你地安排咗咩活動比自己讀幼稚園嘅小朋友？
係咪日日都有安排？
拋磚先
我幫仔仔報咗
籃球班，足球班，小司儀班，畫班同stem class
可能仲會報英文等佢仲記得上堂學過咩
你地呢？
都係報學術班為主，再搭一d同stem有關嘅班
drama, 節奏樂, 畫繪本, 跳kpop showcase, phonics, 全科私補, 原來都有6樣。
基本上係星期2，4，6咁上
呀囡唔stem, 唔迫佢住，發掘下其他興趣先。
九月升小一
怕佢遲下會追得辛苦
普通話 movers 數學 再另外上stem 加 跳舞畫畫鋼琴
明明已經好多堂 但今日仲同我講想再上多d堂
中文 phonics 足球 游水 畫畫
小提琴、溜冰、音樂唱遊、數學、STEM、游水… 星期一至六, 日日有節目, 我女仲話想學埋花式跳繩. 
前前後後使咗萬五蚊以上… , 諗返都肉赤. 可能因為疫情成日留喺屋企, 所以比較捨得駛錢喺興趣班. 下年未必再咁大使. 你地又使咗幾多錢?
1個讚
我係 workmom, 無人帶去興趣班
你都好捨得，我暫時只洗左4-5千，自己湊唔敢編太密
我做ftm都只可以一日一個興趣班
大熱天時，帶埋個細去送個大去上興趣班，佢上興趣班我地兩個就周圍蕩，好辛苦
1個讚
咁阿仔點打發個暑假？？
我見有人徵過區內接返放學嘅姨姨
你可以諗諗
我明呀, 所以之前我細女仲太細嗰陣都冇幫大女報任何嘢, 只係今年細女已經3歲, 可以2姊妹一齊上, 我就輕輕鬆鬆 drop 低佢地2個去食個早餐, 夠鐘先去接返佢. 你都好快咋! 加油!
又要搭車, 又要執小朋友出街用品, 又大熱天時, 又要預時間返屋企準備晚飯… 編太密真係搵自己笨 
1個讚
有無人參加D幾個鐘先接返既班？
我啲小朋友細時乜都無參加。
幼稚園得三星期暑假，而出面好多課程都去到八月尾，跟本撞晒時間。細個時下晝又要瞓晏覺
我小朋友都升中了。
1個讚
我 join 咗啲2個鐘可以接返, 可以抖吓氣
得3星期咁少? 我嗰間有7個幾禮拜暑假
以前細嗰個未夠一歲時有幫哥哥報，一連上三堂，三個幾鐘嗰隻，當佢繼續返學
小女升小六, 講真係乜都唔想報, 只會KEEP本身有嘅樂器同日文兩樣
平時有時間睇下書好過, 夏天帶出帶入大家都辛苦
1個讚
係呢，其實得3星期
想 hea下算
要求人幫手帶去興趣班好似有啲麻煩