講下背景
母：退休三年，多朋友，多興趣，無不良嗜好，有儲蓄，思想開明，愛和平
父：失業被迫退休超過十年，曾經做過短期幾個月既工作，愛賭錢，無儲蓄，思想係典型藍絲廢老
我：已婚，有一個小朋友，穩定工作同收入
姐妹：未婚，唔係打工，有自己理想，但都養到自己
事緣就係多年前香港買樓、鄉下拆遷賠償等等事情，老豆開始日思夜想賠啲錢會點，開頭好有憧憬話要點分比我地、點養老等等等 … 但佢一諗就諗左都有五至六年。
-
如果大家聽過大陸拆遷，都知道係會按人頭賠樓或錢，一賠就係好多，一家四口夾埋有成千萬不足為奇。佢因為咁大概覺得「有底氣」，開始越嚟越古怪， 開心時就好有計劃，話分比邊個邊個，唔開心時就話所有錢都係佢既你地一毫子都唔entitled, 而事實係，無我地兩姐妹既名義佢根本拎唔到咁多錢。
-
香港既財產，亦都係鍾意就比你，唔鍾意就會威脅暴力回收，話所有野都係佢既
-
我老公對佢，一開始就印象好差，唔想接觸佢，飲茶等等都可免則免，佢所以都好憎我老公，睇唔起佢無買樓，開口埋口係我面前叫佢柒頭，但佢真係係「柒頭」面前係唔出聲既
Btw…佢自己都係輸哂啲錢又唔努力儲錢買樓既人
Sorry for 1999
呀媽對所有事既取態係，好憎佢，但不離婚不分居一味忍，當佢講野係唱歌，聽唔到，話淨係想安安穩穩過世，就算老豆幾痴線，佢都唔會正面交鋒，佢話乜就乜。表面和平但對佢恨之入骨，有咩就同我呻 …
我呢，從小到大，眼見個老豆對老母動粗、賭錢、唔講道理、心情飄忽，我三十幾四十歲人終於忍唔住，好想幫呀媽出頭，我真係當面鬧佢，結果我比佢毆打，曹星如咁，呀媽見狀報警，當日我一歲既女仲望到過程。
最後佢被告傷人，但驚方建議我放過佢，因為年紀大、初犯，唔會有咩重刑，佢真係入去坐，都係一兩星期，出到黎可能會仲痴線，況且我媽係同佢同住 …
結果我放佢一馬，無再告落去。
自呢件事之後，我無再同佢聯絡，只係我媽幫手湊小朋友。但係，我又唔明點解，佢同我媽關係又好返咁 … 一齊出去食飯，我媽帶我女出街佢都會join ( which is 我好唔鍾意但又不能控制），小朋友亦好天真地對呢個外公笑笑口，我就由佢
最近，佢又有野令我好嬲，有機會傷到我女，我直接鬧，佢又發癲喇，又loop返要再打我，要趕呀媽媽出門口，要將我老公趕走。
呀媽既反應係，你咁嬲做咩啫⋯⋯ 佢每日都當呢個人係炸彈，事事都要小心唔可以講錯野trigger 佢，等佢死左就無野架喇。
點解？ 點解要咁？ 其實比人恰到上心口，都唔可以反抗下？
就係你縰佢幾十年，先至有呢種脾氣，唯我獨尊，一唔鍾意就話打打殺殺要你地個個都死。
Sorry for 1999 again …
我呻完了
3個讚
如果係對小朋友有威脅既唔會忍！
你媽老一輩，習慣忍唔出奇，亦改變唔到！
依家係你一家三口同父母住？
如果會打人既話，真係要考慮走！
唔可以接受亦唔會接受！
我明白你。
我只嘆可憐之人必有可恨地方，就係你媽一直啞忍，縱容到佢有恃無恐，你老豆覺得佢打死你媽，你媽都唔會離開佢，而你媽亦會一直啞忍同叫埋你地一齊忍佢。
你媽媽呢一款人係唔會醒，只好由佢一直自虐下去，而其他人唯有同你老豆生死不相往來，否則一見面會俾佢的性格引發衝突，少則口角，大則好似上次咁動手。
總之每次見到你老豆呢個人就唔使理佢講乜，同你女打定底公公性格有時講嘢大聲啲，唔好驚。
長久會係不往來好啲，我家有一個長老係咁，我明言佢就算死左都唔好叫我去上香，佢都係動手打人，懷疑有躁鬱症但又唔睇醫生。
1個讚
我阿媽都係咁，係咁死忍爛忍，我老豆同你老豆差不多。
最後搞到我阿哥屈到有精神病，我阿媽就七十幾歲搵錢想買層樓俾我阿哥補償，仲叫我讓我買左層樓俾我阿哥住。
老式女人係咁，佢地唔會覺得有問題，完。
