想問下各位，我父母有bno，97前佢地無幫我申請，現在可否用家庭成員條件方式，申請一齊過英國？因為見大部份文章都係講97後出生先可以。
你父母申請，你可以用受養人身份一齊去，但你唔可以單獨申請
網上好多文章話97前無bno，已用特區護照申請個人bno visa，只係拎唔到bno passport咁解。
無BNO 係申唔到BNO visa, 如果只係本BNO 已過期或遺失，都仍然可申請. 至於樓主,如果可以證明到係高度依賴申請人（即父母）生活的家庭成員，都可以申請，但批唔批就唔知，始終已經係成年人,要有好充分理由去證明
1個讚
亦有人話無bno用特區試左成功批左，不過全部都係網上流傳，真假無人知 
：
網上有人寫：因為97年6月30日前只要係香港出世+ 當時沒有其他國藉。咁97年7月1日就自動變成 BNO身份.
即係(英國人從沒申請過英國護照,佢隨時可以申請返)既邏輯。
即係60幾歲A婆婆喺香港出世,97前從沒申請 BNO. 但佢父母係大陸落嚟都係沒有 BNO. 現在 A 婆婆用特區護照申請 BNO visa 批左(因為 A 婆婆1997年前香港出世+當時沒其他國藉= 有 BNO 資格)。我唔知點解咁多人話一定要父母其中一方有過 BNO 先有 BNO 資格。 好明顯 A 婆婆個老豆老母冇。
順便幫人問埋
我識兩個人分別有以下兩種情況
- 父母生佢嗰陣(1997前)係香港永久居民，佢呀哥喺香港出世有BNO，但唔知咩原因佢阿媽竟然走咗去大陸生佢搞到佢冇BNO，呢種情況有冇得申請？
- 父母生佢嗰陣(1997前)唔係香港永久居民，但係佢係喺97前香港出世
呢兩種人有冇申請既資格？
係網上流傳定真係識人批左？
網上有成功批到既當事人出黎講 
而我身邊全部人都有bno，呢d睇完就算
如果係真，97前出世無人無物無bno可以搏一搏？最多蝕申請費，NHS費用好似話失敗左會退款
1個讚
點定義為 沒有其他國籍? 如果當時申請咗回鄉證呢啲係咪等同定咗"國籍"? thank you
喺香港出世，再加上拎特區護照，本身唔係代表係中國籍咩？
如果唔係中國籍
應該拎唔到回鄉證 ？
以我嘅理解係咁
我都只係網上睇到有當事人成功申請，點定義唔清楚，不過我又相信英國政府睇唔到d人有無申請過回鄉證架？
1997.06.30前邊有特區護照呢樣野？
我原先理解都係，不過網上有唔同人出post都話自已從未申請bno，但又成功用特區護照申請到bno visa，之後好多人又話bno passport 唔等同bno visa。
純粹post黎俾大家參考一下
我講得唔清楚
即係佢本身97前已係中國籍
97後先可以申請到特區護照？
不過我唔清楚有冇例外情況
其實佢係咪主申請人呀？
如果係真就好喇
有個好好朋友80後，佢阿哥家姐都有BNO得佢無，但佢勁想帶仔囡走…會叫佢跌少少錢搏一搏