今晚個仔斷斷續續喊左成晚，我要陪足佢成晚， 見到老公訓到鼻寒聲都出埋， 真係覺得好唔公平。
另一邊，我又知道俾佢攪會攪唔掂，佢會對住小朋友脾氣， 但見到佢咁舒服，真係覺得佢好乞人憎
3個讚
但你仔感情應該同你親些喎，賺咗
換個心態諗
開心仔仔信任你，你陪佢，佢先有安全感
老公返工辛苦，比佢休息下
希望你呻出嚟舒服d
加油
3個讚
老公早幾日整親阿女，個女成晚醒，我成晚瞓唔到，佢又係瞓到隻豬咁。
完全明白，同我老公一樣，比佢搞，就會整到家嘈屋閉，結果小朋友又係喊住嚟搵我求救，仲煩。
1個讚
我都要返工，所以心理更唔平衡
點解佢休息係佢priority, 而我的休息就唔重要？
2個讚
唔好咁諗啦，你攰喇
你都可以休息，你都可以自私
但你唔會！
因為仔仔唔需要其他人，只係需要你
有你既安慰重要過其他人（包括你老公
）
係你先令仔仔安心
唔知點解仔仔會幾日唔開心呢？
一齊睇下故事書會唔會好啲？
一齊作啲bed time story?
或者同仔仔分享下你工作上既辛苦？
希望佢有日可以體諒你
1個讚
因為你係媽媽囉
有媽的孩子像個寶呀！
睇下母親節同父親節幾大落差！
1個讚
有咩比一個扭計唔訓覺嘅bb 更慘呢？
就係當bb 扭計唔訓覺嘅時候，同一空間入面嘅爸爸訓到勁冧咁
加油呀，bb 訓得唔好嘅日子好快就會過去，唔會永遠都係咁ga
有時男人未必係特登唔幫手，只係佢哋大部分都係踢一踢先郁一郁，自動自覺係無可能。佢見你都搞掂到，自己又冇幫助（甚至有可能越幫越忙），所以寧願訓覺。我覺得可以嘗試同老公講下想一齊氹，有人陪下爭好遠。
1個讚
我諗十個老公９個都同樓主個老公一樣，地球爆炸都可以瞓到成隻豬咁。
2個讚
懷疑宇宙毀滅都係繼續瞓
1個讚
我都有同感。
我個囡只係兩歲半已經分到我用心對佢，佢開始唔show 老豆
我記得之前睇過一張圖關於爸爸湊仔，類似：
是我能解決的問題嗎？》是》是否很麻煩》是》找媽媽
是我能解決的問題嗎？》不是》找媽媽
總之最後都係搵媽媽 
1個讚
我好明白。其實除咗夜晚，假期時bb朝早6點半起身都係我陪佢玩，老公依然繼續扯鼻寒，瞓到自然醒。我都會覺得唔公平，但當bb痴自己時就會覺得好公平。
真係唔好意思，但請大家唔好下下一句「男人/老公就係咁」之類既說話，有d唔公平，唔通我老婆訓緊，我湊緊時又咁諗？真係唔好一竹篙打沉一船人……
我又唔會咁諗
個小朋友係我肚入面出嚟就好似我忽肉咁樣，所以事無大小我都比老公上心同緊張
你哋不如叫老公去處理下鼻鼾問題,我本身有睡眠窒息症之前睡覺睡不好會扯鼻鼾,但帶呼吸機後每日睡5小時就等於之前睡八九小時,中午不需午睡直撐到晚上
係，我都會咁。
呢個落差與生俱來，男人無陀過無生過，除左知有份外佢係無法感受到。調轉睇，點解仔女會痴媽媽掛心咁多，因為佢地好清楚媽媽既愛係比任何人更無盡，同樣地爸爸都會少d。
好多爸爸覺得自己角色就係「養家」，只要物質上有貢獻咁就係對頭家好。媽媽陀 BB，食乜做乜都係一體化，所以對仔女起居飲食各項細緻野都會著緊啲。
所以媽媽鬧仔女鬧到成棟大廈都知發生乜事，仔女都會仍然乜都會「媽咪～～～～」日日叫。
下面應該係好多家庭嘅寫照：
唔見野》媽咪
唔識做功課》媽咪
簽回條通告》媽咪
唔舒服》媽咪
整污糟地方要人善後》媽咪
肚餓》媽咪
細佬妹阻住曬》媽咪
買新玩具》爹哋
陪玩》爹哋
說服媽咪》爹哋
闖禍要搵人擋一擋殺氣》爹哋
3個讚