遲左少少 睇下會唔會好過D….
早排奶奶分身乏術 要幫手餵飯真係好無奈
（小朋友「梅」飯時期）
我感覺我上去食飯就等於母親體驗咁
但太真實了 真到我而家好唔想生仔 sosad
我有次唔去 佢幫我求其作原因
調返轉睇，你應該慶幸可以試做媽媽半日，好多人生左先知自己唔適合已經太遲。
你又唔使咁上心既，陪玩jie. 當你累就行埋一邊比返佢父母lor.
有你陪玩，小朋友爸媽可以回一回氣
一定勁愛你呀
Btw我都想知到底有無有小朋友嘅屋企係靜架呢？
（我屋企係大家庭，嘈到耳膜痛果隻，出街拖住會牙晒成條街
）
你冇義務幫人湊/陪小朋友，總之你唔鍾意就唔使做
無可能靜，靜即代表個度唔好玩，仲驚
一個禮拜一次半次仲成棚人都頂唔順，真係好好好認真考慮先好生。小弟都唔特別鍾意𡃁仔，玩下冇所謂，單拖湊一件7-24日日都係責任重大嘅苦差。
唔使咁大壓力喎，老公都講咗可以唔去，返娘家約朋友唔舒服大把原因啦！
等自己回哂氣先再去咪得。
一開始其實無乜野
係最近生咗第三個 父母分身乏術
第二個又開始attention seeking 所以情況好嚴峻
好emotional 好多drama….
PS 我覺得係有資源同有心機先好生仔