今日收到育嬰院電話話有位比我bb（bb到時入園係4個月大）
其實我無諗過咁快有位，所以同公司申請左no pay 多半年到下年先返工，而且公司成日叫我哋打針（我人奶媽唔想打住）都考慮緊做唔做ftm
依家好苦惱入唔入育嬰院好，自己新手好多唔識比佢地專門湊好似好啲既，但我請晒假預左呢半年全心全意湊女⋯⋯BB先得幾個月咁細突然好唔捨得
依家放棄入學offer 好似又好難再有機會咁
有冇人係ftm 但都會放bb入育嬰院架？
1個讚
有offer 當然係入咗先，育嬰園咁難排，如果經濟許可，你咪當放半年假休息吓；想返工，就同公司講可以早啲返工。
2個讚
係邊間育嬰園呀？
我覺得你可以同公司試吓傾吓個情況 睇吓可唔可以早啲復工
如果ftm但bb返育嬰園我自己就覺得有啲浪費
我會想去打返份工幫補吓
咁兩個問題黎~
第一係做唔做FTM, 第二係你想唔想留響本來間公司
如果你只係唔想俾人迫打針
一係BB 照入育嬰園然後你去搵第二份工?
我都等緊育嬰想返工
少個人搵錢真係好大分別
無人天生識湊b，大家都係邊做邊學，bb 學習緊嘅同時你都學習緊，即使入左育嬰院都唔代表做父母嘅唔需要學習。
3個讚
如果比我揀，老公份糧夠嘅話，我會揀ftm，自己湊，真心嘅，睇住佢大真係好幸福嘅事，每分每秒都想同佢一齊，小朋友好快大，我都好唔捨得個仔大得咁快。
但如果唔夠錢嘅，就入育嬰園啦，而家唔take offer，之後入唔返，要等pn返長全日制嘅學校。
我都係FTM，睇住小朋友成長係一生人只有一次機會嘅事（如果只生一個）。
我好好彩，老公雖然唔係揾好多但都比我做。我哋係同6299住的，淨係供樓租樓錢都慳咗（就係呢個原因我先做到FTM）最多謝6299在管教上從來無干涉我
3個讚
入左先,又可以搵下其他工,咁咪唔洗打針lor
咁難得排到，當然入咗育嬰園先
等一個月左右如果BB適應，經濟OK咪當自己放下假唞吓先囉
1個讚
多謝大家意見
我地諗住最後都自己湊番，雖然育嬰院機會真係好難得，但想自己睇住bb每刻成長，呢段陪伴成長既過程好似更加難得
希望我哋無決定錯
2個讚
加油呀媽媽 ftm都唔易做㗎！
1個讚