Bb未滿月，一星期有一兩日會每隔兩個鐘就要食奶，唔比佢食會係咁大叫同唔訓交。同佢講野，唱歌，玩佢都唔理繼續喊。食唔夠飽又唔肯訓，不斷食手同叫。
雖然大小便正常，但健康院醫生話佢重得太快，驚咁落去好易痴肥… 要我唔可以少過3個鐘餵一次奶。就算bb狂喊都喊可以比。
依加都係佢醒左就抱佢，盡量拖到夠鐘食下餐先比佢食。
想請教一下我應該點做？
我個仔都係差唔多…但真係冇辦法，我4個月就加固，加固冇肥得咁快…但係…而家愈食愈多飯…
我呀媽成日話，bb唔識講大話，佢喊到咁癲即係需要食，係需要黎，唯有加固慢慢減…
我就拖足2個半鐘或3個鐘一餐，少食多餐…去到兩個月先開始減返少少…加固再努力
但係佢食量好大，一餐奶最少要食100ml, 唔夠食會飲完繼續嘴lam lam同扭黎扭去唔比你掃風… 同埋食唔夠一定唔肯訓
佢今日成個下午無訓過，到黃昏開始先餐同餐之間訓得著… 好難想像點捱到加固
Bb可能猛長期喎
本身係咪重磅b？
係咪全人奶？如果全人奶的，聽過係可以任佢放題咁食唔怕太肥
未滿月喎，如果母乳係個幾2個鐘食一次。
不過喊又未必真係肚餓，可能佢未適應呢個世界，冇安全感都會喊。
我個仔未滿月已經120ml…
一日6-7餐 食奶粉 加固後開始放慢增磅，而家好重手，但未去到醫生話要減肥
我個仔喊親都係肚餓，到而家都係…可能為食性格深入左基因…唔知樓主個仔係唔係咁…
我都有諗過，但唔係好似，因為佢係日頭唔肯訓，夜晚係正常作息既，咁應該唔係猛長期。
佢唔係重磅嫁… 依加增長太長都只係係生長線中位～
我係泵人奶樽餵 + 奶粉既，7/3比例咁上下，所以都無放題呀～ 醫生話要3小時食一次…
佢喊果時我會抱下佢先，如果佢訓返就唔會比佢食。但一定要行住un同拍，通常訓著一放落床就會係咁喊。搞佢唔掂… 今日我全日都無咩點訓過… 真係抱住佢都訓得著
頭兩星期係，依加真係唔知佢喊咩… 試過岩岩食完奶半個鐘都喊 但係無食手無濕片又唔係太凍太熱… 一抱起就唔喊
我仔係一餐100-120ml, 一日7-8餐～
佢一星期增左0.5kg, 所以醫生先話增長太快要控制。其實我都唔知點計一日食幾多奶先正常，見佢唔飽就比多d佢食。試過一餐140ml都食得曬
大女果時奶粉b未滿月180ml
出世6磅，重得好快
超出生長線
唔食佢喊到你投降
爭一安都唔放過你
6個月後就唔會重得咁快
儲埋儲埋會拉高
生長線只係reference 唔洗咁執著
So far我女3歲由肥嘟嘟米豬蓮到依家手長腳長抵抗力都好好
我個仔抵抗力都好好架！所以樓主唔駛咁擔心呀！食得多，好似會壯少少…
So far佢3年好好彩淨係小病過兩次，好快好返
Bb果陣新屋裝修擺左係娘家一排
我父母+兄弟姊妹病左，佢都冇被傳染
8個月果陣病病，睇中環一個好出名既老醫生
我問佢超晒生長線得唔得架～
佢話：bb儲埋有肉肉係好架，一黎代表佢好吸收，二黎佢病會瘦dd, 拉高又會瘦dd，唔係個個都儲到個肉肉脾同cheeks架
哎呀！我呀媽都係咁講！我同佢講先，原來佢講嘢同老醫生一樣，等呀媽開心下先
其實我本身都好開心佢重得快，佢出世得6磅半都唔係大b. 係健康院醫生講到好大問題咁，要我控制下…
Btw, 你囡囡一餐食咁多，有無腸胃問題果d? 我仔好似好多肚風（已經掃好耐風），同埋食得多果餐好易打嗝，醫生話我比佢食得太多佢消化唔到好易有腸絞痛
我本身都覺得佢食得是福～ 食飽就訓我不知幾開心！醫生話要控制體重搞到佢食唔飽成日喊又唔訓，呢幾日我真係湊到人都顛！
聽你地咁講都放心d~ 會繼續奶奶放題
1個讚
擔心可以睇多個醫生做參考，其實個個醫生睇法都唔同架，我個醫生第一次見呀仔重咁多係嚇親，但聽到佢唔食奶喊到咁癲，就話由得佢，醫生都同我講加固後會放慢…仔仔而家8個多月，好健康，而且好長身…睇上去唔肥架喇…只係好重…
1個讚
會唔會其實係睡眠問題？或者安全感？可能「吸啜」先令到 bb feels safe?
我兩個一個食得多一個食得少
大既一餐食好多
細既小食多餐
經驗係兩個都會有肚風腸絞痛同嘔奶
腸絞痛成因不明大概係因為腸胃出世三個月之內未成熟，所以有啲人叫百日哭
兩個都係大大下就冇事
1個讚