而家你應該清楚班綠色人仕主要係因為唔想做野，所以先叫你唔好告。
如果告左而你地住公屋，應該有得分戶。
1個讚
我諗我明白你啊，我父母同你父母都好似，真心唔明呀媽點解要忍，仲成日講到係為左啲仔女，但其實冇諗過仔女身邊有個計時炸彈仲恐怖…
我會擔心你嘅小朋友會唔會被影響啊
住同區，唔係一齊住
但個老豆會無故上黎但唔通知聲，呢點我好反感，比鎖匙你係因為見你都有付出所以比
無故上黎，個態度仲要係呀偉借錢咁 ，奉旨， 提示佢仲要鬧返人轉人頭，仲要攪串個場，話咩 「我拎張摺床黎訓都仲得呀！」
咁樣只會令人越嚟越討厭佢
老一輩就係咁
所有嘢都要以「安安穩穩」做原因
總之一家分離就好失禮
就算你老豆拎把刀出嚟揮 我相信最後都係原諒佢
唉
幾廿年嘅思想真係好難改變
唯有自己避免正面交鋒就算
抱抱😮💨
我就算係住同區，我都驚係街見到佢， 有一排，我連屋企電梯大堂有電梯到既聲我都驚 …
我最唔明係，我媽又話憎佢 ， 我又怕佢 ， 但又要帶個孫去見佢… （兩公婆要返工，呀媽湊，我哋控制唔到）
呀媽個理由係：唔比佢見又會發癲架喇
其實咩邏輯，咁樣都會發癲佢本身就係癲，你做啲咩都係一樣，只係捧住一堆火，暫時未燒到手
揮過啦 
係我小學既時候，我仲抱住呀妹呢埋係廚房灶底避，佢地兩個出面打交，我又唔明點解果陣唔離婚唔報警，我地咁細又唔識，淨係記得果下斬左落我碌架床上格度 ， 一直有個刀印 ，係菜刀黎既
我有時諗我係咪都要忍，為左呀媽好，一齊忍，唔出聲，等佢死 。
佢地一日一齊住，我媽就好易比人出氣有危險。
打個比喻，啲人抗爭，明知對手係CLS一樣要發聲 ， 但偏偏有啲港豬係度話要返工要理性要慢慢傾，前題係你個對手跟本就唔肯傾，講經咩！
可以同呀媽坐低傾清楚？直頭講嚴重性佢聽。同埋你都因為咁比佢地影響好深！可以搵社工幫手嗎？
我諗你首先換鎖，唔好再比佢上黎
原因咪借故話「壞左」囉，之後唔再比
我覺得佢行為對小朋友有壞影響，小朋友見到一個咁暴躁既人可能會有樣學樣，潛而默化！
係同區見到咪叫聲「啊爸」囉，冇問題，要講野咪推囉「啊仔要上堂、約左朋友」
大街大行佢發癲仲好，有人證啊！
今次一定要落簿，佢就係睇死你同你媽唔會狠心！你媽，冇得救！
但你仲有個小朋友啊！
如果佢唔改，咁我諗你寧願唔見！
你成年人，見咩人係你決定！佢發癲係佢既事，唔該佢行開啲發！你媽忍佢，係佢既事，種咩因得咩果，越忍越變本加厲！
後加，原來要媽媽幫手湊！咁你都要真係搵個人湊好過！
日日比佢見到公公鬧婆婆，好咩？
8個讚
我被打之後，呀媽都住左排酒店，跟住返返屋企，個廢老又對返佢好 ， 正常返，又send whatsapp 同我講後悔，仲有個社工跟添….
但時間一耐左，佢依然係唔認錯，又變返唯我獨尊，據呀媽講，佢同社工講既口氣都係覺得自己岩，所以我唔明果個社工個作用係咩，似乎只係一個受薪聽佢9up既人
Yo , 我係佢第一次癲既時候已換 ，因為睇cam （我返緊工）我見過佢無啦啦上黎，行間屋一轉，唔出聲坐 ， 啤住我個女，又粒聲唔出走左，好creepy , 純粹上黎劃地盤咁。
有見及此我換左鎖，呀媽仲話，唔好啦佢又會癲 ， 的確，我換左無耐佢又無故上門， 我當日係屋企， 結果開唔到門，瘋狂㩒鐘拍門，呀媽好驚，我話，你驚咩啫，我而家係業主 ， 我話把鎖壞咪換囉，呀媽唔敢講大話……
1個讚
有諗過請姐姐… 但你知依啲時勢，唉 ， 我屋企又唔大…
好似計時炸彈
相信你受左好大壓力
小朋友其實對公公有咩感覺？
你爸爸其實又愛唔愛錫個孫？
係愛錫 - 但有時控制唔到
定其實，
當係一樣「物品」要個孫聽話，belongs to me咁？
認真，你老豆攞刀、嘔打親女，哇，係精神病啊，要睇醫生，你阿媽唔肯面對現實，違疾忌醫唔係辦法。好驚遲早你老豆整鑊杰嘅上頭條
1個讚