媽媽講野、思想永遠將唔好嘅放大， 又成日要做到面面俱圓咁，一直好困擾我嘅情緒。
好多事情上，特別係響我個女嘅日常行為(女今年9歲)， 一日就話佢：呢樣唔岩嗰樣唔岩，其實唔岩在：唔岩婆婆心意。
我有時忍唔住駁佢，叫佢唔需要咁樣睇，又話只係表達自己意見，有咩唔岩咁。
屋企得我一粒女，雖然我已經儘量減少見面， 減少磨擦；但因為小朋友放暑假，又迫住見多左。
其實佢可能只係發蹹風，旁人可能覺得唔駛咁上心。 但作為當事人，每一次遇上呢個情況，而一星期總發生幾次，我就覺得好困擾。
有時真想放個假，唔做女幾日，唔駛接收媽媽呢D 負面情緒。。。。。
明嘅
呢類阿媽好common
好明白你
我都有屋企人都係咁自尊心好強，
你只要反駁佢就會即時發脾氣。
不停鬧番你。
不管她有沒有道理。
我都擔心自己有呢個趨勢，自己唔覺，但屋企人就硬食晒。
我都想學下放下，不執著，但人大了就愈難改。
唉, 我99都係咁, 開口埋口話我小朋友百厭, 蠢。明明唔係真心係咁諗, 就係把口臭。
我都放棄左啦, 自己俾多啲信心小朋友就算, 始終母父俾自己嘅支持先係第一位。如果唔係一齊住日日見就當佢發UP風啦。我自己平時會好似唐僧咁同小朋友講, 嫲嫲講野係咁, 唔洗記住。 
不過我老公就慘啦, 99把口對佢成長做成極大影響, 有時無啦啦都會講起細個佢阿媽有咩話過佢, 令佢過去好冇自信。所以我好明你對住佢有幾煩。
點解呢？
佢約你咪唔見，你可以搵其他嘢做推咗佢，可以直接講個原因唔見佢。睇下佢無得見你哋會唔會改善下
唔會見咁多，費事影響自己同家庭
嗯… 都明嘅
如果屋企人係咁放負能量
都幾影響到
唯有多啲溝通 潛移默化下
明，真心明
少見關係會好啲
有d人係咁
身同感受, 我平時好就我媽, 但最近因為工人姐姐工作表現問題我忍唔住同佢動肝火, 我心好唔好過但可能平時比我媽的負能量影響自己嘅情緒 
我99都係咁既人。同自己講，同情下佢，佢後生捱得慘d所以先悲觀d