M到血湧如泉，又暈又勁痛。
出街都驚暈喺街，食咗止血藥都係好虛弱 
而家喺去睇中醫嘅路上～
有無睇西醫照過？出血太多可能有少少問題
1個讚
我，今朝返返下工痛到嘔，要早走睇醫生，宜家喺張床攤緊。
我有去照超聲波 但又正常無事
有無留意生活習慣？成日飲凍嘢、懶運動、太瘦？
利申：過來人
無事就好了
剛剛想建議你去照下
1個讚
我又好少會嘔 主要係失血搞到頭暈 
十幾歲果時會，好似血崩咁、會暈。
依加反而係排卵好痛苦，會好腰痛、郁下都痛。
係呀 我比較瘦
已經食多啲野
凍野已經無飲了 
而家每個月一定要食止血藥 如果唔係隨時暈低
啱啱睇完中醫 希望有幫助
第一二日食飽啲，定時食飯
身體多啲energy冇咁易唔舒服
我🙋
最誇張試過休克要坐白車入急症
除左勁M痛外仲會肚瀉
頭2日通常辛苦到標曬冷汗
暖水袋，寶礦力，止痛藥係我好朋友
最後去醫生配避孕藥減輕M痛
好神奇的係，生完bb就無咩m痛，仲要每次都嚟得好順
我以前讀中學，每次m到都係俾人喺廁所抬落保健室
讀大專面青到俾學校call白車送院，勁樣衰
到返工又係痛到要早退
我次次m到都痛到暈同會嘔，瞓唔到，有時要坐有時要企，但我唔會食止痛藥
不過近幾年突然間冇以前咁痛
報到，我夜晚用安睡褲可以成條濕透，最後心口痛去睇醫生，發覺自己貧血。
不過最好搵婦科檢查清楚同跟進，始終血崩有好多原因。我嗰時有驗血、做晒抹片同超聲波，最後醫生叫驗埋子宮內膜黏連，touchwood都無特別嘢，所以當單純咁貧血，幸運嘅係食止血丸對我係work嘅。
嗰時醫生話都有好多人食丸無用嘅，咁下一步就可能要考慮戴藥性環。
我自己都有睇中醫調理，覺得係令我經前舒服啲，同經後補充返，但就唔多覺對血量有幫助。
我都試過M 到係街唔舒服坐白車入急症
白花油 鐵水 都係我嘅好朋友
我次次痛都要嘔，嘔完先會舒服啲，都唔知點解。
要食止血藥，咁你m完後有無調理補返氣血呀？
以前會呀，血崩+劇痛
食止痛藥冇效，生第一個時發現果種痛同打無痛之前感受到1-2度宮縮痛一樣，而宮縮痛食止痛講明冇效架
睇左女中醫調好左
生完兩個反而係少m但keep到冇m痛
（冇坐月）
最近捐血，第二日黎m
就虛脫+暈，湊唔到小朋友，訓左一日
每月黎m既第一日朝早，痛到訓係屋企地下，會痛到標晒冷汗，有少少休克，全日反胃，仲會肚痾。
上次黎m見到腳板底白晒同摸到腳趾好凍，應該同血液循環有關 
每月黎m前個幾日會睇定中醫，食定中藥調理到黎m個日。本身已經戒晒凍飲，可能疫情期間長期wfh，少運動，令身體變差，所以更m痛。
睇過話m前用暖熱水浸下腳會好啲，唔知係咪