我小朋友13個月
多數都係匙羹餵食
有時食水果/麵包會比佢手取
呢排有試下比佢用叉吉水果
佢好似未係好識用力吉
吉好比佢既話，佢就可以放入口
佢有時都拎起匙羹，想「不」野食咁
因我唔係好知可以點樣幫小朋友開始用餐具進食，請問大家係點樣開始呢？
未掌握到啫，俾多少少時間佢。
我自己會試用小朋友餐具，試完就知點幫小朋友。
1個讚
咁你會唔會揸住佢手幫佢呢⋯？
還是吉比佢自己放入口⋯？
慢慢黎，等小朋友自己摸索啦
揸住幫佢
吉比佢
全部都唔係佢自己用餐具
媽媽你諗返自己個出發點係乜先
健康院教，當你餵bb食嘢時，可以比多一隻匙羹佢揸住，等佢習慣揸餐具先
我就等到小朋友識揸實匙羹，就捉住佢手仔幫佢「不」嘢食，再放入佢個口
初初佢連放入口都放唔到，過咗一日就可以自己放入口，再過多一兩日佢就識自己「不」起放入口呢個動作，不過佢會「不」到周圍都係
而家歲半，我都係半餵半比佢自己食，我有少許潔癖，忍受唔到比佢自己食到周圍都係飯
當我試用小朋友餐具，知道力度，我會捉住佢手，俾佢知要用力拮入去。
我會做幾次，之後等佢自己做，
總之做到我都會讚，讚得多佢就更有信心試。
13個月仲好細，我小朋友個時多數仲係行緊BLW未用工具，但都會俾定個匙羹佢。
開餐個時照放羮，BB會當玩具玩未必”不”到，但BB嘗試過又見到媽媽點用叉羹食野，就會模仿做，佢地唔夠力吉，吉左幾次都吉唔到先幫下BB用少少力幫佢吉實個食物。
不過BB對用工具都係三分鐘熱度，個餐玩完啲叉叉羹羹”不”左兩啖落口就會用手拿黎食。
1個讚