1, 就算對方幾仆街, 自己都唔可以跟佢做仆街事, 每件事都要做到最好, 到有一日要走, 都無痛腳俾人捉住, 無藉口俾人怪責, 對得住天地良心, 走都走得瀟洒。
2, 如果對朋友都可以事事包容, 對身邊人就應該更加包容, 否則身邊人會覺得自己地位唔及你嘅朋友。
3, 對方唔係你肚裏面條蟲, 唔好做港女/港男要人估你諗緊d 咩唔開心d 咩, 更加唔可以怪對方估唔到你諗咩, 你自己都做唔到啦。
4, 事事將心比己, 想像同一件事發生喺自己身上會唔會唔開心, 先至決定做唔做嗰件事/講唔講嗰句說話/用唔用嗰種語氣。
5, 成年人, 唔好發完脾氣然後道歉, 應該係發脾氣前先控制自己情緒。
仲有好多, 個腦load到再寫…
好同意唔好寬己嚴人，對人地就要求好高唔識體諒
呢個應該apply於任何人
同埋唔好覺得自己付出咗，對方一定會做返一樣 (無希望就無失望)
真嘢唔好攞出嚟講 
呢句格言跟咗我1X年
性格改變命運
到今時今日我都會用黎提醒自己
講多錯多… 真係人生教訓
己所不欲 勿施於人
害人之心不可有 防人之心不可無
凡事去得太盡 緣份勢必早盡
先天決定你的杯有多大
後天決定你的杯有多滿
要識得欣賞其他人
就算果個人有幾咁多缺點同唔好嘅地方
都仲會有好ge
同唔好吝嗇去讚人～
工作上每日都要完成一件事，大大小小都好
1.發生咗嘅事唔好後悔，未發生嘅事唔好令自己後悔。
2.每個人一生出來就係獨立嘅個體，有獨立嘅決定權利，即使佢係你嘅未成年子女，甚至嬰兒。
3.識得心跳🫀呼吸🫁可以食屙瞓，已經好幸福。
4.錢係搵唔晒嘅，諗清楚咩先係最重要。（唔好為咗搵錢/慳錢而犧牲一啲更加重要嘅嘢）
5.買嘢之前：Need or want?
6.每一刻都係向緊進步嘅方向行(e.g.讀書，考牌，挑戰自己等等)，可以慢慢行，但一定要行啱方向，行嘅過程平常心欣賞沿途風景人和事～
好鍾意呢句
我都係最近先發現，原來男男女女都會有呢個毛病
我以往成日估人諗乜，最近努力改善緊。。
思而後行
我都寫返一句先
希望呢個post可以有多啲人繼續分享
明白自己位置
唔好變成自己曾經討厭既人
毋忘初心
(一直堅持緊既人加油
)
無論如何、都要經濟獨立、思想獨立
同意
我都唔記得咗依個post, 抱歉…
除非人哋問我攞意見，否則不評論他人的事
寧可人負我，不可我負人
過到人過到自己就算，其他人講乜，一律當發嗡風
順景嘅時候唔好太得戚，如果唔係逆境嘅時候就個個暗住半邊咀笑。