只係想借個位呻下
依家長期要焗住同奶奶響屋企對足全日
本來有返緊full time 但因為岩岩生左第二個
奶奶自己一個搞唔掂 姐姐又未到
所以我要請假直到姐姐到左上左手為止
其實我生左第一個果陣已經有啲想做ftm
但真係唔想對住呀奶奶
依家無得揀
講下呀老人家有咩優點：
肯煮飯 洗下碗 最低限度咁湊下孫(唔陪玩)
到佢啲缺點：
衛生差 (用手掀垃圾筒蓋/伸手入垃圾筒 (搞到我個小朋友跟住做) /洗完碗成個鋅盆同餐具都係油)
無manner (食飯習習聲/係咁得閒無事就揾條脷了牙再發出撻撻聲)
自以為是(我同我老公講既野佢唔聽 聽wechat聽親戚講 話佢就發脾氣)
情緒勒索 (搬屋要掉野 佢咩都唔俾掉 仲俾說話我地聽 話我地嫌佢古老石山)
坐月相關：
第一胎
佢只會俾薑醋蛋我食
我媽買雞黎先好少少
呀奶奶仲大大聲響我面前對啲親戚響電話話我無奶
第二胎
請左陪月 人地都唔介意幫佢洗返乾淨個鋅盆
佢同我媽講人壞話 話人地要求太高
到我媽黎到幫手一打二 佢見我地搞得掂 發我脾氣 話我俾面色佢睇 :0)
到依家我都keep到黑面 佢見鬧完無用 就扮哂nice
我有試過對返佢好 買野食俾佢 幫佢做返啲家務
但佢一見我唔黑面就開始響後面依依哦哦
話唔係咁做 唔係咁呀 你咁做咪唔好囉
所以我都放棄同佢溝通
我有同先生建議過搬開住
佢只係話 多一個人幫手呀
依家係生活習慣問題 點講佢都唔明
大概呻完喇…多謝你肯睇哂篇長文
8個讚
最怕99係到指指點點，就算99幾好都唔好同99住，更何況係你99咁煩，你老公對住佢阿媽咁多年當然已經慣左，所以唔覺得有問題，最好當然搬出去，希望你早日解脫。
7個讚
唔一齊住就咩事都冇
可能對方都覺得心抱好多唔好習慣
河水不犯井水, 平面偶爾聚下見下風花雪月, 互相尊重就好地地。
3個讚
如果搞得掂，又請左姐姐，都係搬出去啦，不過你老公唔肯搬，都仲可以博一博，姐姐黎左奶奶會鬧姐姐，放過你，同埋你又返返工，可能會好啲
1個讚
係，特別係香港屋又細
佢過咗幾十年都係咁，老咗就更加缺點會加大，再加埋輩份問題
話佢又傷感情，唔話佢又唔順氣
1個讚
同奶奶住真係死穴黎，加上唔係個個老公肯幫手處理婆媳問題。希望你工人快d到可以幫下你手，不過有機會衍生另一個問題就你你奶奶會不斷挑剔個工人，到時你又會有排煩
當年我同奶奶住，佢唔煮飯唔洗磅唔湊b，日日好似一尊佛坐係到，我陪月都話似佢坐月多啲。
好彩我老公會出聲鬧佢，話佢一啲都唔幫手，咁佢都會做下，但之後繼續成尊佛坐喺到煲劇。
好彩疫情前佢頂唔順我老公日日話佢，搬走左，如果唔係一家大細日日wfh 仲要對住尊佛，我應該會癲左
我好幸運遇到個好姐姐，更加突顯我奶奶既廢。不過好多人都想有個老人家睇住姐姐同bb，所以你自己都小心考慮吓
你99都叫有幫下手，我呢個唔幫仲要搞左好多事出嚟同唱我，佢之前仲想搞到我同佢個仔離婚，直到細b嚟左我老公終於醒下出聲，我亦因為咁屈到病左手尾好長，而家新屋裝修緊，希望快快搞掂即走。
我覺得唔係你問題
係佢自以為是
見到你媽幫你湊到兩個知道自己"地位"動搖先識扮nice 示好
你同佢一好番又打回原形做番自己
咁冇品嘅？
你老公係懶唔想獨立定係冇能力搬？
如果有能力不如約佢一齊出去睇吓樓盤俾啲動力佢
同奶奶住，你冇返工真係好易有抑鬱
1個讚
我老公未結婚已經話婚後要同佢媽住
佢叫佢媽搬入黎一齊住架
果陣我見佢媽同仔女關係幾融洽
又有朋友唔會痴住屋企人
就答應左
然後生完第一胎佢媽搬入黎
係咁搶我個b去湊
咩都話我唔識 (醫院姑娘教既都俾佢話唔岩 :0))
果陣我帶bb去健康院 填果份產後抑鬱問卷
姑娘要幫我開file
後尾我返返工先好返close file
依家連續三個月日日響屋企對住佢媽喇
我聽到佢媽把聲都炆
我冇仔女，但奶奶嚟一定開到部電視好大聲，我都已經好忟，平時我電視係開幾度，佢開到廿度，我一定頂唔順同住
呢兩樣我99都中
已經唔係同住但我都覺得好討厭。
食飯冇manner，除咗習習聲同撩牙，仲用筷子撩餸揀餸同將用過嘅筷子long響餸碟，搞到我個女貪得意學埋一份，好在係我老公頂唔順開口「教女」叫埋99唔好咁做。如果由我開口又做衰新抱
