屋企浴室漏水，要裝修，想問物料如磁磚，潔具，你地會香港買還是淘寶?我上網見好貴的磁磚都係中國制，淘寶平好多，係咪一樣？如用外國貨價格如何？救教。
搵埋裝修師傅去旺角睇，好多馬來西亞磚已經好靚，比大國磚好。廁所用有限，唔會貴太多。歐洲磚可以數至10倍價錢。五金件一定用歐洲貨，唔係頂級或者舊啲款唔會太貴，比大國嘢穩陣同耐用多。睇唔到嗰啲都緊要，英國/澳州銅喉/錫肯定唔會加鉛，用得放心。
5個讚
潔具可以去德馬睇下，都會平過香港買。但當然要睇下你買幾多，買得少計埋運費可能唔係平好多
1個讚
義大利磚60x60cm ,觀塘黃店先係賣緊@一百中，你淨係做廁所，全部義大利磚都唔貴得幾多？！
洗手盤，就睇你點諗，我個v&b洗手盤，係英國運返尼，都係$2千左右。
水龍頭一定上歐美網買，我用緊hansgrohe talis floor standing 德製座地龍頭，香港賣$14k+, 係美國特價，唔洗us$400, metris枱面龍頭先係us$130.
Ps. 美版枱面龍頭條軟喉唔同香港標準，要加轉換頭
1個讚
多謝大家的資料，希望可好買到平靚嘢。
咁啱，我近期都揾緊，有D要成間屋裝修先做。
有D就話暑假好旺，9月做好D，同埋整個廁所拆要預一個月工時，因要做柜。
你哋有無同樣情況？
我要換水喉，漏水( 好彩水喉行假天花)，要預一個月多少少。師傅要九月先有期。以前揾過佢，肯做無問題。但係要搬走一個月，唔可以分兩個廁所做。
成個月都幾麻煩，我只係浴缸出水喉漏水，想轉企缸。
如只做企缸，天花及地台，一星期都OK了。但價錢和整個拆只係多少少錢。
