今日在QM開始第一針
約0900打完
起初都無咩感覺
之後唔知是否m痛定打針後谷住痛
痛到腰都酸軟
之後個人全個下午都好攰
晚上重有少少肚痾
想問有冇人可以分享下打針後的身體有冇特別的感覺？
1個讚
我都打過排卵針
但打完無咩感覺呀
我打過n針，冇感覺。
點解我咁辛苦……明天打返去QM問下先…
別人的老公永遠是最好的
陪去醫院，陪覆診
又識照顧老婆心理不穩
我果個….我同佢講唔舒服
佢重要講（你同我講，咁我都唔知可以點做，你直接講想我點啦）
我想講，我都唔知
我只知我現在周身都唔舒服
嘩~~~
生仔得你一個生架佢無份咁?
唔舒服搵人呻下啫使唔使咁?
唉….之後佢聽到我喊
才識氹返我
但真的覺得好委屈
打針是我，忍住m痛唔食藥是我，
我都是想同佢陪我講下電話，氹下我
（佢份工收好夜，零晨一點幾才回到家，平時我起身上班，佢重瞓緊覺）
唔好唔開心啦,有時D男人就係好粗心
1個讚
唔好唔開心. 我老公連氹都冇結果嘈一大輪.
不過我唔係要比負能量你. 所以你要加油呀!
有唔舒服一定要同返QM講返.
可能你打既劑量大都唔定.
呢段時間記得食雞蛋同SUPPLYMENT,
得閒浸腳同做運動呀!
多謝你，有時真的想要心靈上的安慰
多謝你
我留咗言給QM，等緊覆……
我現在每日食一隻蛋，supplements 我食葉酸，vitamin D 及Q10
你呢，是否也是食這些？
浸腳都有
最緊要放鬆心情呀 
1個讚
QM有無要你每隔幾日覆診?
男人喺依D位有時好黑人憎, 粗心大意到想殺人 
佢安排咗我連續打七日，之後返去照超聲波
係，當時好想打人，但又無力，所以谷住谷住，自己在房喊
我就覺得有啲攰，但未至於唔舒服。
你要加油呀，做ivf過程既艱辛唔係個個都明白，多啲搵同路人傾訴，儘量休息多啲 
2個讚