第2胎懷孕，私家產檢係11週5既時候超聲波度到頸皮厚度超過6mm(超過3mm已經係唐氏高風險），抽血驗T21,結果驗到第18條染色體多出1條，係愛德華氏症，同陳x宇老婆最近果胎一樣。
由原本好期待有多一位家庭新成員，到變左成日諗點解係我？我33歲第2胎唔係高齡，老公大我一歲，大家都無家族遺傳病史，彼此都生活習慣良好飲食健康無任何不良習慣，身體都幾好，我上網研究過愛德華氏症通常係偶發性，機率比唐氏低，大約介乎1／5000 至1／8000。 85％無辦法存活到出世，出左世都9成會係1歲前夭折。（因為身體器官機能有嚴重缺陷）
而家等緊公院個期見醫生做多d checking 同consultation, 其實我好明白超聲波同t21個結果互相吻合 再驗意思唔大，最後都係等做引產，而家仲係每日陀住佢，其實都好大心理壓力，同老公亦有共識唔講比老爺奶奶知，驚一陣d老人家唔明又亂講野，一陣爆左句咩唔岩聽既說話出黎，例如話係咪因為你平時偏食呀之類，咁真係會反面，咁不如直接唔比佢地知我有左。
其實有時我真係唔明，8000分之1，但點解好似咁易有咁，上一刻明星老婆中左，下一刻就到我，到底係我自己唔好彩，定世界變左人體都唔同左，我曾經仲有諗到底關唔關bingo前我老公打過一針復必泰事。但我哩世都唔會證實到。
有無人可以分享下意見
5個讚
我不是過來人。聽到這些，這時刻最辛苦嘅係你及丈夫吧。BB只係帶唔齊野，抱抱！
1個讚
我都小產過，好明白你。
睇到你個topic就諗起當時睇符曉微段片，睇一次喊一次
希望你都快d振作
1個讚
加油樓主 我19年頭都中過比較罕見嘅情況bb無咗
而且一年內唔可以再懷孕住
希望你同老公一齊勇敢面對
今次bb未執齊嘢姐
養好身子先再等bb返嚟
我囡都返咗嚟搵我啦 
6個讚
我之前第二個仔仔，都係十一，二週度check到，染色體微重複，之後等到16週私家抽胎水確定，到18週幾喺政府照初期結構見到佢結構正常，只係染色體重複。但我哋兩夫婦都知道我的家庭同大嘅小朋友承受唔到呢個未知對智力影響有幾大嘅細佬。同時上網入外國一樣有呢個味重複嘅群組，見到佢哋啲小朋友同家庭就要承受好大嘅壓力不停出出入入醫院。所以最終痛下決定20週度引產。所有野整定既，係要比我地經歷過一些，才會得到一些。你就會更加珍惜同成長。 佢而家返咗嚟啦。 你要加油呀，身心痛過後，要好好休養。坐好少月再接再厲。
4個讚
唔好怪自己啦，絕對唔關你或者老公事
而且你哋已經有一個健康嘅BB
通常x產後幾個月好容易再有，準備定坐小月休息吓吧
1個讚
mrs.A
10
樓主，big hug for you ，你自己、老公都要好好保重。
我係過來人，本身高高齡已經42 歲，之前2 次失胎（1 胎小產、1 胎20 周引產）。
但最近生咗個仔仔
希望你養好身子再出發
5個讚
其實我都相信佢一定會番黎搵我，我一定會養好身體做好準備迎接佢，等佢再番黎我要抱住佢話比佢知媽咪等左佢好耐，我會用我全部生命去愛佢
1個讚
其實我明白你，因為我同你諗法一樣，我既家庭包括我大女都承擔唔起有嚴重身體機能缺陷既家庭新成員，尤其是當我知道愛德華氏症既可怕係就算出左世都機乎存活唔到，想象唔到到底佢要承受幾多病痛折磨
只要我一諗到就心如刀割
恭喜你呀，你既bb佢番左黎搵你
我希望我個bb都要番黎搵番我做媽咪，係我等到佢之前我每日都會諗起佢，希望佢唔好盪失路一定要番黎
1個讚
mrs.A
14
如果你想得開，記住： 放手，都係愛嘅表現！
我引產後幫寶寶搵左個佛堂，幫佢買位念經渡向，我同寶寶講，爸爸媽媽會養好身子、裝備自己等佢返嚟，但「如果有一個比我更適合嘅人做佢媽媽」記得要爭取喔！
媽媽會祝福一切
我上年6 月跟老公一齊返歐洲定居，走之前再去同寶寶講，媽媽永遠愛佢，如果寶寶願意，適當時候就過去搵我哋。
好巧合，寶寶佛堂位上年9 月到期，同月我就LMP、10 月confirm bingo
上個月尾出世啦，同寶寶引產日期相差幾日
所以你首先要養好自己身子喔
5個讚
我都算叫做係過來人，不過我係ivf媽媽，我拎去做PGS嘅6粒蛋入面都有2粒中咗T18，而且其中有一粒仲要中埋T21！（唔係世界變左亦都唔係人體唔同左，唔好怪自己！只係基因排序出錯咗。年紀越大基因排序嘅出錯率會越來越高！）
唔好諗咁多，養好身子再嚟過，加油！
3個讚
唔好迷信啲乜野, 唔好覺得唔好彩。 一切都係科學, 係基因排序錯的機率, 你無做錯任何野, 希望你可以盡快平復, 身體健康。
1個讚
