以前一直對公院有偏見因為聽過太多負面評語，但這一次我卻對公院尤其是QE有無限的感激!!
我上個禮拜在QE生咗BB，在產房痛咗13小時中途要求打無痛 麻醉師立即趕過黎好細心好專業救我，因為開了十指但bb個頭未落，分娩中途仲發高燒護士好緊張冰敷我比冰塊我含住，醫生 助產師 護士們都好緊張我，我好感激有十分專業的生產team當機立斷決定用另一分娩姿勢一路不斷為我加油安慰我鼓勵我，醫生用產鉗幫我取BB出黎…
由我初懷孕去QE就有一班護士協助我，到我派比黃淑芳助產師(細心 專業 有愛心 溫柔) 在整個懷孕過程都溫柔細心解答我所有問題…我生咗第二日黃助產師早上就派助手過黎產後房探望我跟住自己都親自過黎恭喜我仲傾咗半小時！(感動到真係好想喊啊)
在產後房的每一日，成team人黎我床位探我 (麻醉師代表慰問我，產房護士們黎睇我情況，接生醫生親自黎幫我check咗幾次傷口，仲有好多醫護……)
因為我分娩中途發高燒，bb就要送去初生嬰兒科觀察接受抗生素療程，兒科裡面的姑娘好專業好細心照顧我bb 裡面的儀器好新淨好先進，我見證到兒科team的流程 每個bb都有專屬醫生和護士team照顧 父母仲可以約見醫生問情況，兒科姑娘會每一次見到我報告bb情況，中間有不同兒科姑娘，人奶姑娘打電話給我，約見我教我如何餵人奶掃風 逢問必答仲好有耐心！
我整個過程除咗內心十分感激QE每一位，其實都唔知點表達自己內心感受…出院去咗繳費 HK$435 !!!
