多謝你理解
有時真係想帶2個小朋友去下街架咋
講緊搭2個站去另一個商場行下, 佢都唔肯郁 
其實呢一句係致命, 呢個可以好大好大問題, 唔溝通, 自己岩晒, 點走落去。
有時候只係求其望下d group message，但都會呢類爸爸s 好難頂
我寧願我老公唔參與（只合作）好過呢類過度involved爸爸
EXACTLY! 見到個 MSG 個下真係沉左落去
完全無討論空間
我唔係想水佢, 我對佢個 DECISION 係 OPEN 既, 我只係同佢講我自己諗法啫
但佢一句劈落來真係好難受
其實我覺得如果資料搵齊比佢, 佢都一樣會咁樣研究
只係佢唔會去搵, 而我搵到咩資料都好, 一同佢討論就要比佢彈一輪
不過佢成日覺得小朋友係外國讀書, 係邊度讀都一樣
反正都係玩多
我有問過佢移民之後, 都要幫小朋友搵學校, 問過佢有無D咩要準備
佢話一定有學校收, 唔駛考, 唔駛 IN, 乜都唔駛準備喎
可能慣左香港個套, 如果乜都唔準備, 好似無乜安全感啫
我諗對疫情既分歧真係要慢慢夾。
例如我老公對安全都係較緊張，所以早期疫情也有較多要求。而我奶奶是超級緊張大師，所以疫情而來是沒有約過朋友，也幾乎沒有出街吃飯。所以如果我囡不用返學，可能也由朝到晚在家。
可以多從小朋友身心發展健康，表示去不同地方既活動既好處，童年回憶，依家疫情既情況。先多安排戶外活動，感染機會較微既活動先。等老公感受到帶小朋友出街既樂趣，見到小朋友唔同既表情，事後多d同老公小朋友回憶，小朋友識得表達想出街，就唔係你一相情願。
我都試過先斬後奏，或者偷偷帶小朋友玩，不過有起事上黎或者有懷疑個案真係煩同驚。
至於男方親戚就真係不要多事，做多無人讚賞。
如果平日婆婆湊，可唔可以安排婆婆帶上playgroup？
多謝你既安慰呀…
佢都係個D可以一日到黑留係屋企既人
我試過搵公公一齊幫我帶小朋友出去, 無事無幹返來都比佢哦一輪話我唔同佢商量
同小朋友出街, 小朋友好開心, 返到來 UM 訓覺個陣, 兩個都記得同佢地去過邊, 玩左D咩, 問佢再去唔去, 佢地話想同爸爸媽咪再去
我希望佢肯同小朋友出多D去
我報左 WEEKEND 既 PLAYGROUP, 都係我地2公婆帶佢地去上既
原本諗過報 WEEKDAYS 既 PLAYGROUP, 佢就話都移民, 唔好搞咁多野
而家可以報一個上住先, 我都已經接受左
真心多謝咁多位靚媽安慰同意見
我係呢度講完已經舒服好多
同時亦都有好多提醒, 真心感激!!!
