老公早幾個月開始玩，一返到屋企就打，成日機不離手，依家有時打到叫開枱食飯都唔係好理
平時間唔時會check佢電話，whatsapp ,line無咩特別
上星期襯佢沖涼時昅佢掛機中既group chat，發現佢叫人老婆
之後再睇佢既私聊時，佢有同呢個女人私聊，個女人似香港人口吻，係入面佢叫人老婆早晨
試過同佢傾扮野講開網公網婆時，同佢表明左唔接受佢叫第個女人做老婆，問佢如果我叫人老公點，佢自己都唔接受，但佢依家仲係甘叫人，我心好唔舒服，已經比佢打機費事好似管到好嚴甘，但佢就好似係到溝女
你都打埋一份，憑咩我要開飯佢就喺度打機？
食得飯先叫我唔該
6個讚
打機為名，溝女為實
精神出軌ed
你話應該點？
4個讚
咁呢個問題就唔係打機問題，係佢本人問題喎，就算佢唔再打，都可以其他地方叫其他人老婆= =
4個讚
咁姐係唔係打機問題，
係聊人傾計問題
3個讚
如果佢打機，你唔理佢自己食飯，唔叫佢。
等佢自己食自己。 
1個讚
呢個問題唔關打唔打online game事喎，似係預備出軌，就算之後唔打機，都已經有哂個對象嘅contact…
1個讚
不過佢老婆有可能係一個地中海大叔
5個讚
多謝各位回覆，今日同老公傾呢個問題，或者我無打開online game唔明點解佢地可以叫個唔識既人做老公老婆，老公就講返佢唔係溝女，明白我做咩甘唔開心，承認自己掛住打機忽略左我，自己提出唔再打
2個讚
網上傾計, 就是多幻想
係，係個虛擬世界內幻想
我諗起我以前打機都有網公…但虛擬同現實實在差太遠
打online game冇咁快戒得甩，希望你老公打少d啦
咁都好呀。
我想講我真係識人打機打到變網戀
仲飛左當時男友
去北京搵果個網戀男友
結左婚搬埋過去最後離婚收場
我估佢地又係咁樣叫老公老婆開始
我無打過online game 呀, 所以唔明點解要叫個唔識既人做老婆 
r晒頭
佢呢2日打少左好多啦, 昅過佢地傾計既野, 真係無叫老公老婆, 改左叫名
3個讚
好野，大團圓結局
1個讚
其實我都打開機
唔會打機就會叫人老婆
無呢個文化的-.-
佢個時有講話個game有結婚系統, d人都係甘樣叫, 我上網睇過有d人都會甘叫,
不過我真係未玩過又或者我易呷醋所以有甘大反應
你她乖, 唔會亂甘叫人老婆
我覺得老公老浪呢d名稱唔可以亂甘叫
打機其實係一種在另一個空間搵成功感，和快感嘅行為。又或者現實生活有好多唔想接觸嘅人，可能其中一個係你，所以一返屋企就打機。
你要佢由虛擬世界返來，唯一可以做係你令佢覺得現實生活，人和事更好玩更有成功感。
非正式統計，熱戀中嘅男人係好少打機。
2個讚
要好好研究下熱戀期可以保持幾耐
結左婚一年多d，依家佢放工攰到hihi都要打副本，放假除左食飯就係打機，熱戀期已過
我老公無叫人老婆，佢用個個都係女角色 
所以你老公個網婆都可能係男人黎