我個b而家7個月，其實好少同她出街，樓下無公園，始終驚病毒，但咁樣又好似好影響她身心發展
但她而家又唔識行，同她出街又唔知點咁
所以真心想問，同埋出街又會唔會戴口罩
我經常見人帶bb出街喎，戴面罩帽囉
2個讚
會帶，防疫盡做啦，但小朋友發展更重要
孭帶加防疫帽落樓下行下
其實比bb睇下嘢都開心，就算佢訓咗，聲音嗅覺上甚至空氣嘅感覺屋企都同街度唔同
行咗第一步先，之後再睇情況
1個讚
小朋友2歲
由識爬開始就疫情爆發
一直有出街
bb 半歲左右會用揹帶身貼身咁出街 佢帶防疫帽
大個小小1歲 就推bb車 全程笠住透明雨擋
開始學行時 夜晚冇咁多人同佢樓下行運動場
歲半左右學戴口罩
我自己覺小朋友身心發展好緊要
斷唔會因為疫情一直困住佢
屋企2000呎都好
都唔夠落公園行個圈睇花睇雀仔咁開心
早d俾佢習慣望多d人 對佢同人相處都好有幫助
出街冇問題 防疫措施做好就得
Bb會坐會掂嘅地方抹咗先
餐與餐之間先出去可避免外面食嘢
疫情唔會短時間完結𠺢
真係要學識同佢共存 ～
5個讚
唔好唔出街啦
係出都趁依家冇咩case出多啲
去open air 其實風險好細
我同你一樣，疫情之下，盡量都唔帶BB出街…但bb開始大個，佢七個月大開始，真係要搵機會帶佢出街…
盡量去空曠嘅地方，多新鮮空氣，少人…因為今次疫症，空曠嘅地方係比較少感染…商場、餐廳就唔會俾佢去，最多係經過，唔會停留…
我會約朋友嘅BB一齊玩，就唔會接觸唔熟嘅BB了…
時間上最多限制，真係餐與餐之間先出去…次次出親街都好似倒數灰姑娘…
一返到屋企即刻大人小朋友都沖涼…清潔晒所有出外嘅物品…沖完涼就食飯
2個讚
會帶出街，等佢見多d人同埋接觸下戶外環境
一定會帶膠罩帽，依家10個月會同佢試口罩
不過playgroup我就唔會報住，疫情唔想咁細空間接觸咁多人
我阿女滿月就開始爆
疫情爆得好嚴重嘅時候，就盡量唔去街
而家疫情叫做冇咁嚴重，就會帶阿女落街行吓，有時陪我去飲咖啡，買吓嘢，但就盡量唔比佢周圍摸嘢
佢細少少時就帶防疫帽，歲半開始就戴口罩，如果坐bb車就用透明膠笠
其實真係好多日無本地感染，而且疫情唔知幾時完，但童年就得一次，你諗下，疫情到而家已經年幾，呢段時間對bb 黎講係好長，唔值得因為疫情令bb 發展慢左
1個讚
係呀，自己都會好辛苦。
樓主多啲出去啦，如果家人不支持，自己一個帶小朋友出去。（我以前都係咁，啲家人去邊都唔支持，我於是自己一個帶）
鼓勵你去。
我之前因為老公反對，搞到個囡10個月到18個月期間無乜去街，好多野都倒退左。
我之前去街會朝早去，都避去餐廳食野，但有試過帶包同佢喺公園道開餐
仔仔15個月, 上兩個星期先第一次帶佢出街食飯, 佢勁好奇, 眼仔碌碌望嚟望去…
其實去D空礦嘅地方, 我覺得可以嘅, 出街食飯咪search吓有冇d餐廳闊落d囉
多謝你地回覆，我會帶多d bb出街喇
新手媽媽真係唔講唔知呢個時期都要同bb出街，可惜次次出街bb都訓左
1個讚
而家bb 5個月大，除左去打針，冇出過去，因為覺得bb感染到好大獲，到時佢訓係醫院，我都唔知點算
1個讚
所以我去到BB七個月大，疫情穩定咗，我先帶佢出街…之前每次見到新聞有BB感染，都覺得係父母嘅責任…我好錫我個仔，所以我盡量會保護佢…
而家我個BB一個星期會出五至六次街…真係做足晒所有保護措施，避開晒人流…
我初時帶BB出街嘅時候，佢次次都瞓咗㗎
到你有個穩定嘅時間表，情況就會好啲，就算只係經過公園行吓， BB都會充滿好奇
而家我最常帶佢去我爸爸媽媽屋企，因為我爸爸媽媽防疫意識都非常好，每次去都好安全好放心…
有時我都會邀請朋友上嚟玩，我啲朋友都好好，其實我冇特別要求佢哋，但佢哋每次上嚟都會用酒精紙巾消毒全身，加換件新衫…先同BB玩…
我見班大媽成日帶bb落街，外食，周圍聚會，去唔同人屋企玩，玩到上床都係咁，樓下公園玩到除鞋唔戴口罩四圍走，見過bb自已除口罩咬個口罩表面(大媽同大媽傾計無理)，咁耐以黎一樣無中招 
有時我覺得睇彩數，萬一遇上隻菌就中，遇唔到就無事
其實我真係好驚呢班大媽同BB，每次喺街度見到，都會帶住我BB 9秒9飛奔離開佢哋…
我都係，但眼見佢地咁耐都無中招所以會覺得係咪自已防疫過高？尋日落樓離遠有個大叔無戴口罩，(距離約5步)兜口兜面對正我打乞次，我勁嬲即屌，佢話自已打左針唔會中，仲屌我打針未… 
講到明我係保守派，一出門就戴住口罩，我唔想中招 
1個讚