你先生係要話事嘅人唔想比人安排，佢會覺得你安排影響到佢，佢都幾似我老公
同佢地溝通要避重就輕，有啲野自己已經有答案我都要扮嘢問下佢，等佢感覺我有問吓佢意見先！你叫佢自己好好安排下小朋友嘅日常Schedule，你話佢地上堂咪當自己可以休息一下羅，去學野冇壞架！見親戚可能佢驚聚會感染，呢樣都明白嘅，始終小朋友細個，我諗佢要到你地真係搞移民嘅時候佢先會去探佢哋，一係你搵人陪你去親戚度，吾使麻煩佢甘得唔得
拍緊拖個陣其實都知佢唔鍾意人安排好哂先同佢講
所以我乜都會問佢意見
咁我同佢始終兩個個體卦, 有意見唔一樣, 咁我嘗試去解釋返我觀點
未有小朋友都還好, 都磨合到, 但而家就好似好難咁
希望只係過渡啦
有冇試過唔好去說服/改變/解釋俾佢聽？
用其他方法令佢感受到件事另一邊的好處
例如你話佢可以成日喺屋企唔郁，咁小朋友成日困喺屋企又真係無咩益處，帶佢出街前問問佢一唔一齊去，佢唔去就由佢，再俾啲小朋友玩到勁開心的相佢睇，都唔需要事後講返啲說話去令佢覺得你好啲/佢差啲
你兩個雖然係獨立個體，但對小朋友嚟講，父母係一個單位
你個case嚟講，就算我幾認同自己家人湊法，都千祈唔好俾另一半覺得被杯葛在外。我會希望我另一半都一樣，無論我做得好定唔好，唔係用其他人嚟撻我大我，將我比下去，而係兩公婆係一齊為小朋友努力同改善
慢慢來啦，大家都係為咗小朋友好
兩公婆同一陣線, 我都好想做得到
可能佢心入面有刺, 覺得我一定係偏幫, 所以可能真係覺得被杯葛
係得我同佢兩個既時候, 我試過由得佢話我媽, 唔去解釋
我不斷講我明佢諗法, 但我心入面都會替我媽不值, 因為佢真係曲解左我媽係想同佢對著幹
我練到個壓力波爛咁濟
我講一個例子, 某日同小朋友食飯
佢明明識用餐具, 但佢係都要用手食, 仲要係枱執來食
我媽就唔想佢學識係邊度都係枱執野來食, 所以想佢用返餐具
我老公就覺得佢肯食就得, 仲特登將碗入面既野倒係枱等佢執來食
我老公想佢食, 我媽就唔想佢學壞手勢
兩邊其實都啱架, 但我老公就係度自己發脾氣
點解釋都覺得佢無錯, 確實佢無錯, 我都係想佢了解下我媽出發點, 唔好諗埋一邊
佢就話佢點教唔駛人指手劃腳
一開頭既時候, 我有講過話自己請姐姐或者報育嬰園, 佢就唔鍾意多個人係屋企, 又信唔過外人, 所以先叫我媽幫手
如果唔係佢幫手, 我兩公婆一定要有一個要 QUIT 工, 仲要一打二
但好似之前有位靚媽話齋, 無得輪打贏要, 無得淨係要佢幫手, 然後又要去 JUDGE 佢教得唔好 (其實我唔覺得佢教得唔好, 只係大家想教既野唔一樣)
SORRY, 越打越長
但多謝你既意見呀
或者要再調整下自己既心態同解釋既方法
等自己抒發到之餘, 而佢又接受到
1個讚
睇你回覆真係感受到你夾喺佢哋中間會有幾大壓力
就咁睇用餐具同用手食嗰件事，似乎佢唔願意再理性去處理同外母照顧小朋友之間的分歧
但小朋友係由你媽咪湊，唯有盡可能減低佢哋相處機會
你唔開心就上嚟呻呻，屈得太多對自己都唔好
希望你老公遲啲有一日會多啲諒解你
特登倒落枱真接受唔到，邊個咁做我都會即場爆佢。
喱世真係太hurt
有意見還有意見
你有意見時大家都可以有意見
但喱句完全係話題終結
已經唔係上唔上play group嘅問題
感覺上好唔被尊重
我覺得你需要表達你嘅難受
1，2句說話可以影響得好深遠
不過只能好軟性咁講 慢慢嚟
加油 抱抱
另外
既然咩都ban 就試吓叫佢出主意
你提出「今日想同小朋友出街」嘅要求
然後就交俾佢 如果佢諗唔到（通常男人都諗唔到）
就俾3個你諗好嘅option佢揀
冇得全ban 因為劈頭俾咗主動權佢 佢自己冇意見
唉~ 用手食我覺得 OK, 小朋友食野係搞到污糟哂, 倒落枱真係學壞手勢, 個時我都明佢一心只係想佢食多D, 所以都無出聲
事後我諗返, 如果個一刻我轉數夠快, 提議佢倒落碟度食, 可能可以完美解決紛爭 
2個讚
你識咁唸就very good
最緊要係搵到個解決方法
而唔係去討論誰對誰錯
希望你老公都有呢個啟發
有時間兩公婆認真傾下呢樣嘢
呢個方法好喎!!!
平時我都係諗好哂, 得一個方案, 佢就 BAN
如果比佢揀會好D, 有機會試下
可能都有機會佢 BAN 哂三個
不過以我自己感覺… 佢係好唔想帶小朋友去街
唔知佢係怕疫情定係嫌麻煩 (我自己感覺係後者), 或者係男人都係咁