個老豆點解叫小朋友唔做功課？！因為佢懶得對功課？
幼稚園功課唔會太難呀。
因為呢個爸爸覺得佢做功課「好辛苦」
其實都係好簡單，而且個個都係咁做！
但我認為如果係覺得啊女「辛苦」就一早唔應該入呢間學校，因為學校出名有功課！
其實D家長又係好痴線，人地一開始講左會少功課但投訴少功課，所以香港個教育制度咁差都唔多唔少有一班痴線家長助攻
過來人經驗，其實如果小朋友本身性格較反叛難教，真係唔好比小朋友讀太free 既學校，易放難收係真既，好容易變得越來越唔識唔守秩序、乜都係me first .
1個讚
我自己見過嘅蒙特課室，裡面絕大部分時間都係好安靜，小朋友專注工作，有禮貌有手尾。但因為永遠都係自選工作，返返去傳統模式可能真係會難啲適應….
仲搵緊 happy 卷幼？如果港島可以睇吓救恩同靈糧堂
thx。我係沙田區呀，不過我都有target靈糧堂，但靈糧超搶手，爭崩頭
我囡喺石門上 montessori playgroup 㗎～
間學校叫 rainbow tree，已經無返個幾月佢仲係成日話要去 rainbow tree🥲
haha。。。又會咁岩既，我仔都係上rainbow tree，係有一位曾經讀過既媽媽介紹，我就係同你睇法一樣，「裡面絕大部分時間都係好安靜，小朋友專注工作，有禮貌有手尾」覺得好神奇，但我前後介紹左2個媽媽去上，果2個媽媽都話嫲嫲地 
只要唔係一條龍學校，就會有問題。個個家長都想 happy school 又升 Band 1 學校，邊有咁著數嘅事？happy 完頭幾年，到呈分升中先發現原來要考頭 20% 先可以入到 Band 1，甚至原來要頭 5 名先得，又會賴學校教得淺又太少功課學唔到野。入左去啲谷讀書嘅學校，又話驚辛苦驚啲同學太勁令到自己排名低入唔到 Band 1 嗰條隊。好矛盾嘅心理。
家長應該一早認清自己教育方針同期望。如果對升咩 banding 嘅學校有所謂，一開始就唔好揀啲 happy school，贊搞到升中嗰陣自己辛苦。如果係想一直本地讀到大學畢業，就唔好入啲「國際化學校，多國籍，所有科目用英文授課」，嗰啲到時候讀 DSE 考中文又係贊小朋友辛苦。如果好肯定小朋友四年級前一定移民出國留學，子子孫孫都唔會再考慮返香港，咁就盡量揀返啲外國課程嘅學校，本地學校對分數成績容易緊張，本來唔緊張都被其他家長老師搞到自己緊張。如果係肯定到小朋友一直會讀國際學校 12 年唔會出返去本地學校，咁就要學會放手唔好加補習，由佢跌跌碰碰自己慢慢學識，不要急見成果。
都明嘅，講容易實行難，但真係要知道自己想點，仔女適合啲咩。勉強錯配難幸福。
1個讚
咁樣嘅學習模式真係好唔係香港家長嘅 cup of tea，所以其實唔使太擔心入唔到熱門 happy school…係就係好多人報讀，但當啲家長手上有其他比較注重學術嘅學校 offer，大部分都係唔會過到「咁 happy 上到小學咪會追得好辛苦囉」呢個心理關口，最後都係會放返好多位出嚟
1個讚
比家長參觀見到既個1%時間，一定係最美好既一面，而其他99%時間，自己諗……
我又覺得傳統嘅填鴨式教育又唔係好辛苦，最令小朋友/青少年辛苦嘅，其實係父母嘅期望，可以壓得死人…
不過今時唔同往日，要佢學人地中國國情，唱人地中國國歌，仲要無得揀做定唔做，我就覺得好難頂
我囡返嗰間 playgroup 家長係可以坐喺教室裡面觀課(坐埋一邊，不介入)，直至覺得小朋友 ready 先分離。同埋我諗啲小朋友咁細個唔會識配合老師去做戲掛
另外我哋都試堂、觀課過幾間蒙特 playgroup (bc@tst, little montessorian@上環, etc.) 大致都係類似氣氛。
利申唔係 montessori 打手，我覺得揀 playgroup 最緊要係老師肯唔肯俾意見教我去點同小朋友溝通相處，解答我教養上嘅疑難，確實我遇過嘅 montessori 老師係會比較肯花時間耐性去傾
其實都唔知算唔算,由出世到入小學前,讓孩子多啲自由自在玩耍,孩子做嘅野沒危險性都任由佢做唔好阻止,父母從中也可以於玩耍中教育孩子,小學期間也不會阻止玩耍時間(當然都會做好學校的事情),這我覺得已經算是其中一種,因為我覺得咩方式都好,家長能做到孩子從小真心喜歡學習,這就已經係最好嘅路~~~~~
其實可以做到咁已經好好，不過大前提係，要搵到間真係happy school既小學至得，如果間學校多功課/測驗/考試，真係好難做到有適當既玩耍時間，仲記得想當年推小學由半日班轉做全日班既原意就係，小朋友下午可以做埋功課先返屋企，有唔明都可以即場問老師，本來個concept係幾好，但都唔知點解而家變左做下午都係課堂，然後D功課就迫埋晒返屋企做，攪到D小朋友成日夜媽媽先訓得
唉～唱國歌都唔覺得大問題，最怕係扭曲小朋友既價值觀，錯既野都話岩，不過呢D野真係除非你讀IS，如果唔係，真係無可避免，只好花更多時間留意下小朋友學左D咩再自己教導下
我就覺得教育太偏向名校方向,所以好多家長要求自然多咗,學校又為了生存應付這些家長,自然做了你所講後面嘅野. 我覺得大人同小孩所指嘅happy school有啲唔同,孩子讀得開心,多功課/測驗/考試唔係問題(我女兒就是這樣情況下學習),就因為孩子少了玩耍的時間,連在家及假期時間,大部份都做學習事情,玩嘅時間少之又少,家長又因為工作少陪伴孩子,試問孩子點會開心學習,唔開心又點會學得好?補習出來效果好似係好,但就衹有臨時性,好多都全無基礎可言. 除非中學也做到全部一視同仁,冇分比此,讀既野都係一樣,衹係睇老師教授嘅能力,咁樣比較容易改善到小學情況如你所講嘅做法.
想請問唱聖詩又如何? 孩子讀得好唔好唔關呢啲事,唔好講到讀IS就萬能就唔會有錯. 但最後講花多D時間陪小朋友就正確,教孩子程序"生養教陪","陪"是好多要自由嘅人最難做到嘅事.