講返背景先，同緊老爺奶奶住，有個剛剛出世的BB，自己湊
0係湊B呢樣野唔知點解每樣野都達唔到共識…真係唔識解決…
1:反口湊B: 之前大肚0個時就話我出去搵錢, 老公自己睇，又或者老爺奶奶湊, 點之生完出黎，可能湊B對老公黎講係辛苦，就反口話唔辭，老爺奶奶又唔OK, 最後我辭職自己湊
2:過度干涉購買BB用品: 買BB用品我老公每呢樣好有要求，要無化學成份, 要天然，呢樣對BB好我明，但他花太多時間做RESEARCH, 但有D野係要急住用，就好似濕紙巾咁, 0係BB一出世其實要有…但要等他做完RESEARCH先可以買…之前都係用綿巾濕水，咁之後大把BB野要買，EG: 加固用品，點等得咁耐呢
3: 打機，之前講好他要打機就要0係廳打…點之試左幾次, 可能麻煩而且奶奶成日0係廳啦，他就轉左入房打，咁BB0係房我當然會出聲啦，點之0係到鬧我，而家仲進展到我同BB訓緊都打，其實好影響睡眠質素
4:語言暴力: 呢排有D野要傾，總會夾D粗口字眼…其實一直有講過唔鐘意，但呢排又加返，我聽落其實好銀耳，話他他就話我係咁架啦…無言…
5:家用問題: 之前我地有野做時就經濟獨立…咁我辭職湊B問仔拎家用其實好理所當然吧，但他總會有理由0個到扣D呢到扣D,
1個讚
佢都幾麻煩又要緊啲日用品 又要唔湊總之就係想做口水司令 得把口 唔想實實在在負責任叫佢唔好齋talk 實際做吓嘢喇
我覺得你老公好不切實際，有要求係好，但唔洗咁極端。佢打機係咪開始想逃避現實，係咪bb好難湊？
呢到我都有野補充，湊b他有份湊，而家他負責洗奶樽同加固，因為呢2樣我做唔到他要求，但他會一路做一路呷，聽都覺得煩
可能都有啲，我唔係唔比他打，我都有退讓，只係大家訓的時間唔好打，同埋bb醒的時候音樂唔好太大聲，
自問個b唔算難湊，戒左夜奶已經好好
你地經濟能力如何？如果情況許可請個工人番黎幫手可以減低2公婆鬧交。特別係bb初生，大家都係初為父母，一開始係會較多磨擦，之後會好好多。呢段時間會好快過去，加油！
2個讚
湊初生bb可能大家都大壓力，佢心情未必好所以對你惡言相向。男人都可能會有產後抑鬱的，可能大家都要互相關心下，一齊努力照顧好bb 
1個讚
同老爺奶奶住唔會請倒，其實湊b無問題，只係中家互相關注的點唔同而成日嘈
淨係講家用都要計到咁都無野好講，不如排育嬰園出返嚟做野。你老公完全唔適合當家。
1個讚
好同意，斤斤計較成咁，聽到都煩
做就做，唔好咁多聲氣，唔好又要做又要呻，老套
佢可能覺得你收埋左舊錢，而你地屋企又少左一個人做野，佢財政都可能有壓力，所以咪咁….你哋都係傾下啦
係，我可以用私己
但我又唔係好有錢，而家自己食都要自己比咁私己總有用完一日。咁點算，而家他都唔養我咁結黎做咩？我唔係唔想出去做野，之前我預計過會咁所以我先話繼續出去做野，點之他反口姐。
反口唔湊b已經夠衰，仲要同老婆計較嘅男人真心難頂，同情樓主。
3個讚
你出返黎做野，人工可唔可以搬出去加請工人？反正老爺奶奶唔幫手
啱呀，如果老爺奶奶係幫唔到手，自己出去住財政獨立算啦
遲啲個BB大啲，教育上一定會同啲老人家有拗撬
同意樓上講請工人，我之前一開始冇工人，奶奶住喺到幫手湊係會極多磨擦，請左工人好好多！如果經濟能力許可，強烈建議！
1個讚
就咁睇佢都好自私，依家好似變左係你嘅問題咁，成家旨意你一個湊b.
如果BB出左世一排都系咁，真系唔好指意距以後會突然之間成為好爸爸，要有心理準備自己出翻黎做野，經濟獨立永遠都係最重要。。。
3個讚
CatVV
20
我都好明白你心情
打機呢個問題… 好似無野可以阻止男人打機 =="
我睇化左, 係屋企既話, 如果佢打機帶耳筒, 唔會嘈住小朋友訓我都由佢
我只但求佢係街唔好一路行一路打就得喇 (我老公試過, 抱住個女, 塞住隻耳仔, 碌住手機, 睇到我一額汗)
2個讚