小朋友下年9月升小一, 諗住俾佢讀多一年書, 我地2公婆搵多一年錢就移民, 有諗過淨係讀一年不如搵間近屋企有資助嘅小學就算, 但亦都想喺呢一年俾小朋友讀IS, 喺英文語境下等佢去新環境時容易啲適應. IS 諗緊 YMCA基信，同朋友傾開話ESF 好, 但我諗ESF收嘅機會好微, 因為幼稚園都係讀唔出名村校 (但間幼稚園真係超級無敵好, 完全冇後悔入), ESF一定爭崩頭. 想知有冇人知基信好唔好? 或者九龍區IS有咩好介紹?
基信其實唔係 IS，真正 IS 係有國際學校牌，要收不少於 70% 非本地學生。基信係私立學校，只係課程係非本地。(情況就好似啲「國際幼稚園」咁，大部份都唔係「國際」囉！)
如果只係求英語環境（唔一定 IS），對其他科目要求唔高、對辦學人冇特別意見嘅話，旺角同慈雲山嘅德萃、九龍城嘅聖若望、同樣深水埗嘅聖馬加利、崇真國際部都適合。
有國際學校牌嘅九龍區次熱門學校有：藍田 Nord Anglia、何文田嘅 Stamford、九龍塘嘅京斯敦、朗思，九龍灣嘅啟歷、（次熱門即係唔係 ESF、德瑞呢啲大熱門，唔排除次熱門學校都多人爭）
哇!多謝你詳細解答, 我都唔知原來有分別. 咁我明點解啲人話要有外國 passport 先入到 IS. 因為可以當係非本地學生咁收生.
咁其實真正 IS 同非本地課程私立, 除咗喺收生比率上有分別之外, 係咪都係一樣, 唔使俾教育局干預咁多?
從學生/家長角度，除左國籍之外，基本上都冇太大分別。非本地課程私立學校因為收生多 local 學生，中文方面可以深啲啲 (e.g. CKY、VSA)，但都要睇佢地學生係咩，如果係收本地人但佢哋本身唔係中文做第一語言嘅話 (e.g. 本地出世嘅南亞)，咁中文課程都唔會同國際學校嗰啲差太遠，又或者學校裏面都會做兩個中文 stream。
上面講嘅九龍小學同 Kingston，佢哋係國際學校收好多海外護照，但佢哋好多都係二代護照嗰隻，即係都係香港人，甚至老師都只係大陸人或者南亞老師。有啲家長就唔太鍾意呢類，鍾意啲冇乜香港人或者鍾意環境多啲金髮碧眼同外國有錢區一樣。如果係呢方面有要求嘅話，可以去各校網留意下啲相。
YMCA雖然係私校牌，但教學非常接近IS，西人老師教學
類似既私校有Anfield Primary, Stamford American School
九龍小學即係ESF Kowloon Junior, 係英基啊
係喎，唔記得左添～
大家都好勁, 知道咁多, 我一直上網搵資料都仲係一知半解. 多謝上面耐心解答& 介紹