樓主
首先無辦法改變你媽同你爸，呢個係佢哋大半世人的生活習慣
正如我當時都經歷緊你的情況，但發現個孫再近呢個人係唔掂，佢有機會喺孫面前講你哋是非，同埋佢情緒波動太大，嚇親個細路仔，唔排除有一日你返工，佢同你媽嘈起上來，到時火遮眼，傷左最唔識躲避的小朋友。
既然兩老無得變就自己小朋友自己保護，我當時安排小朋友放學後去社區保姆托管，收費好平，到我收工就接返。到搬到有地方就請工人照顧小朋友，連兩老都唔通知佢哋小朋友喺邊，要見就出嚟飲茶先見，起碼我在場確保有突發事情都handle到。
你現階段唔想變係因為你媽湊就最方便，但你女大個會copy左照顧者/日常家人口吻同價值觀，要為個女的角度都考慮一下。
如果你真係要脫離你爸爸的影響、首先你要脫離你對呀媽嘅依賴。
一個小朋友睇住自己媽咪比公公打、好彩上一次發生係一歳、可能會唔記得、如果下一次再大啲發生、可能會有一世陰影。
如果要脫離呀媽嘅幫手、係會用多左錢（揾人照顧）、路途遙遠咗（揾有托管嘅學校）、咁呢個係避開呢個老豆嘅代價、為咗小朋友離開潛在暴力現場去付出、你自己點諗。
你可以覺得呢傢「阿媽」嘅幫手、同手腳一樣咁重要、我睇你文字、睇嚴重到唔截枝嘅話、就攬住一齊死…試諗下如果當年你媽一早同呢個老豆離婚、你今日就唔駛面對呢啲問題。
樓主同佢阿媽性格一樣，唔肯變唔敢變，所以先有咁多煩惱，有時做人狠心啲，唔好淨係著眼短期一點好處同放大短期一點困難，就可以解決好多問題
我唔信命唔認命，一個人肯做，冇嘢改唔到，看你自己決心
可能佢地都係等緊老豆大陸果幾間屋、冇話唔啱嘅、但有收穫就要有付出。
會唔會樓主媽媽仲愛緊老公？始終生活係一齊幾十年，感情會好複雜，一言難盡。
好贊成其他姐妹嘅意見，樓主盡量令個女避開公公。 始終小朋友需要好嘅接觸對象。
係
永遠都係"認命款"
覺得嫁雞隨雞
反正唔好都忍左大半世咯
而且仲會覺得離婚好唔光采
寧願忍到死佬入棺材為止
咁又好難切割
因為樓主仲係好愛佢媽
同埋需要佢媽幫手湊女
好難為左個賤老豆而同阿媽斷絕來往
同埋好難完全斷晒纜架
呢d 廢老搞事好叻
分分鐘走去阿女學校"接放學"
最理想係樓主自己可以揾人另外搞掂湊女問題
要見媽咪自己一個去、起碼有咩發生起碼呀女唔會睇到嚇親
我娘家同樓主有啲似、返去食飯、我永遠係自己一個、唔會帶仔、次次都話佢唔舒服老公照顧緊。
咁要睇下樓主覺得錢重要定個女重要啲，冇錢咪要忍下，我都過來人，要提步離開嗰下係好難，但開左個頭自然有路行
可能你呀媽有呢個目標,所以頂到
覺得會好陰功，佢盡心盡力 ， 真係個好人，最後我咁走左去…
其實我都認，我係行唔出 「比其他人湊個女」 呢一步 … 唔信姐姐唔信保姆，雖然依家好多人都係
如果比人湊就易好多
又無人叫你唔理佢，放假咪出去食飯時見面。
不過既然你自己講咗唔信其他人湊，除咗呻，你仲可以點？
不過你要預咗個女成長有機會遇到咩問題，就好似你細個經歷過咩嘢。
自己衡量啦！
比其他人湊好普遍，我自己和好多朋友都係請工人，長老只係輔助，唔使日日嚟，佢哋又唔使咁累。
第日小朋友返學，咪又係“比其他人湊”。
你唔駛唔理佢、返娘家、自己一個返、主要係唔好比女女接觸到公公
懦弱係性格，佢自己唔覺得有問題基本上都唔會改到。可幸係你唔弱，嫁到一個唔會產生呢堆問題嘅老公。
我就一定唔會俾個女再接觸危險品，仲要隨時爆喎
因為有類似樓主問題，我選擇搬走
我阿媽要忍我無辦法亦幫佢唔到，人生係佢自己嘅，要講到講晒
俾我就實告，我都試過報警架，但上到黎話停咗打鬥就無處理啦
精神問題，報警睇醫生，
如果無病，佢根本無重視你們。
疏遠佢哋，等佢唔好咁放肆。
認同其他人講，你只係搵其他人湊女，你可以照去搵你呀媽，同埋你都話你媽要自由，唔駛佢湊佢仲自由