本人只有15分，想囡囡中小學過東區，因為認為中小學都較平均～大部分嘅校風都好好～
因為跨區嘅原因，我只有自行同甲12可選第二區，機會微，兩個11對我黎講就要好小心，因為都可以係預黎for叩門～我留意左幾個月，暫時嘅選擇有幾個：
自行：康山，甲1康山，甲2太古
自行：太古，甲1太古，甲2康山
自行：丹循，甲1丹循，甲2康山/太古
自行：滬江，甲1滬江，甲2康山/太古
是否自行康山最大機會入到？
110丹循滬江有利誠意分？
謝謝各位有經驗人士
康山係happy，但升中真係無其他咁好，你係咪唔介意？
好忐忑嘅，當然想入間好啲，但怕自行同甲12失敗
我雖然唔係你個區
但都類似樓主同一問題。
自行個間唔係最好選擇但又唔差，想小朋友入到好既小學就要出去搏。
我都心大心細是是旦旦自行就算，定做啲唔好令自己後悔既去搏間好小學。
反正15分乜都無都無嘢輸，咪搏吓囉
跨區嘅擔心就係怕到時兩頭唔到岸
以上幾間黎講，邊一間叩門會最難呢？
由邊度跨東區？15 分都可以搏聖家。
（溫馨提醒：啲 110、111，對於 95% 嘅學校係冇乜用）
本身為95校網，15分係咪唔應該搏有宗教或太多舊生必收生嘅學校？？因為睇其他forum話好多25、20分都已收唔哂…
因為見某啲學校都講明111或110一定會見，而其他就只睇profile揀黎見
難怪諗東區。
唔係咁多間學校話要 111/110。滬江、香港嘉諾撒有 000 offer，冇特異功能，丹循都有，只係話有揀過就機會大啲。
另外都可以諗下軒銅，甲部有揀過就得，因為識人係 030 成功攞 offer，都係冇特異功能，佢住 48 網，所以有得諗。跑馬地聖保祿都可以 000 叩有 offer。
誠意分根本算不上什麼，如果黎左一個學術品格好嘅學生，你 111 都打唔贏佢，年年都有呢啲 000 嘅品學兼優生。東區咁多間，都聽過 000 offer，所以 110/111 係幾乎零作用。唯一聽過必須 111/110 嘅，只有荃灣同沙田一兩間大熱。但識幾個小朋友近年升小嘅，全部 offer 都唔係 110/111，好多 000/001，007 都仲得。
多謝你肯咁認真答我
睇黎叩門係預計之內～唔係要111/110已經好好～
想問如果只揀14校網，滬江、炮米、太古⋯
你知道邊間叩門考英文最深嗎？
囡囡英文方面較弱，特別講故事😮💨
呢啲學校叩門唔多考英文，頂多只係用一兩條簡單生活英文 (e.g. What is your favourite colour? Where do you live?)，傾計為主。除左啲擺明考筆試嘅學校，幾乎全部都係主要廣東話傾計。
小朋友只需要表現大方得體，有禮貌開朗，唔好官方答案式作答就得。根據叩門成功嘅小朋友，佢哋都係啲答案好有童真，搞笑引到校長老師都笑出聲嗰啲就一定有 offer。
面皮厚都好重要 
希望之後有好消息比大家知～
話咁快兩個月後就自行…
我都係跨區東區小學，好彩最後扣到。
樓主個幾間都係好唔同類型，所以真係諗下邊個最岩你個女。我估康山應該比較易扣。
同埋係本區揀定間穩入同都岩心水，最後跨區唔到，都有間岩讀。
祝成功
恭喜你呀~ 以上幾間係咪康山同丹循較愉快學習? 滬江及太古學業上比較進取?
因為雙職關係, 都怕學校唔吹谷, 但希望家長自行吹谷 (好似有些學校會咁, 或者家長已自動自覺 
)
都想了解下, 我暫時只去左康山的Openday
唔少人派左康山都會走 (唔係話佢差，但如果手上有蘇小、高主教、嘉諾撒之類)，咁所以自行甲1 都可以唔洗咁快填佢。15 分真係可以搏下滬江。「自行：滬江/丹循，甲1滬江/丹循，甲2康山」《呢個係最理想。
好多家庭都雙職又讀谷校，依家仲越來越多學生係呢個結構嘅家庭，佢哋都係用補習老師幫手解決學習問題。身邊好多呢類家庭，仲係讀大熱直私搏殺嗰隻，仔女成績都係外判，經常考到 8 字、9 字。所以都唔需要咁擔心呢方面。
思考過後我都打算同你建議既咁填, 之後就預努力叩門啦 
多謝你地寶貴意見, 依家又再準備睇下自己95區有邊間適合,
將軍澳真係難過揀外區添呀我覺得
你本身係邊一區跨去東區??
48過東區
48仲冇乜選擇，間間谷到癲