講少少背景
Bb 因為唔肯飲奶 體重一直都冇升
而家向醫院插胃喉谷體重
向醫院插左胃喉之後 更加唔肯用口飲奶
係完全抗拒
見過言論醫療師 佢地評估 佢係有能力去飲奶 但唔肯飲 覺得心理問題
糊仔果蓉都係唔太鐘意
究竟有咩方法可以令佢重拾用口去飲奶
BB 幾大？幾時開始唔飲奶？
轉奶粉?少食多餐!餵既時候,個奶樽咀要斜頂佢上顎,等佢易打開口同唔會咁易瞓着
快要十個月大
因為佢心臟有啲毛病
向4個半月時做左手術 住左3個月醫院
7個半月大出左院
每日飲奶都係飲得300-400ml （全日）
遇著佢肯飲時 可以15分鐘飲晒80ml
但如果唔想肯 個半鐘都未必飲得完支奶
一直都而家都唔肯飲
有時一啖都唔飲
試吓用針筒餵奶，屋企人bb細個唔肯飲奶果時，都係慢慢用針筒餵
3個讚
其實我地試過好多方法
半夢半醒餵佢，但一有奶到口佢就扭
轉咀又試過 轉奶又試過
因為而家佢唔夠磅 所以要飲infatrini
之前都飲過呢款奶
但都係唔太有興趣
10個月對奶嘅需求量係會少左，見你話佢飲到300-400ml。會唔會試下食粥仔？ 有d bb糊唔食，但會好中意食粥。
2個讚
我個女出世都係心心有事，已經好返。
佢8個月大，之前細個果時都係唔中意飲奶，去健康院磅越黎越輕。反而開始加固後飲多左奶。 但係都唔係正常BB咁固定時間。
佢食左一餐固體之後（食食下唔食，知佢唔夠飽）要即刻比支奶佢（又係飲少少）。但因為佢太輕，所以我寧願我就佢schedule，佢中意幾時食，食幾多都得，總之肯食同埋升返體重就得。
我個女唔中意食糊仔，都唔中意食粥仔。食得多少少既係淨南瓜，淨牛油果，淨香蕉，開頭我用佢食開果D奶溝稀再餵，唔知係咪咁所以佢慣左D奶味所以食多左奶（純粹推測），仲有蛋黃都係一個唔錯既選擇。
總之咩都試，試中一樣佢肯食多少少既就比果樣，再一直試其他。
加油！
2個讚
我仔長期厭奶,由2個月大開始,一飲奶就扭、大喊,一支奶可以飲個半鐘以上,餵佢飮奶好似打仗咁,我每日有8個鐘左右係去左餵奶 
問過醫生,醫生話佢冇得醫,係佢性格問題 
乜方法都試過,開住音樂餵、各種抱法、墊高頭放床餵、俾隻公仔/安撫巾佢拎住、用匙更、杯、針筒,某個時期用其中某D方法係work,好快就飲完/飲8成以上~要不停諗新方法去餵佢。
4定6個月時去健康院,姑娘話佢厭奶得黎又重得好好~就繼續咁餵,我每日D時間、心血就係去晒餵佢加固前都肥肥白白,加固後就變左厭食 …
到10個月大左右,終於可以大多數半個鐘內飲完~不過佢間中又會再飲成個鐘奶…
依家2歲,早晚2餐奶,已經有一段時間飲奶好順利,15 mins左右飲完。近排又厭過,又要諗新方法… 佢加固後瘦左好多,所以我要成日諗新方法,去令佢盡量食多D。
餵厭食BB真係會令人好攰…加油~盡力嘗試唔同方法餵,總有方法得! 
唔肯食野真係無晒辦法
佢地而家計劃想餓下佢 睇下究竟佢識唔識肚餓
呢幾個月真係身心疲累
又飲唔夠奶 體重又跌
同佢沖涼時見到一條條肋骨
覆診又俾營養師醫生捽
唯有繼續加油 試多啲方法
心臟有事真係要小食多餐，每次開1-2安奶，餵密D時間，加固試吓俾D星星餅米餅。祝小朋友身體健康
10個月可以試多d唔同野，有冇試過唔同既粥仔，煲下蕃薯粥，我試過煮蘋果粥，甜甜地好開胃。
唔飲奶，或者用奶粉開奶後整d食品。用奶粉整bb pancake 咁。
佢雖然有十個月 但發展遲緩
佢未識轉身 未識坐 好多野都未識
佢似3-4個月大的bb
所以只係試糊仔 粥仔 菜糊 肉糊 粟米糊 果蓉
佢要糊狀咁佢先食到
每次食幾啖就扭 嘔 拗後
真係身心疲累,我每日到佢開餐時間就激心激肺,依家大個識行,就坐唔定,走左去,佢來來回回個廳幾次先肯食一啖,嘔血… 
我仔最近都幾個月黎只係重得少少,體重條生長線就貼地…
我都餓過佢,佢係唔知肚餓要食野,又唔多識餓…(依家都係 
)有得玩就唔食都得,到太過肚餓,就大喊發脾氣,推走野食>唔食>肚餓>發脾氣>唔食>肚餓,不停loop…用餅仔氹左陣,先肯食返飯,但佢食左幾啖,有少少野落肚後,唔餓,又唔食了
你可以試下,俾D佢鐘意嘅野食氹佢食先,我試過一啖飯餸+餅碎/粟米粒(佢鐘意食),就好肯食~俾佢拎住鐘意嘅玩具/物品,分下心,都有機會餵到~加油~
我個女開頭都係咁，食得兩啖就勁拗後唔肯食。果時我以為係因為心臟問題，最後換奶粉，佢就肯食多幾啖。
我屋企人個仔試過換好多種奶粉，最後只有一種肯食。建議你無限不停試新野。
佢只肯食糊狀唔緊要，最緊要試到佢想食咩。我個女想食麵包（佢見到哥哥食乜玩乜佢都想跟），我都照比，用水整濕佢再比。只要佢體重升就得。
唔知你係咪第一個小朋友？我第一個小朋友加固嗰時好多嘢都唔敢畀佢食。到而家同個女加固，基本上唔係啲bb唔食得嘅嘢我都比佢，可以放膽啲比。