仔仔8個月大，而家識自己扶住圍欄，由坐變企，但搞笑現象係：佢日日扶住個圍欄企，又唔肯坐，好難拉返佢落黎，轉個頭又企返起身，成日好似有個小朋友罰企。企咁耐，正常架？
我女都係自從識企就唔肯坐唔肯爬，到依家仲好中意扶住圍欄行添 
我個仔又係！扶住圍欄似隻蟹咁打橫行！
係呀，放心，佢地行/企得多就開始學識點樣由企轉番坐
其實仔仔識由企變坐，但佢唔肯坐
日日企，真係企好耐，所以上黎問下
1個讚
我個仔都係8個月 一樣
企係度 可以企好耐
1個讚
應該冇問題呀，媽媽group d bb都係咁，應該係發展階段黎
1個讚
我仔都係咁，一識企就唔願坐，成日企。
1個讚
多謝各位回覆…咁我由得個仔日日罰企
1個讚
佢企得攰自然識得坐，我嗰個以前都係咁企全日，換片都要企住換。
唔使擔心喎，佢梗係有能力企先會企㗎啦，又唔係你逼佢～啱啱學識新嘢係會不停咁重複做㗎！
1個讚
我就係見佢好似唔識攰咁，連我望住佢企我都覺攰…我成日問佢對腳唔攰咩不如坐下，直接無視我…
1個讚
我對仔女都係由坐變企，無爬過 tim
其中細仔出於好奇心，15 個月已經自行行咗樓梯 tim, 早咗唔少
1個讚
企高可以睇多d野ma
如果唔想佢企咁多，冇野扶就得架啦
我個陣想阿仔平衡力好d, 所以都專登比佢地爬多d
1個讚
有呀，佢爬得好好，有時快到捉唔住…只係近來沉迷站立…我有拆過圍欄，佢轉去扶其他傢俬企，個樣神氣到呢，好似話俾我聽我阻唔到佢
1個讚
我女七個半月識企，八個月扶行，宜家九個幾月已經開始離手，佢好鍾意用我個人嚟爬呀扶呀咁練習，基本上自從識企已經好難哄佢訓自己床，一㩒低佢就極速反轉彈起身，睡夢中都會夢遊咁彈起，仲有就係成日以為佢訓覺啦，望埋去又原來佢默默咁監視住你
1個讚
係呀！我個仔都係！6個月開始學爬，7個半月有一日發現佢無端端企左起身，仲以為自己眼花…而家一路企一路扶行，可以行到兩個圍欄，成隻蟹咁…呢三日仲神氣，成日扶扶下自己鬆手，離手企幾秒又扶返實，牙煙到我一額汗…我同你一樣，變左人形練習爬架，我d衫俾佢捉到領口位鬆哂，頭髮都俾佢搣甩幾條…
今日佢唔肯午睡，我就咁掟佢去「罰企」，一企又好耐，突然覺得又好似幾好咁