想問大家點戒夜奶？想幫佢戒夜奶 2日都可以頂到6點左右 但尋晚突然3點狂喊 拍佢都無用
有無咩方法可以快速戒奶？
如果最後一餐係大概10:00幾食，另一餐到早上6點先食，已經係戒左喇
夜晚個餐我會「加料」加多一安至半安比bb食飽啲
我對仔女都係2個月大以前戒咗，首先 0:00 一餐，跟住 5:00 一餐
慢慢推遲 5:00 果餐去到 6:30，再提早 0:00 果餐去 10:00
不過大女提早0:00果步唔多成功，因為佢食得太慢，去到 2 歲都仲係 0:00 要飲奶
仲有唔好著太多衫，因為太熱的話佢哋會好快肚餓，適量衣物就可以，最緊要係唔好吹親肚仔，uniqlo 有款睡衣包住個肚好啱用
我兩個小朋友一個兩個月後戒咗，一個滿月後戒咗，其實都好睇小朋友性格，懶瞓啲嘅會易啲，父母只能配合，逼唔到，但我就相信越早戒越易戒。我自己會每晚瞓前最後一餐餵飽啲，最好11點後餵，然後佢唔喊就唔使理，當佢半夜起身唔好第一時間比奶，而係要想下辦法點樣安撫返佢，最理想係佢可以瞓返，真係頂唔順先比奶，即使只係爭取10分鐘都好，理想情況下，每晚拖多10分鐘，一個星期後都多咗成粒鐘，慢慢會見到成績，但當然需要好多堅持，畢竟你塞支奶比佢飲完再瞓可能快得多。
其實爸爸媽媽心態都重要，我第一胎時都唔相信小朋友可以咁快戒夜奶，怕餓親，但有朋友同我講佢小朋友兩個月就戒咗，我先試下，結果真係做到，第二胎戒得更加順利，我覺得信念都好緊要。
1個讚
2-3月大戒左，而家keep10-11點餵，6點起身餵，唔駛半夜起身就ok了
一晚半晚醒好正常，大人都會🥲 我b呢兩日朝都忽然去左日本時區，平時我6點半dream feed，呢兩朝5點半自己醒🥲🥲🥲
1個讚
我女係3個月時咁岩冬天凍冰冰，佢唔願起身自己戒左。
如果一晚半晚，會唔會試下俾啖水佢飲？我陪月講過有時佢地未必係想飲奶，純粹好似大人咁訓訓下口乾想濕濕個口者
大家bb都好早戒呀 真幸福
尋晚試左10點比奶 可以頂到6點飲奶
希望keep住
1個讚
咁樣已經好成功啦！
無迫，大果個4個月自己戒左
細果個兩歲都仲未戒，而我又覺得無咩所謂，俾佢自己決定返
其實每個BB都唔同
我B啱啱三個月，
冇特別幫佢戒夜奶，
但一到夜晚九點就會帶佢入房氹瞓覺，
同埋熄晒房燈，
佢出世以來夜晚都比較易氹瞓的。
去到兩個月都係三個鐘要餵一次夜奶，
但兩個半月就突發瞓到幾日六個鐘，
之後又變返三四個鐘不定。
跟住滿三個月，
突然連續三晚瞓到八個鐘，
之後又變返六個鐘。
但我係冇特別做過咩，
所以我相信係BB自己長大嘅結果。
目前我都係好佛系～
我個仔9點訓, 11:30左右我會整醒佢餵一餐, 佢一般6-6:30起身
點先可以戒埋11:30呢餐呢 ?
你個仔幾大？我都想戒10點11點個餐。
我仔6個半月會唔會太細？
我好認同個個bb都吾同
因為我仔6個月前全人奶，都係2-5個鐘到一餐，
係6個月個時我都想同佢戒夜奶。
咁我上網睇 好多媽媽話訓前加多少少or00:00俾多餐佢飲。咁我兩樣都試過。我個仔好有性格，加多少少奶量既話 佢點都吾會飲多少少 佢夠佢就會停
飲多10ml都吾得。
咁就試下加多餐俾佢喇 。
8:30訓前飲120-180奶，
跟住係00:00俾一餐佢飲
係半訓半醒咁飲120到 ，
但都係要係3-4點起身飲奶，
試左一個星期都係咁 ，
我放棄左 吾比00:00個餐奶佢由佢訓，
咁到佢喊既時候先沖奶 ，
830飲完一訓訓到3-4點先再飲 ，
跟住幾日後一訓訓到6-7點先起身飲奶，
直到而家就快11個月 。
而家有時一訓訓到8點幾先起身飲奶。
所以媽媽吾洗急住同佢戒
BB有自己既時間表
媽媽加油丫 好快就會捱過嫁喇
想問bb跟大人訓就可以1點訓到7點 但自己訓唔得 係咪都叫戒左夜奶？
同埋佢勁多屎尿 試過幾次起身發現爆片濕哂
而家會半夜幫佢換片 但會整醒左佢
咁樣可以點做
我成日想知整醒佢會唔會對佢唔好？