好似話9成bb 打完1歲針都會發燒?
朋友話打針前連續5日俾佢個仔飲竹蔗茅根, 打完針冇發過燒。
大家又有冇預備啲咩呢?
我小朋友細個無飲呢啲嘢。不過可以買定Bb退燒藥（必x痛出品）如果三個月內睇過醫生有退燒藥剩都可以用
而家嘅健康院有比㗎！可以唔使買定
我嗰時係盡量拖延大啲先打，好似係14-15m 先打，不過我都知呢個做法好controversial 
1個讚
大仔果時有煲竹蔗水，打完有燒，細女咩都冇煲，打完都係會燒
不過煲吓又冇壞嘅。
街市姐姐話咁細唔好落茅根，太涼喎…
反而我會留意返衣著方便打針換片。
煲竹蔗馬蹄紅蘿蔔(茅根skip)令佢狂飲水
可以降低發燒可能性/嚴重程度, 我個仔前前後後飲足幾日, 淨係發過低燒
1個讚
我個女次次打親都會燒，6個月後俾左竹蔗馬蹄紅蘿蔔水佢飲幾日之後就好左少少。 黎緊打一歲都會俾佢飲。
比多啲水佢飲，唔肯飲既話bb果汁都可以！
準備定啲退熱貼個啲野，make sure溫度計有電！
留意下針口位有冇紅腫
1個讚
我女打針前有飲竹蔗水，無落矛根怕太涼。1歲無燒，打歲半就有燒
收到唔該哂各位意見