工餘時間幫幫手，請大家唔好介意我覆得慢 
請問2歲既言語程度，係咪2歲唔識講句子就要睇言語治療?
hello你好
以我地做評估既標準，2歲係起碼要講到雙詞組合，即係好似「BB食 // 媽媽抱」呢d咁樣
不過真心…呢個standard係好舊同埋好起碼。。。
因為你知而家，有d 1歲到就要n班interview (我仔仔就係)，所以講野慢d好似好大件事。。
(倒自己米)
2個讚
謝謝。我小朋友仲有2個月追。咁再睇下情況先。
我女兒三歲半，好喜歡講野，講很多野，但有時一輪咀，lur埋一舊，都唔知佢講乜，學校老師都建議教佢慢慢講，不過我教完覺得成效唔大。言語治療教唔教這些？
其實 言語遲緩嘅小朋友，到佢長大會有咩影響
我女四歲半，講嘢有好多懶音，咬字一路都唔正，姑姐一路都係叫do姐，北角變北dog。2歲時都睇過言語治療師既，話2歲仲未睇得出建議仔跟進，之後見距返左學又好似好D，但始終講嘢一輪嘴咁
我個仔都係，7月兩歲，莫講話兩組詞語組合，而家完全唔肯講以前識嘅詞語，係咁講bb話，以前會拉我叫：奶奶，而家跑去放奶樽嘅地方講bb話，但其實都係指奶奶
想問可以點幫佢？試過要佢講到個詞語先俾佢（如包包）但佢發脾氣情願唔食最愛嘅包包
加油呀! 3歲見無咩大進步就快快搵幫手啦!
會教架! 教既方式/內容都都要視乎小朋友因咩而講野講得太快，家長亦可以試下自己都講得慢d，等小朋友慢慢有返個awareness of 正當既語速。
1個讚
我估你係講緊Language delay係咪？
簡單黎講，3歲時係人地講野已經係一句一句，而該位小朋友就可能得單字
如果無好好訓練; catch up唔到，佢整體既語文能力都會低，讀書考試都會難D啦~
所以…有部份既家長會當我地係中。文。補。習。老。師。 
1個讚
如果女女4歲幾仲有呢類形既發音問題，就快快帶佢去睇啦！呢個年紀會train得好快~
唔好等小一 interview / 升小學先教啦。。。一來難in，2來我見過唔少開始俾同學仔笑，好傷心架。。。
小知識：
如果係"恆" /hang/讀做 --> “痕” /han/ 就係我地一般叫既懶音。
但如果 “姑” /gu/ 變做 “do” /du/ 就係發音錯誤啦~ 唔同架 =)
1個讚
我都見過唔小BB會突然退步…原因有好多…有d就係成日換人湊(e.g. 婆婆講客家話, 工人英文, 媽媽廣東話，個個都係main caregiver)/ 又例如大壓力 (每個人既壓力指數同感覺唔同)、仲有好多好多原因~
我既建議係，做多d '旁述"，俾多d好既language input先
例如仔仔玩緊車車，媽媽可以話：仔仔玩車車，好快呀!
唔好講d太複雜既句子呀! 係佢以前講說話能力既高少少就夠。
例如：以前講到"奶奶"；而家媽媽可以input佢講 “飲奶奶” ,甚至乎"奶奶"就夠。
到仔仔2歲半都無單字出，就要搵幫手啦! 
2個讚
謝謝解答
多啲資訊性post可吸引多啲人黎呢到
唔好客氣。。。
都係想大家轉黎呢邊玩姐
兄弟姊妹各自爬山啦
7個讚
樓主係正常/特殊學校定私人機構?
純好奇,haha
行家既話歡迎加入呀~~~ 多d input都好~
我而家轉左做成人/長者服務
小知識，ST (Speech therapist) 係香港通常會接觸既population有
- BB (cleft )做吞嚥
- Pre-school- 做發音/流暢度(=口吃)/Language/口肌等等
- 中小學- 通常做language delay比較多
- Special school - 吞嚥/ 口肌/language 較多
- 成人/長者 - 通常因不同病理 (e.g. 中風/認知障礙/柏金遜症/ 腦創傷等等)而引起既 language/言語(speech) 同吞嚥/口肌問題~
3個讚
我個小朋友 而家兩歲半 佢唔肯食野依家仲一日飲五枝奶
前三四個月 佢都肯食嘢㗎 會食飯 粉 蒸蛋 蕃茄 芝士 然後九月嘅時候返學 食茶點 學校食水果 佢唔肯食 於是老師建議我帶飯 返學校俾佢試吓 餵咗一啖 之後就唔肯食 接着同一個星期 佢就生飛滋 然後到而家就咩都唔肯食
而家呢個階段 我有比BB六個月大飲嗰啲果汁俾佢 佢開始嘗試飲 但係當我擺餅碎落去 佢就即刻含着口水 點樣都唔肯吞
我想問關唔關咀嚼既問題？需唔需要睇言語治療？
因為太少information… 例如生活習慣咁…有d難話有邊種問題。。。
請問佢擦牙既時候會唔會好抗拒？因為有部份小朋友係有過敏(hypersensitive)而怕食物既"口感"
另外，其實口肌訓練好似做運動咁，做下無壞，可以上youtube search 下
“child oral motor exercise” 做下簡單既~
1個讚
如果3歲既小朋友, suppose要去到咩程度叫正常 ?
我個仔會識講:媽咪間房無開電視…咁算唔算正常 ?
因為佢兩歲幾時仲係好多單字, 有去做過評估話delay 半年至一年
後黎因為2歲半會返pn, 所以我就無同佢去上course
返左pn睇到情況改善好多, 多左好多句子, 所以想請問佢而家3歲講到咁樣算唔算正常?